ਕੌਫੀ ਵਿਦ ਕਰਨ, ਬਾਲੀਵੁੱਡ ਗੱਪਾਂ ਦੇ ਚਾਹਵਾਨਾਂ ਦਾ ਇੱਕ ਪਸੰਦੀਦਾ ਸ਼ੋਅ, ਦਰਸ਼ਕਾਂ ਵਿੱਚ ਕਾਫ਼ੀ ਹਿੱਟ ਰਿਹਾ। ਹਾਲਾਂਕਿ, ਛੇ ਸਫਲ ਸੀਜ਼ਨਾਂ ਤੋਂ ਬਾਅਦ ਸ਼ੋਅ ਦਾ ਅੰਤ ਹੋ ਗਿਆ ਹੈ। ਬੁੱਧਵਾਰ ਨੂੰ ਫਿਲਮ ਨਿਰਮਾਤਾ ਅਤੇ ਸ਼ੋਅ ਦੇ ਹੋਸਟ ਕਰਨ ਜੌਹਰ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ‘ਤੇ ਪੋਸਟ ਸ਼ੇਅਰ ਕੀਤੀ ਹੈ। ਨਿਰਮਾਤਾ ਨੇ ਖੁਲਾਸਾ ਕੀਤਾ ਕਿ ‘ਕੌਫੀ ਵਿਦ ਕਰਨ’ ਆਪਣੇ ਸੱਤਵੇਂ ਸੀਜ਼ਨ ਨਾਲ ਵਾਪਸੀ ਨਹੀਂ ਕਰਨਗੇ । ਦੱਸ ਦਈਏ ਪਿਛਲੇ ਮਹੀਨੇ ਹੀ ਖਬਰਾਂ ਆਈਆਂ ਸਨ ਕਿ ਕਰਨ ਜੌਹਰ ਜਲਦੀ ਹੀ ਆਪਣੇ ਸ਼ੋਅ ‘ਕੌਫੀ ਵਿਦ ਕਰਨ’ ਨਾਲ ਛੋਟੇ ਪਰਦੇ ‘ਤੇ ਨਜ਼ਰ ਆਉਣਗੇ। ਰਿਪੋਰਟਾਂ ਦੇ ਅਨੁਸਾਰ, ਕਰਨ ਆਪਣੇ ਟੀਵੀ ਸੈਲੀਬ੍ਰਿਟੀ ਚੈਟ ਸ਼ੋਅ ਨੂੰ ਇੱਕ ਨਵੇਂ ਸੀਜ਼ਨ ਦੇ ਨਾਲ ਦੁਬਾਰਾ ਸ਼ੁਰੂ ਕਰਨ ਲਈ ਤਿਆਰ ਸੀ।ਇਸ ਤੋਂ ਇਲਾਵਾ ਇਹ ਵੀ ਕਿਹਾ ਜਾ ਰਿਹਾ ਸੀ ਇਸ ਵਾਰ ਸ਼ੋਅ ਦੇ ਨਵੇਂ ਸੀਜ਼ਨ ਵਿੱਚ ਅਕਸ਼ੈ ਕੁਮਾਰ, ਵਰੁਣ ਧਵਨ, ਕਿਆਰਾ ਅਡਵਾਨੀ, ਅਨਿਲ ਕਪੂਰ, ਨੀਤੂ ਸਿੰਘ, ਅਤੇ ਸਿਧਾਰਥ ਮਲਹੋਤਰਾ, ਰਸ਼ਮਿਕਾ ਮੰਡਾਨਾ, ਕੈਟਰੀਨਾ ਕੈਫ, ਅਤੇ ਸਿਧਾਂਤ ਚਤੁਰਵੇਦੀ ਵਰਗੇ ਮਸ਼ਹੂਰ ਹਸਤੀਆਂ ਦੇ ਸ਼ਾਮਲ ਹੋਣ ਦੀ ਉਮੀਦ ਸੀ।
ਹਾਲਾਂਕਿ, ਕਰਨ ਜੌਹਰ ਨੇ ਅਟਕਲਾਂ ਨੂੰ ਅਰਾਮ ਦਿੰਦੇ ਹੋਏ ਅੱਜ ਸੋਸ਼ਲ ਮੀਡੀਆ ‘ਤੇ ਸਪੱਸ਼ਟ ਕੀਤਾ ਕਿ ਉਹ ਕੌਫੀ ਵਿਦ ਕਰਨ ਦੇ ਨਵੇਂ ਸੀਜ਼ਨ ਨਾਲ ਵਾਪਸ ਨਹੀਂ ਆਉਣਗੇ। ਸੋਸ਼ਲ ਮੀਡੀਆ ਉੱਤੇ ਪੋਸਟ ਸਾਂਝਾ ਕਰਦੇ ਹੋਏ ਕਰਨ ਜੌਹਰ ਨੇ ਇੱਕ ਤਸਵੀਰ ਸ਼ੇਅਰ ਕੀਤੀ ਹੈ ਜਿਸ ਵਿੱਚ ਲਿਖਿਆ ਹੈ, “ਹੈਲੋ, ਕੌਫੀ ਵਿਦ ਕਰਨ ਮੇਰੀ ਜ਼ਿੰਦਗੀ ਦਾ ਹਿੱਸਾ ਰਿਹਾ ਹੈ, ਅਤੇ ਤੁਹਾਡੀ, ਹੁਣ 6 ਸੀਜ਼ਨਾਂ ਤੱਕ। I’d like to think we’ve made an impact and even found our place in pop culture history । ਉਨ੍ਹਾਂ ਨੇ ਅੱਗੇ ਲਿਖਿਆ ਹੈ ‘ਅਤੇ ਇਸ ਲਈ, ਭਾਰੀ ਮਾਨ ਦੇ ਨਾਲ ਮੈਂ ਮੈਂ ਘੋਸ਼ਣਾ ਕਰਦਾ ਹਾਂ ਕਿ ਕੌਫੀ ਵਿਦ ਕਰਨ ਵਾਪਸ ਨਹੀਂ ਆਵੇਗਾ…” । ਇਹ ਖਬਰ ਦੇ ਸਾਹਮਣੇ ਆਉਣ ਤੋਂ ਬਾਅਦ ਪ੍ਰਸ਼ੰਸਕ ਨਿਰਾਸ਼ ਨਜ਼ਰ ਆ ਰਹੇ ਹਨ। ਯੂਜ਼ਰ ਵੀ ਆਪੋ ਆਪਣੀ ਪ੍ਰਤੀਕਿਰਿਆ ਦੇ ਰਹੇ ਹਨ।
