ਪੰਜਾਬ ਵਿੱਚ ਨਵੀਂ ਸਰਕਾਰ ਬਣਨ ਤੋਂ ਬਾਅਦ ਸਾਬਕਾ ਮੰਤਰੀ ਅਤੇ ਵਿਧਾਇਕ ਸਰਕਾਰੀ ਰਿਹਾਇਸ਼ਾਂ ਖਾਲੀ ਕਰ ਰਹੇ ਹਨ। ਪਿਛਲੀ ਸਰਕਾਰ ਦੇ ਮੰਤਰੀਆਂ ਵੱਲੋਂ ਖਾਲੀ ਕੀਤੀਆਂ ਗਈਆਂ ਕੋਠੀਆਂ ਵਿੱਚੋਂ ਲੱਖਾਂ ਰੁਪਏ ਦਾ ਕੀਮਤੀ ਸਮਾਨ ਗਾਇਬ ਪਾਇਆ ਗਿਆ। ਸਾਬਕਾ ਮੰਤਰੀ ਮਨਪ੍ਰੀਤ ਸਿੰਘ ਬਾਦਲ ਅਤੇ ਸਾਬਕਾ ਮੰਤਰੀ ਗੁਰਪ੍ਰੀਤ ਸਿੰਘ ਕਾਂਗੜ ‘ਤੇ ਅਜਿਹੇ ਇਲਜ਼ਾਮ ਲਗਾਏ ਜਾ ਰਹੇ ਹਨ। ਪੰਜਾਬ ਸਰਕਾਰ ਨੇ ਪੂਰੇ ਮਾਮਲੇ ਦੀ ਜਾਂਚ ਕਰਨ ਦੇ ਨਿਰਦੇਸ਼ ਜਾਰੀ ਕੀਤੇ ਹਨ। ਸਾਬਕਾ ਵਿੱਤ ਮੰਤਰੀ ਮਨਪ੍ਰੀਤ ਬਾਦਲ ‘ਤੇ ਲਗਾਏ ਜਾ ਰਹੇ ਦੋਸ਼ਾਂ ਤੋਂ ਬਾਅਦ ਉਨ੍ਹਾਂ ਦੇ ਰਿਸ਼ਤੇਦਾਰ ਨੇ ਸਪੱਸ਼ਟੀਕਰਨ ਦਿੱਤਾ ਹੈ।
ਮਨਪ੍ਰੀਤ ਦੀ ਪਤਨੀ ਦੇ ਭਰਾ ਜੈਜੀਤ ਸਿੰਘ ਜੌਹਲ ਦਾ ਕਹਿਣਾ ਹੈ ਕਿ ਮਨਪ੍ਰੀਤ ਬਾਦਲ ਨੇ ਇਹ ਸਮਾਨ 1.82 ਲੱਖ ਵਿੱਚ ਖਰੀਦਿਆ ਸੀ। ਇਹ ਚੰਡੀਗੜ੍ਹ ਦੀ ਵਿਰਾਸਤ ਨਾਲ ਜੁੜਿਆ ਨਹੀਂ ਹੈ। ਮਨਪ੍ਰੀਤ ਨੇ ਖੁਦ 15 ਸਾਲ ਪਹਿਲਾਂ ਇਸ ਨੂੰ ਖਰੀਦਿਆ ਸੀ। ਜਿਸ ਦੀ ਪੂਰੀ ਕੀਮਤ ਹੁਣ ਵਿਭਾਗ ਨੂੰ ਅਦਾ ਕਰ ਦਿੱਤੀ ਗਈ ਹੈ।
ਜੌਹਲ ਨੇ ਦੱਸਿਆ ਕਿ ਸੋਸ਼ਲ ਮੀਡੀਆ ‘ਤੇ ਚਰਚਾ ਹੈ ਕਿ ਇਹ ਫਰਨੀਚਰ ਚੰਡੀਗੜ੍ਹ ਦੀ ਵਿਰਾਸਤ ਨਾਲ ਸਬੰਧਤ ਹੈ। ਇਹ ਲੀ- ਕੋਰਬੁਜ਼ੀਅਰ ਦੇ ਸਮੇਂ ਤੋਂ ਸੀ. ਇਹ ਉਹ ਫਰਨੀਚਰ ਨਹੀਂ ਹੈ। 2008 ਵਿੱਚ ਜਦੋਂ ਮਨਪ੍ਰੀਤ ਵਿੱਤ ਮੰਤਰੀ ਬਣਿਆ ਤਾਂ ਇਹ ਸੈਕਟਰ 40 ਦੇ ਸ਼ੋਅਰੂਮ ਤੋਂ ਤਿਆਰ ਕਰਵਾਇਆ ਗਿਆ ਸੀ। ਉਸ ਸਮੇਂ ਇਹ 1.60 ਲੱਖ ਦਾ ਬਣਿਆ ਸੀ।
ਜਦੋਂ ਅਕਾਲੀ ਮੰਤਰੀ ਉਸ ਘਰ ਆਏ ਤਾਂ ਉਨ੍ਹਾਂ ਇਸ ਸਮਾਂ ਦੀ ਵਰਤੋਂ ਨਹੀਂ ਕੀਤੀ। ਇਸ ਨੂੰ ਲੋਕ ਨਿਰਮਾਣ ਵਿਭਾਗ ਦੇ ਸਟੋਰ ਰੂਮ ਵਿੱਚ ਰੱਖਿਆ ਗਿਆ ਸੀ। 2012 ਵਿੱਚ ਜਦੋਂ ਮਨਪ੍ਰੀਤ ਮੁੜ ਵਿੱਤ ਮੰਤਰੀ ਬਣੇ ਤਾਂ ਉਨ੍ਹਾਂ ਨੇ ਇਸ ਨੂੰ ਲੋਕ ਨਿਰਮਾਣ ਵਿਭਾਗ ਦੇ ਸਟੋਰ ਤੋਂ ਕਢਵਾਇਆ ਅਤੇ ਠੀਕ ਕਰਵਾਇਆ। ਪਾਲਿਸ਼ ਕਰਨ ਤੋਂ ਬਾਅਦ ਨਵਾਂ ਕੱਪੜਾ ਵੀ ਚੜਵਾਇਆ ਗਿਆ। ਫਿਰ ਪੀ.ਡਬਲਯੂ.ਡੀ ਨੇ ਆਪਸ਼ਨ ਦਿੱਤਾ ਕਿ ਜੇਕਰ ਰੱਖਣਾ ਹੈ ਤਾਂ ਭੁਗਤਾਨ ਕਰੋ। ਅਸੀਂ ਇਨ੍ਹੇ ਸਾਲ ਪੁਰਾਣੇ ਸਮਾਨ ਲਈ 1.82 ਲੱਖ ਰੁਪਏ ਦਾ ਭੁਗਤਾਨ ਕੀਤਾ ਹੈ। ਜੌਹਲ ਨੇ ਦੱਸਿਆ ਕਿ ਅਸੀਂ ਸਾਰੀ ਆਈਟਮ ਦੀ ਵੀਡੀਓਗ੍ਰਾਫੀ ਕਰਵਾਈ ਹੈ।