ਅਭਿਨੇਤਰੀ ਅਨੁਸ਼ਕਾ ਸ਼ਰਮਾ ਨੇ ਇੰਸਟਾਗ੍ਰਾਮ ‘ਤੇ ਇਕ ਮਜ਼ਾਕੀਆ ਵੀਡੀਓ ਸ਼ੇਅਰ ਕੀਤਾ ਹੈ, ਜਿਸ ‘ਚ ਉਹ ਆਪਣਾ ਪੇਟਿੰਗ ਟੈਲੇਂਟ ਦਿਖਾਉਂਦੀ ਨਜ਼ਰ ਆ ਰਹੀ ਹੈ। ਹਾਲਾਂਕਿ ਪੇਂਟਿੰਗ ਬਣਾਉਂਦੇ ਸਮੇਂ ਅਨੁਸ਼ਕਾ ਨੂੰ ਵੀ ਨਹੀਂ ਪਤਾ ਸੀ ਕਿ ਇਸ ਦਾ ਨਤੀਜਾ ਕੀ ਨਿਕਲਣਾ ਹੈ। ਉਨ੍ਹਾਂ ਨੇ ਇਹ ਵੀਡੀਓ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ਤੋਂ ਸ਼ੇਅਰ ਕੀਤੀ ਹੈ, ਜਿਸ ਨੂੰ ਦੇਖਣ ਤੋਂ ਬਾਅਦ ਯੂਜ਼ਰਸ ਕਾਫੀ ਮਜ਼ਾਕੀਆ ਪ੍ਰਤੀਕਿਰਿਆਵਾਂ ਦੇ ਰਹੇ ਹਨ।
ਅਨੁਸ਼ਕਾ ਵਲੋਂ ਸ਼ੇਅਰ ਕੀਤੀ ਗਈ ਵੀਡੀਓ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਅਨੁਸ਼ਕਾ ਕੈਨਵਸ ‘ਤੇ ਪੇਂਟਿੰਗ ਕਰਦੀ ਅਤੇ ਇਕ ਤੋਂ ਬਾਅਦ ਇਕ ਰੰਗਾਂ ਦੀ ਵਰਤੋਂ ਕਰਦੀ ਨਜ਼ਰ ਆ ਰਹੀ ਹੈ। ਇਸ ਵੀਡੀਓ ਨੂੰ ਸਾਂਝਾ ਕਰਦੇ ਹੋਏ, ਉਸਨੇ ਇੱਕ ਖਾਸ ਕੈਪਸ਼ਨ ਦੇ ਨਾਲ ਲਿਖਿਆ, ਜਦੋਂ ਕੋਈ ਤੁਹਾਨੂੰ ਪੇਂਟਿੰਗ ਕਰਨ ਲਈ ਕਹਿੰਦਾ ਹੈ ਅਤੇ ਤੁਸੀਂ ਇੱਕ ਮਾਸਟਰਪੀਸ ਬਣਾਉਂਦੇ ਹੋ। ਅਨੁਸ਼ਕਾ ਦੀ ਪੇਂਟਿੰਗ ਪੂਰੀ ਹੋਣ ਤੋਂ ਬਾਅਦ ਜੋ ਨਤੀਜਾ ਸਾਹਮਣੇ ਆਇਆ ਹੈ, ਉਸ ਨੂੰ ਦੇਖ ਕੇ ਉਸ ਨੂੰ ਯੂਜ਼ਰਸ ਨੇ ਇਕ ਤੋਂ ਵਧ ਕੇ ਇਕ ਪ੍ਰਤੀਕਿਰਿਆ ਦਿੱਤੀ ਹੈ।
ਵੀਡੀਓ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਪੇਂਟਿੰਗ ਪੂਰੀ ਹੋਣ ਤੋਂ ਬਾਅਦ ਅੰਤ ‘ਚ ਅਨੁਸ਼ਕਾ ਦੀ ਪੇਂਟਿੰਗ ਦਾ ਨਤੀਜਾ ਸਿਰਫ ਕਈ ਰੰਗਾਂ ਦਾ ਮਿਕਸ ਮੈਚ ਸੀ ਅਤੇ ਇਸ ਤੋਂ ਬਾਅਦ ਵੀਡੀਓ ‘ਚ ਕੰਧ ‘ਤੇ ਪੀਲੇ ਰੰਗ ਦਾ ਮੁਸਕਰਾਉਂਦਾ ਇਮੋਜੀ ਅਤੇ ਪੈਕਅੱਪ ਲਿਖਿਆ ਦਿਖਾਈ ਦੇ ਰਿਹਾ ਹੈ। ਅਨੁਸ਼ਕਾ ਦੀ ਪੇਂਟਿੰਗ ਦੇਖਣ ਤੋਂ ਬਾਅਦ ਇਕ ਯੂਜ਼ਰ ਨੇ ਵੈਲਕਮ ਫਿਲਮ ‘ਚ ਅਨਿਲ ਕਪੂਰ ਦੇ ਕਿਰਦਾਰ ਨੂੰ ਜੋੜਿਆ ਅਤੇ ਲਿਖਿਆ, ‘ਮਜਨੂ ਭਾਈ ਮੁਕਾਬਲਾ ਹੋ ਗਿਆ’! ਇਸੇ ਤਰ੍ਹਾਂ ਇਕ ਹੋਰ ਯੂਜ਼ਰ ਨੇ ਲਿਖਿਆ, ‘ਵਾਹ ਵਾਹ, ਇਹ ਮਜਨੂੰ ਭਾਈ ਦੀ ਮਾਸਟਰਪੀਸ ਤੋਂ ਵੀ ਜ਼ਿਆਦਾ ਖੂਬਸੂਰਤ ਹੈ!
