ਦਰਸ਼ਕ ਹੀਰੋਪੰਤੀ 2 ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਜਦੋਂ ਤੋਂ ਫਿਲਮ ਦਾ ਟ੍ਰੇਲਰ ਰਿਲੀਜ਼ ਹੋਇਆ ਹੈ, ਪ੍ਰਸ਼ੰਸਕ ਇਸ ਦੇ ਗੀਤਾਂ ਦੀ ਇੱਕ ਝਲਕ ਦੇਖਣ ਲਈ ਬੇਤਾਬ ਹਨ। ਹਾਲ ਹੀ ‘ਚ ਇਸ ਫਿਲਮ ਦਾ ਪਹਿਲਾ ਗੀਤ ਸੋਸ਼ਲ ਮੀਡੀਆ ‘ਤੇ ਰਿਲੀਜ਼ ਹੋਇਆ ਹੈ। ਇਸ ਗੀਤ ‘ਚ ਟਾਈਗਰ ਸ਼ਰਾਫ ਸਿੰਘਾਸਨ ‘ਤੇ ਬੈਠ ਕੇ ਜਿੱਤ ਦਾ ਜਸ਼ਨ ਮਨਾਉਂਦੇ ਨਜ਼ਰ ਆ ਰਹੇ ਹਨ। ਤਾਂ ਦੂਜੇ ਪਾਸੇ ਤਾਰਾ ਸੁਤਾਰੀਆ ਵੀ ਆਪਣੇ ਦਮਦਾਰ ਐਕਟਿੰਗ ਨਾਲ ਦਰਸ਼ਕਾਂ ਨੂੰ ਦੀਵਾਨਾ ਬਣਾ ਰਹੀ ਹੈ। ਗੀਤ ਨੂੰ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ। ਟਾਈਗਰ ਸ਼ਰਾਫ ਅਤੇ ਤਾਰਾ ਸੁਤਾਰੀਆ ਦੀ ਜੋੜੀ ਨੂੰ ਦਰਸ਼ਕਾਂ ਵਲੋਂ ਖੂਬ ਹੁੰਗਾਰਾ ਮਿਲ ਰਿਹਾ ਹੈ।
ਇਹ ਗੀਤ ਕਾਫੀ ਸ਼ਾਨਦਾਰ ਹੈ। ਇਸ ਗੀਤ ਨੂੰ ਏ.ਆਰ ਰਹਿਮਾਨ ਨੇ ਗਾਇਆ ਹੈ। ਹੀਰੋਪੰਤੀ 2′ ਦਾ ਟ੍ਰੇਲਰ ਐਕਸ਼ਨ ਅਤੇ ਰੋਮਾਂਸ ਦੀ ਹਾਈ ਵੋਲਟੇਜ ਕਹਾਣੀ ਪੇਸ਼ ਕਰਦਾ ਹੈ। ਜ਼ਬਰਦਸਤ ਪ੍ਰਦਰਸ਼ਨ ਦੇ ਨਾਲ, ਟ੍ਰੇਲਰ ਵਿੱਚ ਸ਼ਾਨਦਾਰ ਐਕਸ਼ਨ, ਬਬਲੂ ਦੇ ਰੂਪ ਵਿੱਚ ਟਾਈਗਰ ਸ਼ਰਾਫ ਦਾ ਪ੍ਰਭਾਵਸ਼ਾਲੀ ਅਵਤਾਰ, ਇਨਾਇਆ ਦੇ ਰੂਪ ਵਿੱਚ ਤਾਰਾ ਸੁਤਾਰੀਆ ਅਤੇ ਲੈਲਾ ਦੇ ਰੂਪ ਵਿੱਚ ਨਵਾਜ਼ੂਦੀਨ ਸਿੱਦੀਕੀ ਦੁਆਰਾ ਉੱਚ ਦਰਜੇ ਦੀ ਅਦਾਕਾਰੀ ਹੈ।
