ਸਾਲ 2022 ‘ਚ ਦਿਨ ਪ੍ਰਤੀ ਦਿਨ ਘਰੇਲੂ ਵਸਤੂਆਂ ਤੋਂ ਲੈ ਕੇ ਪੈਟ੍ਰੋਲ-ਡੀਜ਼ਲ, ਸੋਨਾ-ਚਾਂਦੀ ਦੀਆ ਕੀਮਤਾਂ ਲਗਾਤਾਰ ਵੱਧ ਰਹੀਆਂ ਹਨ। ਪਹਿਲਾ ਤੋਂ ਹੀ ਮਹਿੰਗਾਈ ਦੀ ਮਾਰ ਝੱਲ ਰਹੇ ਲੋਕਾਂ ਨੂੰ ਇੱਕ ਵਾਰ ਹੋਰ ਮਹਿੰਗਾਈ ਦਾ ਝਟਕਾ ਲੱਗੇਗਾ। ਦਸ ਦਈਏ ਕਿ ਹੁਣ ਹਵਾਈ ਸਫਰ ਵੀ ਮਹਿੰਗਾ ਹੋ ਗਿਆ ਹੈ। ਏਅਰ ਇੰਡੀਆ ਦੀ ਟਿਕਟ ਜੋ ਦਿੱਲੀ ਮੁੰਬਈ ਵਿਚਕਾਰ 2500 ਰੁਪਏ ਵਿੱਚ ਮਿਲਦੀ ਸੀ, ਹੁਣ 4000 ਰੁਪਏ ਵਿੱਚ ਮਿਲ ਰਹੀ ਹੈ। ਇੰਡੀਗੋ ਦੀ ਯਾਤਰਾ ਲਈ ਇਹੀ ਟਿਕਟ 6000 ਰੁਪਏ ਹੈ। ਟਿਕਟਾਂ ਦੀ ਕੀਮਤ ਦੇ ਦੋ ਕਾਰਨ ਦੱਸੇ ਜਾ ਰਹੇ ਹਨ। ਪਹਿਲਾ ਕਾਰਨ ਇਹ ਹੈ ਕਿ ATF 26 ਫੀਸਦੀ ਮਹਿੰਗਾ ਹੋ ਗਿਆ ਹੈ। ਦੂਜਾ ਕਾਰਨ 80 ਤੋਂ 90% ਸੀਟਾਂ ਦੀ ਵਿਕਰੀ ਹੈ।
ਐਵੀਏਸ਼ਨ ਟਰਬਾਈਨ ਫਿਊਲ (ਏਟੀਐਫ) ਸਾਲ 2022 ਦੀ ਸ਼ੁਰੂਆਤ ਤੋਂ ਹਰ 15 ਦਿਨਾਂ ਬਾਅਦ ਵਧ ਰਿਹਾ ਹੈ। ਹੁਣ ਪੰਜਵੀਂ ਵਾਰ 3.30 ਫੀਸਦੀ ਦੇ ਵਾਧੇ ਤੋਂ ਬਾਅਦ, ਇਸ ਸਾਲ ATF ਵਿੱਚ 26% ਦਾ ਵਾਧਾ ਹੋਇਆ ਹੈ ਜਿਸ ਕਾਰਨ ਹਵਾਈ ਟਿਕਟਾਂ ਮਹਿੰਗੀਆਂ ਹੋ ਗਈਆਂ ਹਨ।
ਇੱਕ ਏਅਰਲਾਇੰਸ ਕੰਪਨੀ ਮੁਤਾਬਿਕ ਕੋਰੋਨਾ ਸੰਕਟ ਦੇ ਖਤਮ ਹੋਣ ਤੋਂ ਬਾਅਦ ਹੁਣ ਲੋਕ ਹਵਾਈ ਯਾਤਰਾ ਲਈ ਪੂਰਾ ਉਤਸ਼ਾਹ ਦਿਖਾ ਰਹੇ ਹਨ। ਅਜਿਹੀ ਸਥਿਤੀ ਵਿੱਚ, ਏਅਰਲਾਈਨ ਕਿਰਾਏ ਦੇ ਗਤੀਸ਼ੀਲ ਤਰੀਕੇ ਦੀ ਵਰਤੋਂ ਕਰ ਰਹੀ ਹੈ। ਯਾਨੀ ਸੀਟਾਂ ਤੇਜ਼ੀ ਨਾਲ ਵਿਕ ਰਹੀਆਂ ਹਨ। ਇਸੇ ਲਈ ਕਿਰਾਏ ਵਿੱਚ ਵਾਧਾ ਕੀਤਾ ਗਿਆ ਹੈ।