ਦੇਸ਼ ਵਿੱਚ ਨਿੱਤ ਦਿਨ ਉੱਠ ਰਹੇ ਮੰਦਿਰ ਮਸਜਿਦ ਦੇ ਮਸਲਿਆਂ ‘ਤੇ ਸੰਘ ਮੁਖੀ ਮੋਹਨ ਭਾਗਵਤ ਦਾ ਇਕ ਬਿਆਨ ਸੁਰਖੀਆਂ ‘ਚ ਆ ਗਿਆ ਹੈ। ਉਨ੍ਹਾਂ ਕਿਹਾ ਹੈ ਕਿ ਹਰ ਮਸਜਿਦ ਵਿੱਚ ਸ਼ਿਵਲਿੰਗ ਲੱਭਣਾ ਠੀਕ ਨਹੀਂ ਹੈ।
ਦੱਸ ਦਈਏ ਕਿ ਸੰਘ ਮੁਖੀ ਮੋਹਨ ਭਾਗਵਤ ਸੰਘ ਸਿੱਖਿਆ ਵਰਗ ਦੇ ਤੀਜੇ ਸਾਲ 2022 ਦੇ ਸਮਾਪਤੀ ਸਮਾਰੋਹ ਦੌਰਾਨ ਨਾਗਪੁਰ ਵਿੱਚ ਸਨ। ਉਨ੍ਹਾਂ ਵੱਲੋਂ ਇੱਥੇ ਦਿੱਤੇ ਭਾਸ਼ਣ ਦੀ ਹਰ ਪਾਸੇ ਚਰਚਾ ਹੋ ਰਹੀ ਹੈ। ਸੰਘ ਮੁਖੀ ਨੇ ਕਿਹਾ, ਇਤਿਹਾਸ ਉਹ ਹੈ ਜਿਸ ਨੂੰ ਅਸੀਂ ਬਦਲ ਨਹੀਂ ਸਕਦੇ। ਇਹ ਨਾ ਤਾਂ ਅੱਜ ਦੇ ਹਿੰਦੂਆਂ ਨੇ ਬਣਵਾਇਆ ਸੀ ਤੇ ਨਾ ਹੀ ਅੱਜ ਦੇ ਮੁਸਲਮਾਨਾਂ ਨੇ, ਉਸ ਸਮੇਂ ਹੋਇਆ ਸੀ..ਕਿਉਂ ਹਰ ਮਸਜਿਦ ਵਿਚ ਸ਼ਿਵਲਿੰਗ ਲੱਭਣਾ ਹੈ? ਇਹ ਸਹੀ ਨਹੀਂ ਹੈ। ਅਸੀਂ ਵਿਵਾਦ ਨੂੰ ਕਿਉਂ ਵਧਾਉਣਾ ਚਾਹੁੰਦੇ ਹਾਂ? ਸਾਨੂੰ ਹਰ ਰੋਜ਼ ਨਵਾਂ ਕੇਸ ਨਹੀਂ ਲਿਆਉਣਾ ਚਾਹੀਦਾ। ਉਨ੍ਹਾਂ ਦੇ ਇਸ ਬਿਆਨ ਦਾ ਕਈ ਪਾਰਟੀਆਂ ਨੇ ਸਵਾਗਤ ਕੀਤਾ ਹੈ ਅਤੇ ਕਈ ਪਾਰਟੀਆਂ ਪੁਰ-ਜ਼ੋਰ ਵਿਰੋਧ ਕਰ ਰਹੀਆ ਹਨ।