ਆਮਿਰ ਖਾਨ ਦੀ ਫਿਲਮ ਲਾਲ ਸਿੰਘ ਚੱਢਾ ਦਾ ਪਹਿਲਾ ਗੀਤ ਰਿਲੀਜ਼ ਹੋ ਗਿਆ ਹੈ। ਗੀਤ ਦਾ ਨਾਂ ਹੈ ਕਹਾਣੀ। ਇਸ ਗੀਤ ਨੂੰ ਮੋਹਨ ਕੰਨਨ ਨੇ ਆਵਾਜ਼ ਦਿੱਤੀ ਹੈ। ਗੀਤ ਦੇ ਖੂਬਸੂਰਤ ਬੋਲ ਅਮਿਤਾਭ ਭੱਟਾਚਾਰੀਆ ਦੇ ਹਨ ਅਤੇ ਸੰਗੀਤ ਸੰਗੀਤਕਾਰ ਪ੍ਰੀਤਮ ਨੇ ਦਿੱਤਾ ਹੈ। ਖਾਸ ਗੱਲ ਇਹ ਹੈ ਕਿ ਇਸ ਗੇਮ ਚੇਂਜਿੰਗ ਮੂਵ ‘ਚ ਆਮਿਰ ਖਾਨ ਨੇ ਗੀਤ ਦਾ ਵੀਡੀਓ ਰਿਲੀਜ਼ ਨਾ ਕਰਨ ਦਾ ਫੈਸਲਾ ਕੀਤਾ ਹੈ। ਉਨ੍ਹਾਂ ਨੇ ਗੀਤ ਦਾ ਸਿਰਫ ਆਡੀਓ ਹੀ ਜਾਰੀ ਕੀਤਾ ਹੈ,ਤਾਂ ਜੋ ਸਰੋਤਿਆਂ ਦਾ ਧਿਆਨ ਗੀਤ ਦੇ ਅਸਲੀ ਪਾਤਰ, ਸੰਗੀਤ ਅਤੇ ਟੀਮ ਵੱਲ ਜਾਵੇ, ਜਿਸ ਨੇ ਸਾਰੇ ਹਿੱਸੇ ਇਕੱਠੇ ਕੀਤੇ ਹਨ।
ਗੀਤ ਬਾਰੇ ਆਮਿਰ ਖ਼ਾਨ ਨੇ ਕਿਹਾ, ‘ਮੇਰਾ ਮੰਨਣਾ ਹੈ ਕਿ ਲਾਲ ਸਿੰਘ ਚੱਢਾ ਦੇ ਗੀਤ ਫ਼ਿਲਮ ਦੀ ਰੂਹ ਹਨ ਅਤੇ ਇਸ ਐਲਬਮ ‘ਚ ਮੇਰੇ ਕਰੀਅਰ ਦੇ ਕੁਝ ਬਿਹਤਰੀਨ ਗੀਤ ਹਨ। ਪ੍ਰੀਤਮ, ਅਮਿਤਾਭ, ਗਾਇਕਾਂ ਅਤੇ ਟੈਕਨੀਸ਼ੀਅਨਾਂ ਨੂੰ ਲਾਈਮਲਾਈਟ ਵਿੱਚ ਲਿਆਉਣ ਜ਼ਰੂਰੀ ਫੈਸਲਾ ਹੈ। ਕਿਉਂਕਿ ਨਾ ਸਿਰਫ਼ ਉਹ ਸੁਰਖੀਆਂ ਵਿੱਚ ਰਹਿਣ ਦੇ ਹੱਕਦਾਰ ਹਨ ਬਲਕਿ ਸੰਗੀਤ ਵੀ ਇਸ ਦੇ ਸਿਹਰਾ ਦਾ ਹੱਕਦਾਰ ਹੈ। ਮੈਂ ਇਹ ਦੇਖਣ ਲਈ ਇੰਤਜ਼ਾਰ ਨਹੀਂ ਕਰ ਸਕਦਾ ਕਿ ਦਰਸ਼ਕ ਇਸ ਮਿਊਜ਼ਿਕ ‘ਤੇ ਕਿਵੇਂ ਪ੍ਰਤੀਕਿਰਿਆ ਦਿੰਦੇ ਹਨ, , ਜਿਸ ਲਈ ਟੀਮ ਨੇ ਆਪਣਾ ਦਿਲ ਅਤੇ ਆਤਮਾ ਦੇ ਨਾਲ ਕੰਮ ਕੀਤਾ ਹੈ’।
ਦੱਸ ਦਈਏ ਇਹ ਗੀਤ 3 ਮਿੰਟ 27 ਸੈਕਿੰਡ ਦਾ ਹੈ, ਇਹ ਗੀਤ ਦਰਸ਼ਕਾਂ ਨੂੰ ਬਹੁਤ ਹੀ ਖ਼ੂਬਸੂਰਤ ਖਿਆਲਾਂ ਦੇ ਸਫਰ ਉੱਤੇ ਲੈ ਕੇ ਜਾ ਰਿਹਾ ਹੈ। ਜੀ ਹਾਂ ਇਹ ਗੀਤ ਬਹੁਤ ਹੀ ਸਕੂਨ ਤੇ ਖਾਬ੍ਹਾਂ ਚ ਗੁਆਚਣ ਵਾਲਾ ਗੀਤ ਹੈ। ਜਿਸ ਕਰਕੇ ਇਹ ਗੀਤ ਦਰਸ਼ਕਾਂ ਦਾ ਦਿਲ ਜਿੱਤਣ ਚ ਕਾਮਯਾਬ ਰਿਹਾ ਹੈ। ਯੂਟਿਊਬ ਉੱਤੇ ਪ੍ਰਸ਼ੰਸਕ ਕਮੈਂਟ ਕਰਕੇ ਇਸ ਗੀਤ ਦੀ ਖੂਬ ਤਾਰੀਫ ਕਰ ਰਹੇ ਹਨ। ਲਾਲ ਸਿੰਘ ਚੱਢਾ ਨੂੰ ਆਮਿਰ ਖਾਨ ਪ੍ਰੋਡਕਸ਼ਨ, ਕਿਰਨ ਰਾਓ ਅਤੇ ਵਾਇਕਾਮ18 ਸਟੂਡੀਓਜ਼ ਦੁਆਰਾ ਨਿਰਮਿਤ ਕੀਤਾ ਗਿਆ ਹੈ ਅਤੇ ਇਹ ਫਿਲਮ 11 ਅਗਸਤ 2022 ਨੂੰ ਦੇਸ਼ ਭਰ ਦੇ ਸਿਨੇਮਾਘਰਾਂ ਵਿੱਚ ਆਉਣ ਲਈ ਤਿਆਰ ਹੈ।
