ਕਰਨ ਜੌਹਰ ਦੀ ਆਉਣ ਵਾਲੀ ਫਿਲਮ ‘ਜੁਗ ਜੁਗ ਜੀਓ’ ਇਨ੍ਹੀਂ ਦਿਨੀਂ ਕਾਫੀ ਚਰਚਾ ‘ਚ ਹੈ। ਫਿਲਮ ਦਾ ਟ੍ਰੇਲਰ ਹਾਲ ਹੀ ‘ਚ ਰਿਲੀਜ਼ ਹੋਇਆ ਹੈ, ਜਿਸ ਨੂੰ ਲੋਕਾਂ ਵੱਲੋਂ ਚੰਗਾ ਹੁੰਗਾਰਾ ਮਿਲ ਰਿਹਾ ਹੈ। ਇਸ ਦੇ ਨਾਲ ਹੀ ਇਨ੍ਹਾਂ ਤਾਰੀਫਾਂ ਵਿਚਾਲੇ ਇਹ ਫਿਲਮ ਵਿਵਾਦਾਂ ‘ਚ ਵੀ ਘਿਰ ਗਈ ਹੈ। ਹਾਲ ਹੀ ‘ਚ ਇਕ ਪਾਕਿਸਤਾਨੀ ਗਾਇਕ ਅਤੇ ਸਿਆਸਤਦਾਨ ਅਬਰਾਰ-ਉਲ-ਹੱਕ ਨੇ ਕਰਨ ਜੌਹਰ ‘ਤੇ ਉਸ ਦਾ ਗੀਤ ਚੋਰੀ ਕਰਨ ਦਾ ਦੋਸ਼ ਲਗਾਇਆ ਹੈ।
ਅਬਰਾਰਾ-ਉਲ-ਹੱਕ ਦਾ ਮਾਮਲਾ ਅਜੇ ਖਤਮ ਨਹੀਂ ਹੋਇਆ ਸੀ ਕਿ ਹੁਣ ਇਕ ਲੇਖਕ ਨੇ ਕਰਨ ਜੌਹਰ ‘ਤੇ ਸਕ੍ਰਿਪਟ ਚੋਰੀ ਕਰਨ ਦਾ ਦੋਸ਼ ਲਗਾਇਆ ਹੈ। ਲੇਖਕ ਦਾ ਕਹਿਣਾ ਹੈ ਕਿ ਇਸ ਸਕ੍ਰਿਪਟ ਨੂੰ ਉਸ ਨੇ ਧਰਮਾ ਮੂਵੀਜ਼ ਨੂੰ ਮੇਲ ਕੀਤੀ, ਜਿਸ ਦਾ ਉੱਥੋਂ ਜਵਾਬ ਆਇਆ, ਪਰ ਹੁਣ ਕਰਨ ਨੇ ਉਸ ਦੀ ਕਹਾਣੀ ਚੋਰੀ ਕਰ ਲਈ ਅਤੇ ਇਸ ਨੂੰ ਅੱਗੇ ਲੈ ਕੇ ਫਿਲਮ ਬਣਾਈ। ਵਿਸ਼ਾਲ ਏ ਸਿੰਘ ਨਾਂ ਦੇ ਟਵਿੱਟਰ ਯੂਜ਼ਰ ਨੇ ਆਪਣੇ ਟਵਿੱਟਰ ਅਕਾਊਂਟ ‘ਤੇ ਸਬੂਤਾਂ ਦੇ ਨਾਲ ਕੁਝ ਟਵੀਟ ਕੀਤੇ ਹਨ।
ਉਹ ਟਵੀਟ ਧਰਮਾ ਮੂਵੀਜ਼ ਨੂੰ ਕੀਤੀ ਇੱਕ ਮੇਲ ਦਿਖਾਉਂਦੇ ਹਨ। ਸਕਰੀਨਸ਼ਾਟ ਸਾਂਝਾ ਕਰਦੇ ਹੋਏ, ਵਿਸ਼ਾਲ ਨੇ ਦਾਅਵਾ ਕੀਤਾ ਹੈ ਕਿ ਉਸਨੇ ਸਾਲ 2020 ਵਿੱਚ ”ਜੁਗ ਜੁਗ ਜੀਓ’ ਦੀ ਸਕ੍ਰਿਪਟ ਰਜਿਸਟਰ ਕੀਤੀ ਸੀ ਅਤੇ ਫਿਲਮ ਨੂੰ ਸਹਿ-ਨਿਰਮਾਣ ਕਰਨ ਲਈ ਧਰਮਾ ਮੂਵੀਜ਼ ਨੂੰ ਮੇਲ ਕੀਤੀ ਸੀ। ਉਸ ਨੇ ਇਸ ਮੇਲ ਦਾ ਜਵਾਬ ਵੀ ਦਿੱਤਾ ਸੀ, ਪਰ ਹੁਣ ਉਸ ਨੇ ਮੇਰੀ ਕਹਾਣੀ ਚੋਰੀ ਕਰਕੇ ‘ਜੁਗ ਜੁਗ ਜੀਓ’ ਬਣਾ ਦਿੱਤੀ ਹੈ। ਇਹ ਸਹੀ ਨਹੀਂ ਹੈ।”
