ਕਮਲ ਹਾਸਨ ਦੀ ਫਿਲਮ ‘ਵਿਕਰਮ’ ਇਸ ਸ਼ੁੱਕਰਵਾਰ ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋ ਗਈ ਹੈ। ਵਿਕਰਮ ਨੇ ਪਹਿਲੇ ਦਿਨ ਤੋਂ ਹੀ ਬਾਕਸ ਆਫਿਸ ‘ਤੇ ਜਬਰਦਸਤ ਕਮਾਈ ਕੀਤੀ ਹੈ, ਇਸ ਨੇ ਸਿਰਫ ਦੋ ਦਿਨਾਂ ‘ਚ 100 ਕਰੋੜ (ਵਰਲਡ ਵਾਇਡ) ਦਾ ਅੰਕੜਾ ਪਾਰ ਕਰ ਲਿਆ ਹੈ। ਕਲਾਮ ਹਾਸਨ ਦੀ ਇਸ ਐਕਸ਼ਨ ਥ੍ਰਿਲਰ ਫਿਲਮ ਦੇ ਸਾਹਮਣੇ ਅਕਸ਼ੈ ਕੁਮਾਰ ਦੀ ਸਮਰਾਟ ਪ੍ਰਿਥਵੀਰਾਜ ਪਾਣੀ ਭਰਦੀ ਨਜ਼ਰ ਆ ਰਹੀ ਹੈ। ਇਸ ਦੇ ਨਾਲ ਹੀ ਇਸ ਸ਼ੁੱਕਰਵਾਰ ਯਾਨੀ 3 ਜੂਨ ਨੂੰ ਸਮਰਾਟ ਪ੍ਰਿਥਵੀਰਾਜ ਅਤੇ ਵਿਕਰਮ ਦੇ ਨਾਲ ਮੇਜਰ ਨੂੰ ਵੀ ਰਿਲੀਜ਼ ਕੀਤਾ ਗਿਆ ਹੈ। ਬਾਕਸ ਆਫਿਸ ‘ਤੇ ਇਨ੍ਹਾਂ ਫਿਲਮਾਂ ਦਾ ਸਿੱਧਾ ਮੁਕਾਬਲਾ ਹੈ। ਤਾਂ ਆਓ ਤੁਹਾਨੂੰ ਦੱਸਦੇ ਹਾਂ ਕਿ ਸ਼ਨੀਵਾਰ ਨੂੰ ਕਿਸ ਫਿਲਮ ਨੇ ਬਾਕਸ ਆਫਿਸ ‘ਤੇ ਕਿੰਨੀ ਕਮਾਈ ਕੀਤੀ ਹੈ। ਕਮਲ ਹਾਸਨ ਨੇ ਫਿਲਮਸਾਜ਼ ਲੋਕੇਸ਼ ਕਾਨਾਗਰਾਜ ਦੀ ਐਕਸ਼ਨ ਥ੍ਰਿਲਰ ਫਿਲਮ ‘ਚ ਵੱਡੇ ਪਰਦੇ ‘ਤੇ ਜ਼ਬਰਦਸਤ ਵਾਪਸੀ ਕੀਤੀ ਹੈ।
ਸ਼ੁੱਕਰਵਾਰ ਦੀ ਬਾਕਸ ਆਫਿਸ ਰਿਪੋਰਟ ਮੁਤਾਬਕ ਫਿਲਮ ਨੇ ਪਹਿਲੇ ਦਿਨ ਦੇਸ਼ ਭਰ ‘ਚ 34 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ। ਦੂਜੇ ਦਿਨ ਵੀ ਫਿਲਮ ਨੇ ਧਮਾਕੇਦਾਰ ਕਮਾਈ ਨਾਲ ਦੁਨੀਆ ਭਰ ਦੀਆਂ ਸਾਰੀਆਂ ਭਾਸ਼ਾਵਾਂ ‘ਚ 100 ਕਰੋੜ ਦਾ ਅੰਕੜਾ ਪਾਰ ਕਰ ਲਿਆ ਹੈ। ਜਿੰਨੀ ਤੇਜ਼ੀ ਨਾਲ ਇਸ ਫਿਲਮ ਨੇ ਆਪਣੀ ਕਮਾਈ ਵਧਾਈ ਹੈ, ਆਉਣ ਵਾਲੇ ਦਿਨਾਂ ‘ਚ ਇਹ ‘KGF ਚੈਪਟਰ 2’ ਦੇ ਕਰੀਬ ਪਹੁੰਚ ਜਾਵੇਗੀ। 26/11 ਦੇ ਮੁੰਬਈ ਹਮਲਿਆਂ ‘ਚ ਸ਼ਹੀਦ ਹੋਏ ਮੇਜਰ ਸੰਦੀਪ ਉਨੀਕ੍ਰਿਸ਼ਨਨ ਦੇ ਜੀਵਨ ‘ਤੇ ਆਧਾਰਿਤ ਫਿਲਮ ‘ਮੇਜਰ’ ਸਿਨੇਮਾਘਰਾਂ ‘ਚ ਪਹਿਲੇ ਦਿਨ ਸੁਸਤ ਰਹੀ। ਫਿਲਮ ਨੇ ਸਿਰਫ ਹਿੰਦੀ ਵਿੱਚ 96 ਲੱਖ ਰੁਪਏ ਕਮਾਏ ਸਨ। ਫਿਲਮ ਨੇ ਸਾਰੀਆਂ ਭਾਸ਼ਾਵਾਂ ‘ਚ ਬਾਕਸ ਆਫਿਸ ‘ਤੇ 7 ਕਰੋੜ ਦੀ ਕਮਾਈ ਕੀਤੀ ਸੀ। ਦੂਜੇ ਪਾਸੇ ਜੇਕਰ ਸ਼ਨੀਵਾਰ ਦੇ ਬਾਕਸ ਆਫਿਸ ਕਲੈਕਸ਼ਨ ਦੀ ਗੱਲ ਕਰੀਏ ਤਾਂ ਸ਼ੁਰੂਆਤੀ ਅੰਕੜਿਆਂ ਮੁਤਾਬਕ ਇਸ ਫਿਲਮ ਨੇ 5.50 ਕਰੋੜ ਦੀ ਕਮਾਈ ਕੀਤੀ ਹੈ। ਇਸ ਹਿਸਾਬ ਨਾਲ ਘਰੇਲੂ ਬਾਕਸ ਆਫਿਸ ‘ਤੇ ਇਸ ਫਿਲਮ ਦਾ ਹੁਣ ਤੱਕ ਕੁਲ ਕੁਲੈਕਸ਼ਨ 12.50 ਕਰੋੜ ਰੁਪਏ ਹੋ ਗਿਆ ਹੈ।
