ਇਲੈਕਟ੍ਰਿਕ ਦੋਪਹੀਆ ਵਾਹਨ ਨਿਰਮਾਤਾ ਕੰਪਨੀ Ola ਨੇ ਆਪਣੇ ਫਲੈਗਸ਼ਿਪ ਇਲੈਕਟ੍ਰਿਕ ਸਕੂਟਰ S1 Pro ਦੀ ਕੀਮਤ ਵਧਾ ਦਿੱਤੀ ਹੈ। ਓਲਾ ਨੇ S1 Pro ਦੀ ਕੀਮਤ ‘ਚ 10,000 ਰੁਪਏ ਦਾ ਵਾਧਾ ਕੀਤਾ ਹੈ। ਹਾਲਾਂਕਿ, ਈਵੀ ਨਿਰਮਾਤਾ ਨੇ ਅਜੇ ਤੱਕ ਕੀਮਤਾਂ ਵਿੱਚ ਵਾਧੇ ਦਾ ਕੋਈ ਕਾਰਨ ਨਹੀਂ ਦੱਸਿਆ ਹੈ। ਓਲਾ ਇਲੈਕਟ੍ਰਿਕ S1 ਪ੍ਰੋ ਦੀ ਨਵੀਂ ਐਕਸ-ਸ਼ੋਰੂਮ ਕੀਮਤ ਹੁਣ 1.40 ਲੱਖ ਰੁਪਏ ਹੈ।
ਦੱਸ ਦਈਏ ਕਿ 2021 ਵਿੱਚ ਇਸਨੂੰ 1.30 ਲੱਖ ਰੁਪਏ ਦੀ ਐਕਸ-ਸ਼ੋਰੂਮ ਕੀਮਤ ‘ਤੇ ਲਾਂਚ ਕੀਤਾ ਗਿਆ ਸੀ। ਇਹ ਪਹਿਲੀ ਵਾਰ ਹੋਵੇਗਾ ਜਦੋਂ Ola S1 Pro ਦੀ ਕੀਮਤ ਵਧਾਈ ਜਾ ਰਹੀ ਹੈ। ਓਲਾ ਸਕੂਟਰਸ ਨੇ S1 ਪ੍ਰੋ ਇਲੈਕਟ੍ਰਿਕ ਸਕੂਟਰ ਦੀ ਨਵੀਂ ਕੀਮਤ ਦਾ ਖੁਲਾਸਾ ਕਰਦੇ ਹੋਏ ਆਪਣੀ ਤੀਜੀ ਖਰੀਦ ਵਿੰਡੋ ਖੋਲ੍ਹ ਦਿੱਤੀ ਹੈ। ਕੰਪਨੀ ਪਹਿਲਾਂ ਹੀ ਦੇਸ਼ ਭਰ ਦੇ 5 ਸ਼ਹਿਰਾਂ ਵਿੱਚ ਟੈਸਟ ਰਾਈਡ ਕੈਂਪ ਚਲਾ ਰਹੀ ਹੈ।
ਜ਼ਿਕਰਯੋਗ ਹੈ ਕਿ Ola S1 Pro ਵਿੱਚ 10 ਕਲਰ ਆਪਸ਼ਨ ਉਪਲਬਧ ਹਨ। ਇਨ੍ਹਾਂ ਵਿੱਚ ਮਿਡਨਾਈਟ ਬਲੂ, ਲਿਕਵਿਡ ਸਿਲਵਰ, ਮੈਟ ਬਲੈਕ, ਐਂਥਰਾਸਾਈਟ ਗ੍ਰੇ, ਮਾਰਸ਼ਮੈਲੋ, ਮਿਲੇਨਿਅਲ ਪਿੰਕ, ਕੋਰਲ ਗਲੈਮ, ਪੋਰਸਿਲੇਨ ਵ੍ਹਾਈਟ, ਨਿਓ ਮਿੰਟ ਅਤੇ ਜੈਟ ਬਲੈਕ ਸ਼ਾਮਲ ਹਨ। ਹਾਲ ਹੀ ਵਿੱਚ, Ola 5 ਮਹੀਨਿਆਂ ਵਿੱਚ ਸਭ ਤੋਂ ਵੱਧ ਵਿਕਣ ਵਾਲੇ ਇਲੈਕਟ੍ਰਿਕ ਸਕੂਟਰ ਵਜੋਂ ਭਾਰਤ ਦਾ ਨੰਬਰ-1 ਇਲੈਕਟ੍ਰਿਕ ਸਕੂਟਰ ਬਣ ਗਿਆ ਹੈ।
