ਸ਼੍ਰੀ ਗੁਰੂ ਤੇਗ ਬਹਾਦੁਰ ਜੀ ਦੇ 400ਵੇਂ ਪ੍ਰਕਾਸ਼ ਪੁਰਬ ਦਾ ਦਿਖਿਆ ਜਬਜਦਸਤ ਉਸਤਾਹ, ਪਾਣੀਪਤ ਸ਼ਹਿਰ ਵਿਚ ਚਲਾਈ ਸਫਾਈ ਮੁਹਿੰਮ
ਸਾਂਸਦ, ਵਿਧਾਇਕ ਅਤੇ ਜਿਲ੍ਹਾ ਡਿਪਟੀ ਕਮਿਸ਼ਨਰ ਦੀ ਅਪੀਲ – ਵੱਧ ਤੋਂ ਵੱਧ ਗਿਣਤੀ ਵਿਚ ਪਹੁੰਚੇ ਸੰਗਤ
ਚੰਡੀਗੜ੍ਹ, 22 ਅਪ੍ਰੈਲ- ਹਿੰਦ ਦੀ ਚਾਦਰ ਸ਼੍ਰੀ ਗੁਰੂ ਤੇਗ ਬਹਾਦੁਰ ਜੀ ਦੇ 400ਵੇਂ ਪ੍ਰਕਾਸ਼ ਉਤਸਵ ‘ਤੇ ਪਾਣੀਪਤ ਵਿਚ 24 ਅਪ੍ਰੈਲ ਨੂੰ ਆਯੋਜਿਤ ਹੋਣ ਵਾਲੇ ਪ੍ਰੋਗ੍ਰਾਮ ਦਾ ਹੁਣੀ ਤੋਂ ਲੋਕਾਂ ਵਿਚ ਜਬਜਦਸਤ ਉਤਸਾਹ ਹੈ। ਸ਼ੁਕਰਵਾਰ ਨੂੰ ਸਵੇਰੇ-ਸਵੇਰੇ ਵੱਡੀ ਗਿਣਤੀ ਵਿਚ ਲੋਕਾਂ ਨੇ ਪਹੁੰਚ ਕੇ ਜੀਟੀ ਰੋਡ ਤੋਂ ਲੈ ਕੇ ਆਯੋਜਨ ਸਥਾਨ ਤਕ ਸਫਾਈ ਮੁਹਿੰਮ ਚਲਾਈ। ਇੱਥੇ ਕਰਨਾਲ ਦੇ ਸਾਂਸਦ ਸੰਜੈ ਭਾਟਿਆ, ਪਾਣੀਪਤ ਪਿੰਡ ਵਿਧਾਇਕ ਮਹਿਪਾਲ ਢਾਂਡਾ, ਪਾਣੀਪਤ ਸ਼ਹਿਰੀ ਵਿਧਾਇਕ ਪ੍ਰਮੋਦ ਵਿਜ ਅਤੇ ਜਿਲ੍ਹਾ ਡਿਪਟੀ ਕਮਿਸ਼ਨਰ ਸੁਸ਼ੀਲ ਸਾਰਵਾਨ ਨੇ ਅਪੀਲ ਕੀਤੀ ਹੈ ਕਿ ਵੱਧ ਤੋਂ ਵੱਧ ਸੰਗਤ ਇਸ ਪ੍ਰੋਗ੍ਰਾਮ ਵਿਚ ਪਹੁੰਚੇ।
ਸ਼ੁਕਰਵਾਰ ਸਵੇਰੇ 6 ਵਜੇ ਤੋਂ ਹੀ ਪਾਣੀਪਤ ਦੇ ਜੀਟੀ ਰੋਡ ‘ਤੇ ਯਮੁਨਾ ਏਂਕਲੇਵ ਦੇ ਨੇੜੇ ਵੱਡੀ ਗਿਣਤੀ ਵਿਚ ਸ਼ਹਿਰਵਾਸੀ ਇਕੱਠਾ ਹੋਣਾ ਸ਼ੁਰੂ ਹੋ ਗਏ ਸਨ। ਦੇਖਦੇ ਹੀ ਦੇਖਦੇ ਉੱਥੇ ਲੋਕਾਂ ਦਾ ਜਮਾਵੜਾ ਲੱਗ ਗਿਆ। ਹਰ ਕਿਸੇ ਦੇ ਹੱਥ ਵਿਚ ਝਾੜੂ ਸੀ। ਸਾਂਸਦ, ਵਿਧਾਇਕ, ਜਿਲ੍ਹਾ ਡਿਪਟੀ ਕਮਿਸ਼ਨਰ ਤੋਂ ਲੈ ਕੇ ਜਿਲ੍ਹਾ ਪ੍ਰਸਾਸ਼ਨ ਦੇ ਆਲਾ ਅਧਿਕਾਰੀ ਤਕ ਨੇ ਸਫਾਈ ਮੁਹਿੰਮ ਦੀ ਕਮਾਨ ਸੰਭਾਲ ਰੱਖੀ ਸੀ। ਗੁਰੂ ਸੇਵਾ ਦੇ ਭਾਵ ਨਾਲ ਹਰ ਕਿਸੀ ਨੇ ਸ਼ਰਧਾ ਭਾਵ ਨਾਲ ਸਫਾਈ ਮੁਹਿੰਮ ਚਲਾਈ। ਜੀਟੀ ਰੋਡ ਤੋਂ ਲੈ ਕੇ ਆਯੋਜਨ ਸਥਾਨ ਤਕ ਚੱਪੇ-ਚੱਪੇ ਨੂੰ ਸਾਫ ਕੀਤਾ ਗਿਆ।
ਸੰਗਤ ਨੂੰ ਨਹੀਂ ਹੋਣ ਦਿੱਤੀ ਜਾਵੇਗੀ ਕੋਈ ਅਸਹੂਲਤ – ਸਾਂਸਦ ਸੰਜੈ ਭਾਟਿਆ
ਸਫਾਈ ਮੁਹਿੰਮ ਦੀ ਅਗਵਾਈ ਕਰ ਰਹੇ ਕਰਨਾਲ ਦੇ ਸਾਂਸਦ ਸੰਜੈ ਭਾਟਿਆ ਨੇ ਕਿਹਾ ਕਿ ਅੱਜ ਵੱਡੀ ਗਿਣਤੀ ਵਿਚ ਪਾਣੀਪਤਵਾਸੀ ਪਹੁੰਚੇ ਅਤੇ ਸ਼ਰਧਾ ਨਾਲ ਸਫਾਈ ਮੁਹਿੰਮ ਚਲਾਈ। ਇਸ ਆਯੋਜਨ ਵਿਚ 24 ਤਾਰੀਖ ਨੂੰ ਇਕ ਲੱਖ ਤੋਂ ਵੱਧ ਸੰਗਤ ਦੇ ਪਹੁੰਚਣ ਦਾ ਅੰਦਾਜਾ ਹੈ। ਇੱਥੇ ਪਹੁੰਚਣ ਵਾਲੀ ਸੰਗਤ ਨੂੰ ਕਿਸੇ ਤਰ੍ਹਾ ਦੀ ਕੋਈ ਪਰੇਸ਼ਾਨੀ ਨਾ ਆਵੇ, ਇਸ ਦੇ ਲਈ ਪੁਰਜੋਰ ਯਤਨ ਕੀਤੇ ਜਾ ਰਹੇ ਹਨ। ਇਸ ਦੇ ਲਈ ਮੁੱਖ ਮੰਤਰੀ ਮਨੋਹਰ ਲਾਲ ਦੇ ਦਿਸ਼ਾ-ਨਿਰਦੇਸ਼ਾਂ ਅਨੁਸਾਰ ਜਿਲ੍ਹਾ ਪ੍ਰਸਾਸ਼ਨ ਤੋਂ ਲੈ ਕੇ ਸਮੂਚੇ ਸ਼ਹਿਰ ਵਾਸੀ ਤੇ ਸੂਬੇ ਦੇ ਵੱਖ-ਵੱਖ ਸ਼ਹਿਰਾਂ ਤੋਂ ਪਹੁੰਚੇ ਲੋਕ ਯੋਗਦਾਨ ਕਰ ਰਹੇ ਹਨ। ਇਹ ਇਤਿਹਾਸਕ ਮੌਕਾਂ ਹੈ ਜਦੋਂ ਇੰਨ੍ਹਾਂ ਵੱਡਾ ਸਮਾਗਮ ਪਾਣੀਪਤ ਵਿਚ ਆਯੋਜਿਤ ਕੀਤਾ ਜਾ ਰਿਹਾ ਹੈ। ਪ੍ਰੋਗ੍ਰਾਮ ਨੂੰ ਸ਼ਾਨਦਾਰ ਢੰਗ ਨਾਲ ਮਨਾਇਆ ਜਾਵੇਗਾ, ਇਸ ਦੇ ਲਈ ਤਿਆਰੀਆਂ ਜਾਰੀ ਹਨ। ਸੰਗਤ ਨੂੰ ਸਮਾਗਮ ਸਥਾਨ ਤਕ ਪਹੁੰਚਣ ਦੇ ਲਈ ਘੱਟ ਤੋਂ ਘੱਟ ਚਲਣਾ ਪਵੇ, ਇਸ ਦੇ ਲਈ ਨੇੜੇ ਹੀ ਪਾਰਕਿੰਗ ਦੀ ਵਿਵਸਥਾ ਕੀਤੀ ਗਈ।
ਸਾਨੂੰ ਮਾਣ ਹੈ ਕਿ ਇੰਨ੍ਹਾ ਵੱਡਾ ਆਯੋਜਨ ਪਾਣੀਪਤ ਸ਼ਹਿਰ ਵਿਚ ਹੋ ਰਿਹਾ – ਵਿਧਾਇਕ ਮਹੀਪਾਲ ਢਾਂਡਾ
ਪਾਣੀਪਤ ਪਿੰਡ ਵਿਧਾਇਕ ਮਹਿਪਾਲ ਢਾਂਡਾ ਨੇ ਕਿਹਾ ਕਿ ਸਾਡੇ ਲਈ ਮਾਣ ਦੀ ਗਲ ਹੈ ਕਿ ਇੰਨ੍ਹਾਂ ਵੱਡਾ ਆਯੋਜਨ ਸਾਡੇ ਸ਼ਹਿਰ ਪਾਣੀਪਤ ਵਿਚ ਹੋ ਰਿਹਾ ਹੈ, ਜਿੱਥੇ ਲੱਖਾਂ ਦੀ ਗਿਣਤੀ ਵਿਚ ਦੇਸ਼ ਅਤੇ ਵਿਦੇਸ਼ ਤੋਂ ਸੰਗਤ ਪਹੁੰਚੇਗੀ। ਇੰਨ੍ਹੀ ਵੱਡੀ ਗਿਣਤੀ ਵਿਚ ਸਮਾਜ ਦੇ ਲੋਕ ਇਕੱਠਾ ਹੋਣਗੇ, ਉਨ੍ਹਾਂ ਨੂੰ ਕੋਈ ਅਸਹੂਲਤ ਨਾ ਹੋਵੇ, ਇਸ ਦੇ ਲਈ ਮੁੱਖ ਮੰਤਰੀ ਸ੍ਰੀ ਮਨੋਹਰ ਲਾਲ ਦੇ ਦਿਸ਼ਾ-ਨਿਰਦੇਸ਼ ਅਨੁਸਾਰ ਜਿਲ੍ਹਾ ਪ੍ਰਸਾਸ਼ਨ ਪੂਰੀ ਤਰ੍ਹਾ ਕੰਮ ਕਰ ਰਹੇ ਹਨ। ਸਿੱਖ ਗੁਰੂਆਂ ਦਾ ਇਤਿਹਾਸ ਤਿਆਗ ਅਤੇ ਬਲਿਦਾਨ ਵਾਲਾ ਰਿਹਾ ਹੈ, ਉਹ ਸਦਾ ਮਨੁੱਖ ਜਾਤੀ ਨੂੰ ਪ੍ਰੇਰਣਾ ਦਿੰਦੇ ਰਹਿਣਗੇ। ਅੱਜ ਨੌਜੁਆਨਾਂ ਨੂੰ ਇਸੀ ਤਿਆਗ ਅਤੇ ਬਲਿਦਾਨ ਨੂੰ ਸਮਝਨ ਦੀ ਜਰੂਰਤ ਹੈ, ਇਸ ਲਈ ਇਸ ਪ੍ਰੋਗ੍ਰਾਮ ਵਿਚ ਵੱਧ ਤੋਂ ਵੱਧ ਗਿਣਤੀ ਵਿਚ ਪਹੁੰਚਣਾ ਚਾਹੀਦਾ ਹੈ।
ਜਿਲ੍ਹਾ ਪ੍ਰਸਾਸ਼ਨ ਇਕ-ਇਕ ਤਿਆਰੀ ‘ਤੇ ਬਾਰੀਕੀ ਨਾਲ ਰੱਖ ਰਿਹਾ ਨਜਰ – ਜਿਲ੍ਹਾ ਡਿਪਟੀ ਕਮਿਸ਼ਨਰ
ਪਾਣੀਪਤ ਜਿਲ੍ਹਾ ਡਿਪਟੀ ਕਮਿਸ਼ਨਰ ਸੁਸ਼ੀਲ ਸਾਰਵਾਨ ਨੇ ਕਿਹਾ ਕਿ ਸ਼ੁਕਰਵਾਰ ਸਵੇਰੇ ਜੀਟੀ ਰੋਡ ਤੋਂ ਲੈ ਕੇ ਸਮਾਗਮ ਸਥਾਨ ਤਕ ਸਫਾਈ ਮੁਹਿੰਮ ਚਲਾਈ ਗਈ। ਇਸ ਵਿਚ ਸਮਾਜ ਦੇ ਹਰ ਵਰਗ ਨੇ ਹਿੱਸਾ ਲਿਆ। 24 ਅਪ੍ਰੈਲ ਨੂੰ ਸਵੇਰੇ 9 ਵਜੇ ਪ੍ਰੋਗ੍ਰਾਮ ਸ਼ੁਰੂ ਹੋ ਜਾਵੇਗਾ, ਜਿਸ ਵਿਚ ਲੱਖਾਂ ਦੀ ਗਿਣਤੀ ਵਿਚ ਸੰਗਤ ਪਹੁੰਚੇਗੀ। ਜਿਲ੍ਹਾ ਪ੍ਰਸਾਸ਼ਨ ਨੇ ਆਪਣੀ ਤਿਆਰੀਆਂ ਨੂੰ ਲਗਭਗ ਪੂਰਾ ਕਰ ਲਿਆ ਹੈ। ਸਿਕਓਰਿਟੀ ਪਲਾਨ ਬਣਾ ਲਿਆ ਗਿਆ ਹੈ, ਪਾਰਕਿੰਗ ਨੂੰ 7 ਸੈਕਟਰ ਵਿਚ ਵੰਡਿਆ ਗਿਆ ਹੈ। ਜਿਲ੍ਹਾ ਪ੍ਰਸਾਸ਼ਨ ਪ੍ਰੋਗ੍ਰਾਮ ਦੀ ਤਿਆਰੀਆਂ ‘ਤੇ ਬਾਰੀਕੀ ਨਾਲ ਨਜਰ ਰੱਖੇ ਹੋਏ ਹਨ, ਇੱਥੇ ਪਹੁੰਚਣ ਵਾਲੀ ਸੰਗਤ ਨੂੰ ਕਿਸੇ ਤਰ੍ਹਾ ਦੀ ਕੋਈ ਪਰੇਸ਼ਾਨੀ ਨਹੀਂ ਆਉਣ ਦਿੱਤੀ ਜਾਵੇਗੀ। ਇਸ ਦੌਰਾਨ ਮੁੱਖ ਮੰਤਰੀ ਦੇ ਮੀਡੀਆ ਸਲਾਹਕਾਰ ਅਮਿਤ ਆਰਿਆ ਤੇ ਜਿਲ੍ਹਾ ਪ੍ਰਸਾਸ਼ਨ ਦੇ ਸੀਨੀਅਰ ਅਧਿਕਾਰੀ ਵੀ ਮੌਜੂਦ ਰਹੇ।
