ਬਿਹਾਰ ਦੀ ਰਾਜਨੀਤੀ ਤੋਂ ਵੱਡੀ ਖਬਰ ਆ ਰਹੀ ਹੈ ਜਿਸ ਨਾਲ ਅਸਦੁਦੀਨ ਓਵੈਸੀ ਨੂੰ ਵੱਡਾ ਝਟਕਾ ਲੱਗਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਏਆਈਐਮਆਈਐਮ ਦੇ ਪੰਜ ਵਿੱਚੋਂ ਚਾਰ ਵਿਧਾਇਕ ਰਾਸ਼ਟਰੀ ਜਨਤਾ ਦਲ ਵਿੱਚ ਸ਼ਾਮਲ ਹੋ ਗਏ ਹਨ। ਜਾਣਕਾਰੀ ਮੁਤਾਬਕ ਇਨ੍ਹਾਂ ਚਾਰ ਵਿਧਾਇਕਾਂ ‘ਚ ਸ਼ਾਹਨਵਾਜ਼, ਇਜ਼ਹਾਰ, ਅੰਜਾਰ ਨਿਆਨੀ ਅਤੇ ਸਈਅਦ ਰੁਕੁਦੀਨ ਸ਼ਾਮਲ ਹਨ। ਹੁਣ ਏਆਈਐਮਆਈਐਮ ਕੋਲ ਸਿਰਫ਼ ਇੱਕ ਵਿਧਾਇਕ ਅਤੇ ਪਾਰਟੀ ਦੇ ਸੂਬਾ ਪ੍ਰਧਾਨ ਅਖਤਰੁਲ ਇਮਾਨ ਬਚੇ ਹਨ।
ਦੱਸ ਦਈਏ ਕਿ ਅੱਜ ਬੁੱਧਵਾਰ ਨੂੰ ਰਾਸ਼ਟਰੀ ਜਨਤਾ ਦਲ ਦੇ ਨੇਤਾ ਤੇਜਸਵੀ ਯਾਦਵ ਨੇ ਬਿਹਾਰ ਵਿਧਾਨ ਸਭਾ ਦੇ ਸਪੀਕਰ ਵਿਜੇ ਸਿਨਹਾ ਦੇ ਕਮਰੇ ‘ਚ ਏਆਈਐੱਮਆਈਐੱਮ ਦੇ ਚਾਰ ਵਿਧਾਇਕਾਂ ਨਾਲ ਬੈਠਕ ਕੀਤੀ ਸੀ। ਜ਼ਿਕਰਯੋਗ ਹੈ ਕਿ ਬਿਹਾਰ ਵਿਧਾਨ ਸਭਾ ‘ਚ ਇਸ ਸਮੇਂ ਰਾਸ਼ਟਰੀ ਜਨਤਾ ਦਲ ਦੇ 76 ਵਿਧਾਇਕ ਹਨ ਜਦਕਿ ਭਾਜਪਾ ਦੇ 77 ਵਿਧਾਇਕ ਹਨ। ਇਸ ਦਲ ਬਦਲੀ ਨਾਲ ਰਾਸ਼ਟਰੀ ਜਨਤਾ ਦਲ ਦੇ ਵਿਧਾਨ ਸਭਾ ‘ਚ 80 ਵਿਧਾਇਕ ਹੋਣਗੇ