ਰਿਲਾਇੰਸ ਐਫਐਮਸੀਜੀ ਕਾਰੋਬਾਰ ਵਿੱਚ ਪ੍ਰਵੇਸ਼ ਕਰਨ ਵਾਲੀ ਹੈ। ਇਸ ਗੱਲ ਦਾ ਐਲਾਨ ਰਿਲਾਇੰਸ ਰਿਟੇਲ ਦੀ ਡਾਇਰੈਕਟਰ ਈਸ਼ਾ ਅੰਬਾਨੀ ਨੇ ਹਾਲ ਹੀ ‘ਚ ਹੋਈ AGM ‘ਚ ਕੀਤਾ। ਇਸ ਯੋਜਨਾ ਦੇ ਤਹਿਤ ਮੁਕੇਸ਼ ਅੰਬਾਨੀ ਨੇ ਇਸ ਬ੍ਰਾਂਡ ਨੂੰ ਦਿੱਲੀ ਸਥਿਤ ਪਿਓਰ ਡਰਿੰਕ ਗਰੁੱਪ ਨਾਲ ਕਰੀਬ 22 ਕਰੋੜ ਰੁਪਏ ‘ਚ ਖਰੀਦਿਆ ਹੈ।
1977 ਵਿੱਚ ਕੋਕਾ ਕੋਲਾ ਦੇ ਭਾਰਤ ਤੋਂ ਬਾਹਰ ਜਾਣ ਤੋਂ ਬਾਅਦ, ਕੈਂਪਾ ਕੋਲਾ, ਜਿਸ ਨੇ ਇਸਦੀ ਕਮੀ ਨੂੰ ਪੂਰਾ ਕੀਤਾ, ਹੁਣ ਇੱਕ ਵਾਰ ਫਿਰ ਮਾਰਕੀਟ ਵਿੱਚ ਆਉਣ ਲਈ ਤਿਆਰ ਹੈ।
ਕੈਂਪਾ ਕੋਲਾ ਨੂੰ 1970 ਦੇ ਦਹਾਕੇ ਵਿੱਚ ਉਸੇ ਪਿਓਰ ਡ੍ਰਿੰਕਸ ਸਮੂਹ ਦੁਆਰਾ ਲਾਂਚ ਕੀਤਾ ਗਿਆ ਸੀ ਜਿਸਨੇ 1949 ਵਿੱਚ ਕੋਕਾ-ਕੋਲਾ ਨੂੰ ਭਾਰਤੀ ਸਾਫਟ ਡਰਿੰਕ ਮਾਰਕੀਟ ਵਿੱਚ ਪੇਸ਼ ਕੀਤਾ ਸੀ। ਰਿਲਾਇੰਸ ਇਸ ਨੂੰ ਦੀਵਾਲੀ ‘ਤੇ ਲਾਂਚ ਕਰਨ ਦੀ ਤਿਆਰੀ ਕਰ ਰਹੀ ਹੈ।
ਰਿਲਾਇੰਸ ਹੁਣ ਇਸ ਡੀਲ ਨਾਲ ਕੋਲਾ ਬਾਜ਼ਾਰ ‘ਚ ਐਂਟਰੀ ਕਰਨ ਜਾ ਰਹੀ ਹੈ। ਇਸ ਦਾ ਸਿੱਧਾ ਮੁਕਾਬਲਾ ਕੋਕਾ-ਕੋਲਾ ਅਤੇ ਪੈਪਸੀਕੋ ਨਾਲ ਹੋਵੇਗਾ। ਇਹ ਗਾਹਕਾਂ ਲਈ ਫਾਇਦੇਮੰਦ ਹੋ ਸਕਦਾ ਹੈ। ਰਿਲਾਇੰਸ ਕੈਂਪਾ ਕੋਲਾ ਨੂੰ ਤਿੰਨ ਫਲੇਵਰਸ ਲੈਮਨ, ਆਰੇਂਜ ਅਤੇ ਕੋਲਾ ਵਿੱਚ ਲਾਂਚ ਕਰਨ ਦੀ ਤਿਆਰੀ ਕਰ ਰਹੀ ਹੈ।
ਬਾਜ਼ਾਰ ‘ਚ ਕੈਂਪਾ ਕੋਲਾ ਦੇ ਆਉਣ ਤੋਂ ਬਾਅਦ ਕੀਮਤ ਦੀ ਜੰਗ ਸ਼ੁਰੂ ਹੋ ਸਕਦੀ ਹੈ, ਜਿਸ ‘ਚ ਗਾਹਕਾਂ ਨੂੰ ਘੱਟ ਰੇਟ ‘ਤੇ ਕੋਲਡ ਡਰਿੰਕਸ ਖਰੀਦਣ ਦਾ ਮੌਕਾ ਮਿਲ ਸਕਦਾ ਹੈ।
ਪਹਿਲੇ ਪੜਾਅ ਵਿੱਚ, ਰਿਲਾਇੰਸ ਇਸਨੂੰ ਆਪਣੇ ਰਿਟੇਲ ਸਟੋਰਾਂ, ਜਿਓਮਾਰਟ ਅਤੇ ਕਿਰਨਾ ਸਟੋਰਾਂ ਵਿੱਚ ਵੇਚੇਗੀ। ਕੈਂਪਾ ਨੂੰ ਖਰੀਦਣਾ ਰਿਲਾਇੰਸ ਦੀ FMCG ਮਾਰਕੀਟ ‘ਚ ਪ੍ਰਵੇਸ਼ ਕਰਨ ਦੀ ਰਣਨੀਤੀ ਦਾ ਹਿੱਸਾ ਹੈ। ਜਿਸ ਨੂੰ ਕੰਪਨੀ ਇਸ ਸਾਲ ਸ਼ੁਰੂ ਕਰਨ ਜਾ ਰਹੀ ਹੈ।
