ਟੀਵੀ ਅਦਾਕਾਰਾ ਦੇਬੀਨਾ ਬੈਨਰਜੀ ਇਨ੍ਹੀਂ ਦਿਨੀਂ ਆਪਣੀ ਜ਼ਿੰਦਗੀ ਦਾ ਸਭ ਤੋਂ ਖੂਬਸੂਰਤ ਸਫਰ ਬਤੀਤ ਕਰ ਰਹੀ ਹੈ। ਜਲਦ ਹੀ ਦੇਬੀਨਾ ਬੈਨਰਜੀ ਮਾਂ ਬਣਨ ਜਾ ਰਹੀ ਹੈ। ਦੇਬੀਨਾ ਬੈਨਰਜੀ ਆਪਣੀ ਪ੍ਰੈਗਨੈਂਸੀ ‘ਚ ਆਪਣਾ ਬਹੁਤ ਧਿਆਨ ਰੱਖ ਰਹੀ ਹੈ। ਕੁਝ ਸਮਾਂ ਪਹਿਲਾਂ ਦੇਬੀਨਾ ਬੈਨਰਜੀ ਨੇ ਆਪਣੀ ਬੇਬੀ ਸ਼ਾਵਰ ਦੀ ਰਸਮ ਅਦਾ ਕੀਤੀ ਹੈ। ਬੇਬੀ ਸ਼ਾਵਰ ਸਮਾਰੋਹ ਦੌਰਾਨ ਦੇਬੀਨਾ ਬੈਨਰਜੀ ਨੂੰ ਦੇਸੀ ਅਵਤਾਰ ‘ਚ ਚਹਿਕਦੇ ਦੇਖਿਆ ਗਿਆ। ਦੇਬੀਨਾ ਬੈਨਰਜੀ ਨੇ ਆਪਣੇ ਬੇਬੀ ਸ਼ਾਵਰ ਦੀਆਂ ਰਸਮਾਂ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤੀਆਂ ਹਨ। ਇਨ੍ਹਾਂ ਤਸਵੀਰਾਂ ‘ਚ ਦੇਬੀਨਾ ਲਾਲ ਰੰਗ ਦੀ ਡਰੈੱਸ ‘ਚ ਬਹੁਤ ਹੀ ਖੂਬਸੂਰਤ ਦਿਖਾਈ ਦੇ ਰਹੀ ਹੈ ।
ਲਾਲ ਰੰਗ ਦੀ ਡਰੈੱਸ ਦੇ ਨਾਲ ਨਾਲ ਉਸ ਨੇ ਲਾਲ ਬਿੰਦੀ ਅਤੇ ਲਿਪਸਟਿਕ ਵੀ ਲਗਾਈ ਹੋਈ ਸੀ । ਦੇਬੀਨਾ ਇਸ ਮੌਕੇ ਪੂਰੇ ਟ੍ਰੈਡੀਸ਼ਨਲ ਲੁੱਕ ‘ਚ ਨਜ਼ਰ ਆਈ ਅਤੇ ਇਸ ਦੇ ਨਾਲ ਉਸ ਨੇ ਸੋਨੇ ਦੇ ਗਹਿਣੇ ਵੀ ਪਾਏ ਹੋਏ ਸਨ । ਦੇਬੀਨਾ ਦੇ ਮਾਪਿਆਂ ਵੱਲੋਂ ਉਸ ਦੇ ਲਈ ਬੰਗਾਲੀ ਰਸਮ ਰਿਵਾਜ਼ ਦੇ ਨਾਲ ਗੋਦ ਭਰਾਈ ਦੀ ਰਸਮ ਕਰਵਾਈ । ਕੁਝ ਦਿਨ ਪਹਿਲਾਂ ਹੀ ਦੇਬੀਨਾ ਨੇ ਆਪਣੀ ਪ੍ਰੈਗਨੇਂਸੀ ਦਾ ਐਲਾਨ ਕੀਤਾ ਸੀ ।
ਫਰਵਰੀ ਮਹੀਨੇ ‘ਚ ਦੋਵਾਂ ਨੇ ਆਪੋ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਇਸ ਖੁਸ਼ਖ਼ਬਰੀ ਨੂੰ ਆਪਣੇ ਪ੍ਰਸ਼ੰਸਕਾਂ ਦੇ ਨਾਲ ਸਾਂਝਾ ਕੀਤਾ ਸੀ । ਇਸ ਦੇ ਨਾਲ ਹੀ ਦੋਵਾਂ ਨੇ ਲਿਖਿਆ ਸੀ ਕਿ ‘ਤਿੰਨ ਬਣਨ ਜਾ ਰਹੇ ਹਾਂ। ਚੌਧਰੀ ਜੂਨੀਅਰ ਜਲਦ ਆ ਰਿਹਾ ਹੈ । ਤੁਹਾਡੀਆਂ ਦੁਆਵਾਂ ਦੀ ਜ਼ਰੂਰਤ ਹੈ’।ਦੋਵਾਂ ਦੇ ਪ੍ਰਸ਼ੰਸਕਾਂ ਨੂੰ ਦੇਬੀਨਾ ਦੇ ਵੱਲੋਂ ਸ਼ੇਅਰ ਕੀਤੀਆਂ ਗਈਆਂ ਇਹ ਤਸਵੀਰਾਂ ਕਾਫੀ ਪਸੰਦ ਆ ਰਹੀਆਂ ਹਨ । ਪ੍ਰਸ਼ੰਸਕਾਂ ਵੱਲੋਂ ਦੋਵਾਂ ਨੂੰ ਵਧਾਈ ਦਿੱਤੀ ਜਾ ਰਹੀ ਹੈ ।
