3 ਮਈ ਤੋਂ ਸੀਐਮ ਯੋਗੀ ਤਿੰਨ ਦਿਨਾਂ ਉਤਰਾਖੰਡ ਦੌਰੇ ‘ਤੇ ਹਨ ਅੱਜ ਉਹ ਆਪਣੇ ਦੌਰੇ ਦੇ ਤੀਜੇ ਦਿਨ ਹਰਿਦੁਆਰ ਪੁੱਜੇ। ਦੁਪਹਿਰ 2.15 ਵਜੇ, ਸੀਐਮ ਯੋਗੀ ਰਿਸ਼ੀਕੁਲ ਮਹਾਵਿਦਿਆਲਿਆ ਵਿੱਚ ਸਪਰਸ਼ ਗੰਗਾ ਸਵੱਛਤਾ ਅਭਿਆਨ ਪ੍ਰੋਗਰਾਮ ਵਿੱਚ ਹਿੱਸਾ ਲੈਣਗੇ। ਇਸ ਤੋਂ ਬਾਅਦ ਉਹ ਜੌਲੀ ਗ੍ਰਾਂਟ ਹਵਾਈ ਅੱਡੇ ਲਈ ਰਵਾਨਾ ਹੋਣਗੇ।
ਯੂਪੀ ਦੇ ਮੁੱਖ ਮੰਤਰੀ ਯੋਗੀ ਆਦਿਤਿਆਨਾਥ ਅਲਕਨੰਦਾ ਘਾਟ ਦੇ ਕੰਢੇ ‘ਤੇ ਬਣੇ ਯੂਪੀ ਟੂਰਿਜ਼ਮ ਵਿਭਾਗ ਦੇ ਨਵੇਂ ਹੋਟਲ ਭਾਗੀਰਥੀ ਟੂਰਿਸਟ ਰਿਹਾਇਸ਼ ਦਾ ਉਦਘਾਟਨ ਕਰਨਗੇ। ਇਸ ਮੌਕੇ ਮੁੱਖ ਮੰਤਰੀ ਪੁਸ਼ਕਰ ਸਿੰਘ ਧਾਮੀ, ਸਾਬਕਾ ਮੁੱਖ ਮੰਤਰੀ ਤ੍ਰਿਵੇਂਦਰ ਸਿੰਘ ਰਾਵਤ, ਭਾਜਪਾ ਦੇ ਸੂਬਾ ਪ੍ਰਧਾਨ ਮਦਨ ਕੌਸ਼ਿਕ ਸਮੇਤ ਕਈ ਸੰਤ ਮੌਜੂਦ ਹੋਣਗੇ। ਮੁੱਖ ਮੰਤਰੀ ਯੋਗੀ ਆਦਿੱਤਿਆਨਾਥ ਦੀ ਸੁਰੱਖਿਆ ਲਈ 300 ਤੋਂ ਵੱਧ ਪੁਲਿਸ ਅਧਿਕਾਰੀ ਅਤੇ ਕਰਮਚਾਰੀ ਅਤੇ ਪੀਏਸੀ ਦੀਆਂ ਦੋ ਕੰਪਨੀਆਂ ਤਾਇਨਾਤ ਕੀਤੀਆਂ ਗਈਆਂ ਹਨ।
ਦੱਸ ਦਈਏ ਕਿ ਅਲਕਨੰਦਾ ਘਾਟ ‘ਤੇ ਉੱਤਰ ਪ੍ਰਦੇਸ਼ ਸੈਰ-ਸਪਾਟਾ ਵਿਭਾਗ ਵੱਲੋ ਭਾਗੀਰਥੀ ਟੂਰਿਸਟ ਰਿਹਾਇਸ਼ ਦਾ ਨਿਰਮਾਣ ਕੀਤਾ ਗਿਆ ਹੈ। ਯੂਪੀ ਟੂਰਿਜ਼ਮ ਦੇ ਪੁਰਾਣੇ ਹੋਟਲ ਅਲਕਨੰਦਾ ਨੂੰ ਉਤਰਾਖੰਡ ਟੂਰਿਜ਼ਮ ਕਾਰਪੋਰੇਸ਼ਨ ਨੂੰ ਸੌਂਪਿਆ ਜਾਣਾ ਹੈ। ਪਹਾੜੀ ਸ਼ੈਲੀ ਵਿੱਚ ਬਣੇ ਭਾਗੀਰਥੀ ਹੋਟਲ ਵਿੱਚ 100 ਤੋਂ ਵੱਧ ਕਮਰਿਆਂ ਵਿੱਚੋ 12 ਵੀਆਈਪੀ ਅਤੇ 88 ਲਗਜ਼ਰੀ ਕਮਰੇ ਹਨ।