ਫਿਲਮ ਨਿਰਮਾਤਾ ਵਿਵੇਕ ਅਗਨੀਹੋਤਰੀ ਦੀ ਤਾਜ਼ਾ ਰਿਲੀਜ਼ ‘ਦਿ ਕਸ਼ਮੀਰ ਫਾਈਲਜ਼’ ਬਾਕਸ ਆਫਿਸ ‘ਤੇ ਰੁੱਕ ਨਹੀਂ ਰਹੀ ਹੈ। ‘ਦਿ ਕਸ਼ਮੀਰ ਫਾਈਲਜ਼’ ਨੇ ਦੂਜੇ ਵੀਕੈਂਡ ‘ਤੇ 9ਵੇਂ ਦਿਨ 24.80 ਕਰੋੜ ਦਾ ਕਾਰੋਬਾਰ ਕੀਤਾ ਹੈ। 11 ਮਾਰਚ ਨੂੰ ਰਿਲੀਜ਼ ਹੋਈ ਇਸ ਫਿਲਮ ਨੇ ਬਾਕਸ ਆਫਿਸ ‘ਤੇ ਹੁਣ ਤੱਕ 141.21 ਕਰੋੜ ਦੀ ਕਮਾਈ ਕਰ ਲਈ ਹੈ। ਟ੍ਰੇਡ ਪੰਡਿਤਾਂ ਮੁਤਾਬਕ ਸੋਮਵਾਰ ਤੱਕ ਫਿਲਮ 175 ਕਰੋੜ ਤੱਕ ਪਹੁੰਚ ਜਾਵੇਗੀ, ਕਿਉਂਕਿ ਫਿਲਮ ਦੀ ਐਡਵਾਂਸ ਬੁਕਿੰਗ ਵੀ ਕਾਫੀ ਜ਼ਿਆਦਾ ਹੈ।
‘ਦਿ ਕਸ਼ਮੀਰ ਫਾਈਲਜ਼’ ਲਗਭਗ 12 ਕਰੋੜ ਦੀ ਲਾਗਤ ਨਾਲ ਬਿਨਾਂ ਕਿਸੇ ਵੱਡੇ ਸਟਾਰ ਤੋਂ ਬਣੀ ਪਹਿਲੀ ਬਾਲੀਵੁੱਡ ਫਿਲਮ ਹੈ, ਜਿਸ ਦੇ ਕਾਰੋਬਾਰ ‘ਚ 10 ਤੋਂ 20 ਫੀਸਦੀ ਦਾ ਲਗਾਤਾਰ ਉਛਾਲ ਦੇਖਣ ਨੂੰ ਮਿਲ ਰਿਹਾ ਹੈ। ਇੰਨਾ ਹੀ ਨਹੀਂ ਪਹਿਲੇ ਦਿਨ ਫਿਲਮ ਨੂੰ ਦੇਸ਼ ਭਰ ‘ਚ ਸਿਰਫ 600 ਸਕ੍ਰੀਨਜ਼ ਮਿਲੀਆਂ ਹਨ। ਬਾਅਦ ਵਿੱਚ, ਫਿਲਮ ਪ੍ਰਤੀ ਦਰਸ਼ਕਾਂ ਦੇ ਜਨੂੰਨ ਨੂੰ ਦੇਖਦੇ ਹੋਏ, ਪਹਿਲੇ ਹਫਤੇ ਵਿੱਚ ਸਕ੍ਰੀਨ ਕਾਉਂਟ 600 ਤੋਂ ਵਧਾ ਕੇ 2,000 ਕਰ ਦਿੱਤੀ ਗਈ। ਹੁਣ ਦੱਸਿਆ ਜਾ ਰਿਹਾ ਹੈ ਕਿ ਦੂਜੇ ਹਫਤੇ ਦੀ ਸ਼ੁਰੂਆਤ ਤੋਂ ਲੈ ਕੇ ਹੁਣ ਤੱਕ ਫਿਲਮ ਦੀ ਸਕਰੀਨ ਗਿਣਤੀ 4,000 ਤੋਂ ਵੱਧ ਹੋ ਗਈ ਹੈ।
