ਕੈਨੇਡਾ ਦੇ ਬ੍ਰਿਟਿਸ਼ ਕੋਲੰਬੀਆ ਦੇ ਬਾਊਂਟੀਫੁੱਲ ਦੀ ਰਹਿਣ ਵਾਲੀ ਮਰਲਿਨ ਬਲੈਕਮੋਰ ਨੇ ਆਪਣੀ ਜਿੰਦਗੀ ਦਾ ਬਹੁਤ ਹੈਰਾਨੀਜਨਕ ਕਿੱਸਾ ਦੁਨੀਆ ਨਾਲ ਸਾਂਝਾ ਕੀਤਾ ਹੈ। ਉਹ ਦੁਨੀਆ ਦੇ ਸਭ ਤੋਂ ਵੱਡੇ ਬਹੁ-ਵਿਆਹ ਪਰਿਵਾਰ ਨਾਲ ਸਬੰਧਤ ਹੈ। ਮਰਲਿਨ ਬਲੈਕਮੋਰ ਨੇ ਦਸਿਆ ਕਿ ਉਸ ਦੇ ਪਿਤਾ 64 ਸਾਲਾ ਵਿੰਸਟਨ ਬਲੈਕਮੋਰ ਦੀਆਂ 27 ਪਤਨੀਆਂ ਅਤੇ 150 ਬੱਚੇ ਹਨ। ਲਗਭਗ 21 ਸਾਲਾਂ ਬਾਅਦ ਮਰਲਿਨ ਨੇ ਇਸ ਬਾਰੇ ਦੱਸਿਆ ਕਿ ਇੱਕ ਵਿਸ਼ਾਲ ਬਹੁ-ਵਿਆਹਵਾਦੀ ਪਰਿਵਾਰ ਵਿੱਚ ਰਹਿ ਕੇ ਕਿਵੇਂ ਦਾ ਮਹਿਸੂਸ ਹੁੰਦਾ ਹੈ।
ਮੈਰੀ ਨੇ ਦੱਸਿਆ ਕਿ ਬਚਪਨ ਵਿੱਚ ਉਸ ਦੇ ਭੈਣ-ਭਰਾਵਾਂ ਦੀ ਇੱਕ ਪੂਰੀ ਫੌਜ ਸੀ। ਜਦੋਂ ਉਹ 14 ਸਾਲ ਦੀ ਸੀ ਤਾਂ ਉਸ ਦੇ ਪਿਤਾ ਦੀਆਂ 12 ਪਤਨੀਆਂ ਸਨ ਤੇ ਉਸ ਵੇਲੇ ਮੈਰੀ ਦੇ 40 ਭੈਣ-ਭਰਾ ਸਨ। ਹਾਲਾਂਕਿ ਬਾਅਦ ਵਿੱਚ ਉਸ ਦੇ ਪਿਤਾ ਨੇ ਕਈ ਹੋਰ ਵਿਆਹ ਕੀਤੇ ਤੇ ਭਰਾ-ਭੈਣਾਂ ਦੀ ਗਿਣਤੀ 150 ਤੱਕ ਪਹੁੰਚ ਗਈ।
ਮੈਰੀ ਨੇ ਦੱਸਿਆ ਕਿ ਘਰ ਵਿੱਚ ਔਰਤਾਂ ਲਈ ਨਿਯਮ ਸਖਤ ਸਨ। ਮੇਕਅਪ ਤੇ ਸਟਾਈਲਿਸ਼ ਵਾਲ ਕਟਾਉਣ ‘ਤੇ ਮਨਾਹੀ ਸੀ। ਸਾਨੂੰ ਆਪਣੀ ਗਰਦਨ ਤੋਂ ਲੈ ਕੇ ਬਾਹਾਂ ਤੇ ਗਿੱਟਿਆਂ ਤੱਕ ਨੂੰ ਢਕਣਾ ਪੈਂਦਾ ਸੀ। ਸਿਗਰਟ, ਚਾਹ, ਖਰਾ ਤੇ ਕੌਫੀ ‘ਤੇ ਪਾਬੰਦੀ ਸੀ। ਘਰ ਵਿੱਚ ਟੀ.ਵੀ., ਗਾਣੇ, ਨਾਵਲ ‘ਤੇ ਵੀ ਬੈਨ ਸੀ।
ਮੈਰੀ ਦੀ ਮਾਂ ਵਿੰਸਟਨ ਬਲੈਕਮੋਰ ਦੀ ਪਹਿਲੀ ਪਤਨੀ ਸੀ, ਜਿਸ ਨਾਲ ਉਸ ਨੇ ਬ੍ਰਿਟਿਸ਼ ਕੋਲੰਬੀਆ ਵਿੱਚ 18 ਸਾਲ ਦੀ ਉਮਰ ਵਿੱਚ ਵਿਆਹ ਕੀਤਾ ਸੀ। ਮੈਰੀ ਦਾ ਕਹਿਣਾ ਹੈ ਕਿ 1982 ਵਿੱਚ ਜਦੋਂ ਮੇਰੀ ਮਾਂ ਗਰਭਵਤੀ ਸੀ ਤਾਂ ਉਸ ਦੇ ਪਿਤਾ ਨੇ ਕ੍ਰਿਸਟੀਨਾ ਨਾਂ ਦੀ ਔਰਤ ਨਾਲ ਦੂਜਾ ਵਿਆਹ ਕਰ ਲਿਆ। ਇਸ ਤੋਂ ਬਾਅਦ ਤੀਜੀ ਵਾਰ ਮੈਰੀ ਐੱਨ. ਨਾਲ ਮੇਰੇ ਪਿਤਾ ਜੀ ਨੇ ਵਿਆਹ ਕਰਵਾਇਆ। ਉਸ ਦੇ ਵੱਡੇ ਹੁੰਦਿਆਂ ਤੱਕ ਉਸ ਦੇ ਪਿਤਾ ਨੇ 27 ਵਿਆਹ ਕੀਤੇ, ਜਿਸ ਤੋਂ 150 ਬੱਚੇ ਹਨ।
