ਫੇਸਬੁੱਕ ਦੀ ਸੀਓਓ (ਚੀਫ ਆਪਰੇਟਿੰਗ ਅਫਸਰ) ਸ਼ੈਰਿਲ ਸੈਂਡਬਰਗ ਨੇ ਆਪਣੇ ਅਹੁਦੇ ਤੋਂ ਅਸਤੀਫਾ ਦੇ ਦਿੱਤਾ ਹੈ। ਕੰਪਨੀ ਨੇ ਬੁੱਧਵਾਰ ਨੂੰ ਇਸ ਦੀ ਪੁਸ਼ਟੀ ਕੀਤੀ ਹੈ। ਹਾਲਾਂਕਿ ਸ਼ੈਰਲ ਦੇ ਕੰਪਨੀ ਛੱਡਣ ਦੇ ਕਾਰਨ ਦਾ ਅਜੇ ਤੱਕ ਖੁਲਾਸਾ ਨਹੀਂ ਹੋਇਆ ਹੈ।
ਸੈਂਡਬਰਗ ਨੇ ਅਸਤੀਫੇ ਬਾਰੇ ਇੱਕ ਫੇਸਬੁੱਕ ਪੋਸਟ ਵਿੱਚ ਕਿਹਾ ਕਿ ਉਹ ਅੱਗੇ ਜਾ ਕੇ ਸਮਾਜ ਲਈ ਪਰਉਪਕਾਰੀ ਕੰਮ ਕਰਨ ‘ਤੇ ਆਪਣਾ ਪੂਰਾ ਧਿਆਨ ਕੇਂਦਰਿਤ ਕਰਨ ਦੀ ਯੋਜਨਾ ਬਣਾ ਰਹੀ ਹੈ। ਸੈਂਡਬਰਗ ਦਾ ਫੇਸਬੁੱਕ ਨਾਲ ਸਫਰ ਲਗਭਗ 14 ਸਾਲ ਤਕ ਰਿਹਾ।
ਦੱਸ ਦਈਏ ਕਿ ਇਸ ਤੋਂ ਪਹਿਲਾ ਸ਼ੈਰਿਲ ਨੇ ਰਾਸ਼ਟਰਪਤੀ ਬਿਲ ਕਲਿੰਟਨ ਦੇ ਨਾਲ ਕੰਮ ਕਰਦੇ ਹੋਏ ਵਿਸ਼ਵ ਬੈਂਕ ਅਤੇ ਖਜ਼ਾਨਾ ਵਿਭਾਗ ਵਿੱਚ ਸੀਨੀਅਰ ਅਹੁਦਿਆਂ ‘ਤੇ ਵੀ ਕੰਮ ਕੀਤਾ ਸੀ। ਉਹਨਾਂ ਸ਼ੁਰੂਆਤੀ ਸਾਲਾਂ ਵਿੱਚ, Facebook ਨੇ ਉਸਨੂੰ ਇੱਕ ਤਜਰਬੇਕਾਰ ਸੁਪਰਵਾਈਜ਼ਰ ਵਜੋਂ ਦਰਸਾਇਆ ਅਤੇ ਅੱਗੇ ਵਧਾਇਆ। ਰਿਪੋਰਟਾਂ ਦੇ ਮੁਤਾਬਕ ਸੈਂਡਬਰਗ ਨੇ ਜ਼ੁਕਰਬਰਗ ਦੇ ਨਾਲ ਕੰਮ ਕਰਦੇ ਹੋਏ ਫੇਸਬੁੱਕ ਦੇ ਮਾਲੀਏ ‘ਚ ਕਾਫੀ ਵਾਧਾ ਕੀਤਾ ਹੈ। ਸ਼ੈਰਿਲ ਨੇ ਇਸਨੂੰ 2007 ਵਿੱਚ ਲਗਭਗ 15 ਕਰੋੜਅਮਰੀਕੀ ਡਾਲਰ ਦੇ ਪੱਧਰ ਤੋਂ ਵਧਾ ਕੇ ਸਾਲ 2011 ਤੱਕ 3.7 ਅਰਬ ਅਮਰੀਕੀ ਡਾਲਰ ਤੋਂ ਵੱਧ ਕਰਨ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਈ।