ਰੂਸ ਅਤੇ ਯੂਕਰੇਨ ਵਿਚਾਲੇ ਪੋਲੈਂਡ-ਬੇਲਾਰੂਸ ਸਰਹੱਦ ‘ਤੇ ਦੂਜੇ ਦੌਰ ਦੀ ਗੱਲਬਾਤ ਸ਼ੁਰੂ ਹੋ ਗਈ ਹੈ। ਯੂਕਰੇਨ ਦਾ ਵਫ਼ਦ ਕਰੀਬ 24 ਘੰਟਿਆਂ ਦੀ ਦੇਰੀ ਤੋਂ ਬਾਅਦ ਘਟਨਾ ਸਥਾਨ ‘ਤੇ ਪਹੁੰਚਿਆ ਹੈ। ਰੂਸੀ ਸਰਕਾਰ ਦੇ ਬੁਲਾਰੇ ਦਮਿਤਰੀ ਪੇਸਕੋਵ ਨੇ ਕਿਹਾ – ਸਾਨੂੰ ਉਮੀਦ ਹੈ ਕਿ ਅੱਜ ਦੀ ਗੱਲਬਾਤ ਕਿਸੇ ਸਿੱਟੇ ‘ਤੇ ਜਰੂਰ ਪਹੁੰਚੇਗੀ। ਯੂਕਰੇਨ ਵਿੱਚ ਰੂਸ ਦੇ ਹਮਲੇ ਲਗਾਤਾਰ ਅੱਠਵੇਂ ਦਿਨ ਵੀ ਜਾਰੀ ਹਨ। ਰਾਜਧਾਨੀ ਕੀਵ ਤੋਂ ਇਲਾਵਾ ਰੂਸੀ ਫੌਜ ਖਾਰਕੀਵ ਸਮੇਤ ਕੁਝ ਵੱਡੇ ਸ਼ਹਿਰਾਂ ‘ਚ ਮਿਜ਼ਾਈਲਾਂ ਦਾਗੀ ਜਾ ਰਹੀ ਹੈ। ਰੂਸੀ ਬੰਬਾਰੀ ਦੌਰਾਨ, ਚੇਰਨੀਹੀਵ ਤੇਲ ਡਿਪੂ ਵਿੱਚ ਅੱਗ ਲੱਗ ਗਈ।
ਦਸ ਦਈਏ ਕਿ ਇਸ ਤੋਂ ਪਹਿਲਾ ਹਮਲੇ ਦੇ ਪੰਜਵੇਂ ਦਿਨ ਰੂਸ ਨੇ ਗੱਲਬਾਤ ਦੀ ਪੇਸ਼ਕਸ਼ ਕੀਤੀ ਸੀ। ਬੇਲਾਰੂਸ ਸਰਹੱਦ ‘ਤੇ ਯੂਕਰੇਨ ਨਾਲ 5 ਘੰਟੇ ਤੱਕ ਗੱਲਬਾਤ ਚੱਲੀ। ਹਾਲਾਂਕਿ ਇਹ ਗੱਲਬਾਤ ਬੇਨਤੀਜਾ ਰਹੀ ਅਤੇ ਰੂਸੀ ਫੌਜ ਨੇ ਉਸੇ ਦਿਨ ਰਾਜਧਾਨੀ ਕੀਵ ‘ਚ ਕਈ ਥਾਵਾਂ ‘ਤੇ ਮਿਜ਼ਾਈਲਾਂ ਦਾਗੀਆਂ ਸਨ।
