ਬਾਲੀਵੁੱਡ ਦੇ ਮਸ਼ਹੂਰ ਗਾਇਕ ਮੀਕਾ ਸਿੰਘ ਨੇ ‘ਸਟਾਰ ਭਾਰਤ’ ‘ਤੇ ਪ੍ਰਸਾਰਿਤ ਹੋਣ ਵਾਲੇ ਟੀਵੀ ਰਿਐਲਿਟੀ ਸ਼ੋਅ ‘ਸਵਯੰਵਰ: ਮੀਕਾ ਦੀ ਵੋਟੀ’ ਰਾਹੀਂ ਆਪਣਾ ਜੀਵਨ ਸਾਥੀ ਲੱਭ ਲਿਆ ਹੈ। ਇਸ ਸਵਯੰਵਰ ਦੇ ਜ਼ਰੀਏ, ਉਸਨੇ ਆਪਣੇ ਪੁਰਾਣੇ ਦੋਸਤ ਨੂੰ ਆਪਣੀ ਦੁਲਹਨ ਵਜੋਂ ਚੁਣਿਆ ਹੈ। ਦੱਸ ਦੇਈਏ ਕਿ ਮੀਕਾ ਦੀ ਉਮਰ 45 ਸਾਲ ਹੈ ਅਤੇ ਉਹ ਅਣਵਿਆਹੇ ਹਨ। ਉਨ੍ਹਾਂ ਲਈ ਸਵੈਮਵਰ ਦਾ ਆਯੋਜਨ ਕੀਤਾ ਗਿਆ, ਜਿਸ ਵਿੱਚ 12 ਰਾਜਕੁਮਾਰੀਆਂ (ਮਹਿਲਾ ਪ੍ਰਤੀਯੋਗੀਆਂ) ਨੇ ਭਾਗ ਲਿਆ। ਸ਼ੋਅ ਦੇ ਫਿਨਾਲੇ ਵਿੱਚ ਤਿੰਨ ਲੜਕੀਆਂ ਆਕਾਂਕਸ਼ਾ ਪੁਰੀ, ਪ੍ਰਾਂਤਿਕਾ ਦਾਸ ਅਤੇ ਨੀਤ ਮਾਹਲ ਨੇ ਹਿੱਸਾ ਲਿਆ। ਇੱਥੇ ਮੀਕਾ ਨੂੰ 3 ਫਾਈਨਲਿਸਟਾਂ ਵਿੱਚੋਂ ਇੱਕ ਦੀ ਚੋਣ ਕਰਨੀ ਸੀ। ਮੀਡੀਆ ਰਿਪੋਰਟਾਂ ਮੁਤਾਬਕ ਮੀਕਾ ਨੇ ਆਪਣਾ ਭਵਿੱਖ ਦਾ ਜੀਵਨ ਸਾਥੀ ਚੁਣ ਲਿਆ ਹੈ।
ਮੀਕਾ ਨੇ ਆਪਣੀ ਦੋਸਤ ਅਤੇ ਅਦਾਕਾਰਾ-ਗਾਇਕਾ ਆਕਾਂਕਸ਼ਾ ਪੁਰੀ ਨੂੰ ਆਪਣਾ ਜੀਵਨ ਸਾਥੀ ਚੁਣਿਆ ਹੈ। ਦਰਅਸਲ, ਸ਼ੋਅ ‘ਚ ਆਕਾਂਕਸ਼ਾ ਨੇ ਆਖਿਰਕਾਰ ਮੀਕਾ ਲਈ ਆਪਣੇ ਪਿਆਰ ਦਾ ਇਜ਼ਹਾਰ ਕੀਤਾ ਸੀ, ਜਿਸ ਤੋਂ ਬਾਅਦ ਮੀਕਾ ਨੇ ਵੀ ਉਸ ਨਾਲ ਵਿਆਹ ਕਰਨ ਲਈ ‘ਹਾਂ’ ਕਹਿ ਦਿੱਤਾ ਹੈ। ਜਾਣਕਾਰੀ ਲਈ ਦੱਸ ਦੇਈਏ ਕਿ ਅਕਾਂਕਸ਼ਾ ਸਿੰਗਰ ਮੀਕਾ ਸਿੰਘ ਤੋਂ 12 ਸਾਲ ਛੋਟੀ ਹੈ, ਜਿੱਥੇ ਮੀਕਾ ਦੀ ਉਮਰ 45 ਸਾਲ ਹੈ, ਉਥੇ ਹੀ ਅਕਾਂਕਸ਼ਾ ਪੁਰੀ 33 ਸਾਲ ਦੀ ਹੈ। ਸੂਤਰਾਂ ਮੁਤਾਬਕ ਮੀਕਾ ਨੇ ਆਪਣੀ ਪਸੰਦ ਦਿਖਾਉਣ ਲਈ ਅਕਾਂਕਸ਼ਾ ਦੇ ਗਲੇ ‘ਚ ਮਾਲਾ ਪਾ ਦਿੱਤੀ ਹੈ। ਹਾਲਾਂਕਿ ਉਸ ਨੇ ਸਟੇਜ ‘ਤੇ ਵਿਆਹ ਨਹੀਂ ਕਰਵਾਇਆ ਪਰ ਉਸ ਨੇ ਆਪਣੀ ਸੰਭਾਵੀ ਲਾੜੀ ਦੇ ਪਰਿਵਾਰਕ ਮੈਂਬਰਾਂ ਨਾਲ ਮੁਲਾਕਾਤ ਕੀਤੀ ਹੈ ਅਤੇ ਆਪਣੇ ਮਾਪਿਆਂ ਦਾ ਆਸ਼ੀਰਵਾਦ ਲਿਆ ਹੈ। ਮੀਕਾ ਅਤੇ ਆਕਾਂਕਸ਼ਾ ਇੱਕ ਦੂਜੇ ਨੂੰ 13 ਸਾਲਾਂ ਤੋਂ ਜਾਣਦੇ ਹਨ। ਦੋਵਾਂ ਦੇ ਅਫੇਅਰ ਦੀਆਂ ਖਬਰਾਂ ਨੇ ਵੀ ਕਾਫੀ ਸੁਰਖੀਆਂ ਬਟੋਰੀਆਂ ਹਨ।
