ਯੂਕਰੇਨ ਦੇ ਖ਼ਾਰਕੀਵ ਸ਼ਹਿਰ ਵਿੱਚ ਰੂਸੀ ਹਮਲੇ ਜਾਰੀ ਹਨ। ਸ਼ਹਿਰ ਦੇ ਗਵਰਨਰ ਦਾ ਦਾਅਵਾ ਹੈ ਕਿ ਇਨ੍ਹਾਂ ਹਵਾਈ ਹਮਲਿਆਂ ‘ਚ 21 ਲੋਕਾਂ ਦੀ ਮੌਤ ਹੋ ਗਈ ਹੈ, ਜਦਕਿ 112 ਲੋਕ ਜ਼ਖਮੀ ਹਨ। ਭਾਰਤ ਸਰਕਾਰ ਨੇ ਖਾਰਕੀਵ ਦੇ ਸਾਰੇ ਭਾਰਤੀ ਨਾਗਰਿਕਾਂ ਲਈ ਅਡਵਾਈਜ਼ਰੀ ਜਾਰੀ ਕੀਤੀ ਹੈ ਇਸ ਵਿੱਚ ਭਾਰਤੀ ਵਿਦਿਆਰਥੀਆਂ ਨੂੰ ਤੁਰੰਤ ਖਾਰਕੀਵ ਛੱਡਣ ਦੇ ਹੁਕਮ ਜਾਰੀ ਕੀਤੇ ਗਏ ਹਨ।
ਭਾਰਤ ਸਰਕਾਰ ਨੇ ਖਾਰਕੀਵ ਦੇ ਸਾਰੇ ਭਾਰਤੀ ਨਾਗਰਿਕਾਂ ਨੂੰ ਦੋ ਅਡਵਾਈਜ਼ਰੀਆਂ ਜਾਰੀ ਕੀਤੀਆਂ ਹਨ। ਪਹਿਲੇ ਵਿੱਚ ਖਾਰਕੀਵ ਸ਼ਹਿਰ ਨੂੰ ਤੁਰੰਤ ਛੱਡਣ ਲਈ ਕਿਹਾ ਗਿਆ ਹੈ। ਖਾਰਕਿਵ ਨੂੰ ਹਰ ਹਾਲ ਵਿੱਚ ਸ਼ਾਮ 6 ਵਜੇ ਤਕ (ਭਾਰਤੀ ਸਮੇਂ ਅਨੁਸਾਰ ਰਾਤ 9 ਵਜੇ ਤੱਕ) ਛੱਡਿਆ ਜਾਵੇ। ਦੂਜੇ ਅਲਰਟ ਵਿੱਚ ਪੋਸੇਚਿਨ, ਬਾਬਈ ਅਤੇ ਬੇਜ਼ੁਲਯੋਡੋਵਕਾ ਤੱਕ ਪਹੁੰਚਣ ਲਈ ਕਿਹਾ ਗਿਆ ਹੈ। ਇਹ ਵੀ ਕਿਹਾ ਗਿਆ ਹੈ ਕਿ ਖਾਰਕਿਵ ਨੂੰ ਪੈਦਲ ਹੀ ਛੱਡਕੇ ਚਲੇ ਜਾਓ। ਉਨ੍ਹਾਂ ਕਿਹਾ ਕਿ ਅਗਲੇ ਤਿੰਨ ਚਾਰ ਘੰਟਿਆਂ ਦੌਰਾਨ ਭਾਰਤੀਆਂ ਨੂੰ ਖਾਰਕੀਵ ਹਰ ਹਾਲਤ ਵਿੱਚ ਛੱਡਣਾ ਹੀ ਹੋਵੇਗਾ, ਕਿਉਂਕਿ ਖਾਰਕੀਵ ਤੋਂ ਲੈ ਕੇ ਕੀਵ ਤੱਕ ਭਾਰੀ ਬੰਬਾਰੀ ਲਗਾਤਾਰ ਜਾਰੀ ਹੈ।
