ਇਸਲਾਮਾਬਾਦ : – ਇਮਰਾਨ ਖਾਨ ਦੀ ਸਰਕਾਰ ‘ਤੇ ਖਤਰਾ ਮੰਡਰਾ ਰਿਹਾ ਹੈ। ਹਾਲਾਤ ਇਹ ਹਨ ਕਿ ਖਾਨ ਸਾਹਬ ਦੀ ਕੁਰਸੀ ਕਦੋਂ ਚਲੀ ਜਾਵੇਗੀ, ਇਹ ਕੋਈ ਨਹੀਂ ਜਾਣਦਾ। ਹਾਲਾਂਕਿ ਵਿਰੋਧੀ ਧਿਰ ਦੇ ਨੇਤਾ ਇਮਰਾਨ ਦੇ ਬਹਾਨੇ ਇਕ ਵਾਰ ਫਿਰ ਆਪਣੀ ਤੀਜੀ ਪਤਨੀ ਬੁਸ਼ਰਾ ਬੀਬੀ ਮੇਨਕਾ ‘ਤੇ ਨਿਸ਼ਾਨਾ ਸਾਧ ਰਹੇ ਹਨ। ਸਾਬਕਾ ਪ੍ਰਧਾਨ ਮੰਤਰੀ ਨਵਾਜ਼ ਸ਼ਰੀਫ ਦੇ ਭਰਾ ਅਤੇ ਪਾਕਿਸਤਾਨ ਮੁਸਲਿਮ ਲੀਗ ਨਵਾਜ਼ (ਪੀ.ਐੱਮ.ਐੱਲ.-ਐੱਨ.) ਦੇ ਨੇਤਾ ਸ਼ਾਹਬਾਜ਼ ਸ਼ਰੀਫ ਮੁਤਾਬਕ ਜਾਦੂ-ਟੂਣੇ ਲਈ ਮਸ਼ਹੂਰ ਇਮਰਾਨ ਦੀ ਪਤਨੀ ਬੁਸ਼ਰਾ ਬੀਬੀ ਆਪਣੇ ਪਤੀ ਦੀ ਸਰਕਾਰ ਨੂੰ ਬਚਾਉਣ ਲਈ ਘਰ ‘ਚ ਮੁਰਗੇ ਸਾੜ ਰਹੀ ਹੈ ਅਤੇ ਇਸਦੀ ਬਦਬੂ ਇਸਲਾਮਾਬਾਦ ਵਿੱਚ ਫੈਲੀ ਹੋਈ ਹੈ।
ਇਮਰਾਨ ਦੀ ਪਤਨੀ ‘ਤੇ ਲੰਬੇ ਸਮੇਂ ਤੋਂ ਜਾਦੂ-ਟੂਣੇ ਦੇ ਦੋਸ਼ ਲੱਗ ਰਹੇ ਹਨ। ਪਾਕਿਸਤਾਨ ਦੇ ਸਿਆਸੀ ਹਲਕਿਆਂ ਵਿੱਚ ਬੁਸ਼ਰਾ ਨੂੰ ਪਿੰਕੀ ਪਿਰਨੀ ਕਿਹਾ ਜਾਂਦਾ ਹੈ। ਬੁਸ਼ਰਾ ਦੇ ਪਹਿਲੇ ਵਿਆਹ ਤੋਂ ਪੰਜ ਬੱਚੇ ਹਨ। ਉਸ ਦੇ ਸਾਬਕਾ ਪਤੀ ਖਾਵਰ ਮੇਨਕਾ ਅਤੇ ਬੇਟੇ ‘ਤੇ ਸਰਕਾਰੀ ਠੇਕਿਆਂ ਅਤੇ ਕਮਿਸ਼ਨਿੰਗ ‘ਚ ਧਾਂਦਲੀ ਦੇ ਦੋਸ਼ ਲੱਗੇ ਹਨ।
ਸ਼ਾਹਬਾਜ਼ ਨੇ ਪਾਕਿਸਤਾਨ ਦੇ ਇੱਕ ਟੀਵੀ ਚੈਨਲ ਨੂੰ ਇੰਟਰਵਿਊ ਦਿੱਤਾ। ਇਸ ‘ਚ ਉਨ੍ਹਾਂ ਨੇ ਦੇਸ਼ ਦੀ ਰਾਜਨੀਤੀ ‘ਤੇ ਖੁੱਲ੍ਹ ਕੇ ਗੱਲ ਕੀਤੀ। ਉਨ੍ਹਾਂ ਨੇ ਪਹਿਲੀ ਵਾਰ ਇਮਰਾਨ ਖਾਨ ਦੀ ਨਿੱਜੀ ਜ਼ਿੰਦਗੀ ‘ਤੇ ਵੀ ਗੱਲ ਕੀਤੀ। ਕਿਹਾ- ਮੇਰੇ ਕੋਲ ਸਬੂਤ ਹਨ ਕਿ ਬਨੀਗਾਲਾ ‘ਚ ਇਮਰਾਨ ਦੀ ਸਰਕਾਰ ਨੂੰ ਬਚਾਉਣ ਲਈ ਕਿਸ ਤਰ੍ਹਾਂ ਦੇ ਜਾਦੂ-ਟੂਣੇ ਕੀਤੇ ਜਾ ਰਹੇ ਹਨ।
ਪਰ, ਇਹ ਇਮਰਾਨ ਦੀ ਕਿਸਮਤ ਨੂੰ ਬਦਲਣ ਵਾਲਾ ਨਹੀਂ ਹੈ। ਇਮਰਾਨ ਦੇ ਘਰ ‘ਚ ਟਨ ਦੇ ਕਰੀਬ ਮੀਟ ਸੜਿਆ ਹੈ। ਕਾਲਾ ਜਾਦੂ ਕੀਤਾ ਜਾ ਰਿਹਾ ਹੈ। ਰਾਜਧਾਨੀ ਇਸਲਾਮਾਬਾਦ ‘ਚ ਮੁਰਗੇ ਕੱਟੇ ਜਾ ਰਹੇ ਹਨ ਅਤੇ ਇਸ ਦੀ ਬਦਬੂ ਫੈਲ ਰਹੀ ਹੈ। ਸ਼ਰੀਫ ਨੇ ਕਿਹਾ-ਸਾਡਾ ਪ੍ਰਧਾਨ ਮੰਤਰੀ ਜਾਦੂ-ਟੂਣੇ ਅਤੇ ਪੀਰ-ਪੀਰਨੀਆਂ ‘ਚ ਫਸ ਗਿਆ ਹੈ। ਉਹ ਦੇਸ਼ ਨਹੀਂ ਚਲਾਉਂਦੇ। ਦੂਜੇ ਪਾਸੇ ਦੇਸ਼ ਦੇ ਬੱਚੇ ਭੁੱਖ ਨਾਲ ਮਰ ਰਹੇ ਹਨ।