ਕਾਰਤਿਕ ਆਰਯਨ ਸਟਾਰਰ ਫਿਲਮ ਭੂਲ ਭੁਲਈਆ 2 ਨੇ ਤਿੰਨ ਦਿਨਾਂ ਵਿੱਚ ਰਿਕਾਰਡ ਤੋੜ ਕਮਾਈ ਕੀਤੀ ਹੈ। ਜਿੱਥੇ ਪਿਛਲੇ ਕੁਝ ਸਾਲਾਂ ‘ਚ ਇੱਕ ਤੋਂ ਬਾਅਦ ਇੱਕ ਬਾਲੀਵੁੱਡ ਫਿਲਮਾਂ ਦਾ ਬਾਕਸ ਆਫਿਸ ‘ਤੇ ਬੁਰਾ ਹਾਲ ਹੈ। ਉਥੇ ਹੀ ਦੂਜੇ ਪਾਸੇ ਫਿਲਮ ‘ਭੂਲ ਭੁਲਾਇਆ 2’ ਉਮੀਦ ਦੀ ਕਿਰਨ ਲੈ ਕੇ ਆਈ ਹੈ। ਬਾਕਸ ਆਫਿਸ ਇੰਡੀਆ ਦੀ ਰਿਪੋਰਟ ਮੁਤਾਬਕ ‘ਭੂਲ ਭੁਲਈਆ 2’ ਨੇ ਸੋਮਵਾਰ ਨੂੰ ਕਰੀਬ 10.50 ਕਰੋੜ ਦੀ ਕਮਾਈ ਕੀਤੀ ਹੈ। ਜੇਕਰ ਇਹ ਅੰਕੜੇ ਸਹੀ ਨਿਕਲੇ ਤਾਂ ‘ਭੂਲ ਭੁਲਈਆ’ ਘਰੇਲੂ ਬਾਕਸ ਆਫਿਸ ‘ਤੇ ਆਸਾਨੀ ਨਾਲ 65 ਕਰੋੜ ਦਾ ਅੰਕੜਾ ਪਾਰ ਕਰ ਲਵੇਗੀ।
ਜੇਕਰ ਇਹ ਫਿਲਮ ਹਫਤੇ ਦੇ ਦਿਨਾਂ ‘ਚ ਵੀ ਇਸੇ ਤਰ੍ਹਾਂ ਕਮਾਈ ਕਰਦੀ ਰਹੀ ਤਾਂ ਦੂਜੇ ਵੀਕੈਂਡ ‘ਤੇ ਆਉਣ ਤੋਂ ਪਹਿਲਾਂ ਇਹ ਫਿਲਮ ਬਾਕਸ ਆਫਿਸ ‘ਤੇ 100 ਕਰੋੜ ਦੀ ਕਮਾਈ ਕਰ ਲਵੇਗੀ। ਪੋਰਟਲ ਦੀ ਇੱਕ ਹੋਰ ਰਿਪੋਰਟ ਵਿੱਚ ਦੱਸਿਆ ਗਿਆ ਹੈ ਕਿ ਫਿਲਮ ਨੇ ਦੁਨੀਆ ਭਰ ਵਿੱਚ 80 ਕਰੋੜ ਤੋਂ ਵੱਧ ਦੀ ਕਮਾਈ ਕੀਤੀ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਇਸ ਵੀਕੈਂਡ ‘ਤੇ ਕਾਰਤਿਕ ਆਰਯਨ ਦੀ ਫਿਲਮ ‘ਭੂਲ ਭੁਲਾਇਆ 2’ ਦੇਸ਼ ਭਰ ਦੇ ਸਾਰੇ ਸਿਨੇਮਾਘਰਾਂ ‘ਚ ਹਾਊਸਫੁੱਲ ਰਹੀ ਹੈ। ਦੱਸ ਦਈਏ ਕਿ ਕਾਰਤਿਕ ਆਰਯਨ ਦੀਆਂ ਪਿਛਲੀਆਂ ਚਾਰ ਫਿਲਮਾਂ ਓਨੀ ਕਮਾਈ ਨਹੀਂ ਕਰ ਸਕੀਆਂ ਜਿੰਨੀਆਂ ਸ਼ੁਰੂਆਤੀ ਵੀਕੈਂਡ ‘ਚ ‘ਭੂਲ ਭੁਲਾਇਆ 2’।
ਸਾਲ 2019 ‘ਚ ‘ਪਤੀ ਪਤਨੀ ਔਰ ਵੋ’ ਨੇ ਪਹਿਲੇ ਵੀਕੈਂਡ ‘ਚ 35.94 ਕਰੋੜ ਦਾ ਕਾਰੋਬਾਰ ਕੀਤਾ ਸੀ। ਦੂਜੇ ਪਾਸੇ ਲੁਕਾ ਚੁਪੀ ਨੇ 32.13 ਕਰੋੜ, ਲਵ ਆਜ ਕਲ ਨੇ 28.51 ਕਰੋੜ ਅਤੇ ਸੋਨੂੰ ਕੇ ਟੀਟੂ ਕੀ ਸਵੀਟੀ ਨੇ 26.57 ਕਰੋੜ ਦੀ ਕਮਾਈ ਕੀਤੀ ਹੈ। ਇਸ ਤਰ੍ਹਾਂ ਕਾਰਤਿਕ ਆਰਯਨ ਨੇ ਨਾਂ ਮਹਿਜ਼ ਦੂਜਿਆਂ ਦੇ ਰਿਕਾਰਡ ਤੋੜ ਦਿੱਤੇ ਹਨ ਸਗੋਂ ਆਪਣੇ ਹੀ ਰਿਕਾਰਡ ਨੂੰ ਵੀ ਤੋੜ ਦਿੱਤਾ ਹੈ। ਫਿਲਮ ਭੁੱਲ ਭੁਲਾਈਆ 2 ਦੀ ਗੱਲ ਕਰੀਏ ਤਾਂ ਇਸ ਦਾ ਨਿਰਦੇਸ਼ਨ ਅਨੀਸ ਬਜ਼ਮੀ ਨੇ ਕੀਤਾ ਹੈ। ਫਿਲਮ ਵਿੱਚ ਕਿਆਰਾ ਅਡਵਾਨੀ, ਤੱਬੂ ਅਤੇ ਰਾਜਪਾਲ ਯਾਦਵ ਵੀ ਹਨ।
