ਅਯੁੱਧਿਆ ਜ਼ਿਲ੍ਹੇ ਦੇ 49 ਸਰਕਾਰੀ ਸਕੂਲਾਂ ਦਾ ਵਿਕਾਸ ਕੀਤਾ ਜਾਵੇਗਾ। ਇਨ੍ਹਾਂ ਸਕੂਲਾਂ ਦੀ ਪੇਂਟਿੰਗ ਅਤੇ ਮੁਰੰਮਤ ਕਰਵਾ ਕੇ ਇਨਾ ਨੂੰ ਸੁੰਦਰ ਬਣਾਇਆ ਜਾਵੇਗਾ। ਅਯੁੱਧਿਆ ਨਗਰ ਨਿਗਮ ਵਿੱਚ ਸ਼ਹਿਰ ਦੀਆਂ ਸੀਮਾਵਾਂ ਦੇ ਆਲੇ-ਦੁਆਲੇ ਦੀਆਂ 43 ਗ੍ਰਾਮ ਪੰਚਾਇਤਾਂ ਨੂੰ ਸ਼ਾਮਲ ਕਰਨ ਤੋਂ ਬਾਅਦ ਇਨ੍ਹਾਂ ਪਿੰਡਾਂ ਵਿੱਚ ਸਥਾਪਿਤ 49 ਪ੍ਰੀਸ਼ਦ ਸਕੂਲਾਂ ਦੀ ਪਛਾਣ ਕੀਤੀ ਗਈ ਹੈ। ਦੱਸ ਦਈਏ ਕਿ ਉੱਤਰ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਯੋਗੀ ਆਦਿਤਿਆਨਾਥ ਵੱਲੋਂ ਸਕੂਲਾਂ ਦਾ ਨਿਰੀਖਣ ਕੀਤਾ ਗਿਆ। ਇਨ੍ਹਾਂ ਸਕੂਲਾਂ ‘ਚ ਵਿਕਾਸ ਕਰਨ ਦੀ ਗੱਲ ਲੰਬੇ ਸਮੇਂ ਤੋਂ ਚੱਲ ਰਹੀ ਸੀ ਪਰ ਮੁੱਖ ਮੰਤਰੀ ਦੇ ਅਯੁੱਧਿਆ ਦੌਰੇ ਤੋਂ ਬਾਅਦ ਇਸ ਇਸ ਕੰਮ ਚ ਤੇਜ਼ੀ ਆਈ ਹੈ।
ਕਾਇਆਕਲਪ ਸਕੀਮ ਤਹਿਤ ਸਕੂਲਾਂ ਵਿੱਚ ਲੜਕਿਆਂ ਅਤੇ ਲੜਕੀਆਂ ਦੇ ਨਾਲ ਅਪਾਹਜਾਂ ਲਈ ਵੀ ਵੱਖ-ਵੱਖ ਪਖਾਨੇ ਬਣਾਏ ਜਾਣਗੇ। ਸਕੂਲਾਂ ਦੀਆਂ ਇੱਟਾਂ ਦੇ ਫਰਸ਼ ‘ਤੇ ਟਾਈਲਾਂ ਆਦਿ ਲਗਾਈਆਂ ਜਾਣਗੀਆਂ। ਇਸ ਦੇ ਨਾਲ ਹੀ ਉਨ੍ਹਾਂ ਦੀ ਚਾਰਦੀਵਾਰੀ ਵਧੀਆ ਅਤੇ ਵਿਸ਼ਾਲ ਗੇਟ ਵੀ ਬਣਾਇਆ ਜਾਵੇਗਾ। ਬੱਚਿਆਂ ਨੂੰ ਸ਼ੁੱਧ ਅਤੇ ਸਾਫ ਪੀਣ ਵਾਲਾ ਪਾਣੀ ਮੁਹੱਈਆ ਕਰਵਾਉਣ ਲਈ ਆਰ.ਓ ਮਸ਼ੀਨ ਵੀ ਲਗਾਈ ਜਾਵੇਗੀ। ਬੱਚਿਆਂ ਦੇ ਬੈਠਣ ਲਈ ਨਵਾਂ ਫਰਨੀਚਰ ਵੀ ਦਿੱਤਾ ਜਾਵੇਗਾ।
ਅਯੁੱਧਿਆ ਵਿਕਾਸ ਅਥਾਰਟੀ ਅਤੇ ਬੇਸਿਕ ਐਜੂਕੇਸ਼ਨ ਡਿਪਾਰਟਮੈਂਟ ਮਿਲ ਕੇ ਸਰਹੱਦੀ ਖੇਤਰ ‘ਚ ਪੈਂਦੇ ਸਕੂਲਾਂ ਦਾ ਵਿਕਾਸ ਕਰਨ ਜਾ ਰਹੇ ਹਨ। ਇਸ ਲਈ ਸਰਕਾਰ ਵੱਲੋਂ ਮਨਜ਼ੂਰੀ ਦੇ ਦਿੱਤੀ ਗਈ ਹੈ। ਇਨ੍ਹਾਂ ਸਕੂਲਾਂ ਨੂੰ ਸੁੰਦਰ ਬਣਾਉਣ ਲਈ 4.76 ਕਰੋੜ ਰੁਪਏ ਖਰਚ ਕੀਤੇ ਜਾਣਗੇ।