ਟੋਇਟਾ ਕਿਰਲੋਸਕਰ ਮੋਟਰ (TKM) ਅਗਲੇ ਮਹੀਨੇ ਤੋਂ ਆਪਣੀਆਂ ਕਾਰਾਂ ਦੀਆਂ ਕੀਮਤਾਂ ਵਧਾਉਣ ਜਾ ਰਹੀ ਹੈ। ਜਾਪਾਨੀ ਕਾਰ ਨਿਰਮਾਤਾਨੇ 1 ਅਪ੍ਰੈਲ ਤੋਂ ਸਾਰੇ ਮਾਡਲਾਂ ਵਿੱਚ 4 ਪ੍ਰਤੀਸ਼ਤ ਤੱਕ ਦੀ ਕੀਮਤ ਵਧਾਉਣ ਦਾ ਐਲਾਨ ਕੀਤਾ ਹੈ। ਗਲੈਨਜ਼ਾ ਤੋਂ ਇਲਾਵਾ ਜਾਪਾਨੀ ਕਾਰ ਨਿਰਮਾਤਾ ਭਾਰਤੀ ਬਾਜ਼ਾਰਾਂ ਵਿੱਚ ਛੇ ਮਾਡਲ ਵੇਚਦਾ ਹੈ ਜਿਸ ਵਿੱਚ ਫਾਰਚੂਨਰ, ਇਨੋਵਾ ਕ੍ਰਿਸਟਾ, ਕੈਮਰੀ, ਵੇਲਫਾਇਰ ਅਤੇ ਅਰਬਨ ਕਰੂਜ਼ਰ ਸ਼ਾਮਲ ਹਨ।
ਟੋਇਟਾ ਨੇ ਸ਼ਨੀਵਾਰ ਨੂੰ ਇੱਕ ਬਿਆਨ ਵਿੱਚ ਕਿਹਾ ਕਿ ਵਧਦੀ ਲਾਗਤ ਦੇ ਕਾਰਨ ਨਵੀਨਤਮ ਵਾਧੇ ਦੀ ਲੋੜ ਸੀ। ਟੋਇਟਾ ਵਲੋਂ ਜਾਰੀ ਬਿਆਨ ‘ਚ ਇਹ ਵੀ ਕਿਹਾ ਗਿਆ ਹੈ ਕਿ ਕੱਚੇ ਮਾਲ ਸਮੇਤ ਇਨਪੁਟ ਲਾਗਤ ਹਾਲ ਦੇ ਸਮੇਂ ‘ਚ ਵਧੀ ਹੈ। ਇੱਕ ਵਚਨਬੱਧ ਅਤੇ ਗਾਹਕ-ਕੇਂਦ੍ਰਿਤ ਕੰਪਨੀ ਹੋਣ ਦੇ ਨਾਤੇ, TKM ਨੇ ਖਪਤਕਾਰਾਂ ‘ਤੇ ਵਧਦੀਆਂ ਲਾਗਤਾਂ ਦੇ ਪ੍ਰਭਾਵ ਨੂੰ ਘੱਟ ਕਰਨ ਲਈ ਸਾਰੇ ਯਤਨ ਕੀਤੇ ਹਨ।
ਜ਼ਿਕਰਯੋਗ ਹੈ ਕਿ BMW ਇੰਡੀਆ ਨੇ ਸ਼ੁੱਕਰਵਾਰ ਨੂੰ ਅਗਲੇ ਮਹੀਨੇ ਤੋਂ ਉਤਪਾਦਾਂ ਦੀਆਂ ਕੀਮਤਾਂ ‘ਚ 3.5 ਫੀਸਦੀ ਤੱਕ ਵਾਧੇ ਦਾ ਐਲਾਨ ਕੀਤਾ ਹੈ। ਇਸ ਦੇ ਨਾਲ ਹੀ ਔਡੀ ਅਤੇ ਮਰਸਡੀਜ਼-ਬੈਂਜ਼ ਵਰਗੀਆਂ ਹੋਰ ਲਗਜ਼ਰੀ ਕਾਰ ਨਿਰਮਾਤਾ ਵੀ 1 ਅਪ੍ਰੈਲ ਤੋਂ ਕੀਮਤਾਂ ਵਧਾਉਣ ਦੀ ਯੋਜਨਾ ਬਣਾ ਰਹੀਆਂ ਹਨ।