Xiaomi MIJIA ਸਮਾਰਟ ਪਿਲੋ(ਸਿਰਹਾਣਾ) ਨੂੰ ਚੀਨ ਵਿੱਚ ਇੱਕ ਕ੍ਰਾਉਂਡਫੰਡਿੰਗ ਮੁਹਿੰਮ ਰਾਹੀਂ ਪੇਸ਼ ਕੀਤਾ ਗਿਆ ਹੈ। ਨਵਾਂ Xiaomi ਸਮਾਰਟ ਪਿਲੋ ਆਪਣੇ ਪੀਜ਼ੋਇਲੈਕਟ੍ਰਿਕ ਸੈਂਸਰ ਰਾਹੀਂ ਦਿਲ ਦੀ ਧੜਕਣ, snoring (ਘਰਾੜੇ), ਸਰੀਰ ਦੀ ਹਰਕਤ ਅਤੇ ਸਾਹ ਲੈਣ ਨੂੰ ਸਹੀ ਢੰਗ ਨਾਲ ਕੈਪਚਰ ਕਰ ਸਕਦਾ ਹੈ। MIJIA ਸਮਾਰਟ ਪਿਲੋ ਲਈ ਭੀੜ ਫੰਡਿੰਗ ਮੁਹਿੰਮ Xiaomi ਮਾਲ ਰਾਹੀਂ 7 ਸਤੰਬਰ ਨੂੰ ਸ਼ੁਰੂ ਹੋ ਗਈ ਹੈ।
Xiaomi MIJIA ਸਮਾਰਟ ਪਿਲੋ ਨੂੰ ਪ੍ਰੀ-ਆਰਡਰ ਲਈ ਉਪਲਬਧ ਕਰਵਾਇਆ ਗਿਆ ਹੈ। ਇਸ ਦੀ ਕੀਮਤ 299 ਯੂਆਨ ਯਾਨੀ ਕਰੀਬ 3,400 ਰੁਪਏ ਹੈ, ਪਰ ਕੈਂਪੇਨ ‘ਚ ਇਸ ਨੂੰ 259 ਯੂਆਨ ਯਾਨੀ ਕਰੀਬ 3,000 ਰੁਪਏ ‘ਚ ਖਰੀਦਿਆ ਜਾ ਸਕਦਾ ਹੈ। ਉਮੀਦ ਹੈ ਕਿ ਕੰਪਨੀ ਜਲਦ ਹੀ ਇਸ ਨੂੰ ਭਾਰਤ ‘ਚ ਵੀ ਪੇਸ਼ ਕਰ ਸਕਦੀ ਹੈ। Xiaomi ਦਾ ਇਹ ਸਮਾਰਟ ਸਿਰਹਾਣਾ ਦੋ ਸਾਈਜ਼ 10 ਸੈਂਟੀਮੀਟਰ ਅਤੇ 12 ਸੈਂਟੀਮੀਟਰ ਵਿੱਚ ਖਰੀਦਿਆ ਜਾ ਸਕਦਾ ਹੈ।
MIJIA ਸਮਾਰਟ ਪਿਲੋ ‘ਚ ਬਲੂਟੁੱਥ ਕੁਨੈਕਟੀਵਿਟੀ ਸਹੂਲਤ ਵੀ ਦਿੱਤੀ ਗਈ ਹੈ, ਜਿਸ ਨੂੰ ਸਮਾਰਟਫੋਨ ਨਾਲ ਆਸਾਨੀ ਨਾਲ ਕਨੈਕਟ ਅਤੇ ਕੰਟਰੋਲ ਕੀਤਾ ਜਾ ਸਕਦਾ ਹੈ। ਸਮਾਰਟ ਪਿਲੋ AAA ਬੈਟਰੀ ਦੁਆਰਾ ਸਮਰਥਤ ਹੈ, ਜੋ ਬੈਟਰੀ ਦੇ ਸਥਾਪਿਤ ਹੋਣ ਤੋਂ ਬਾਅਦ 60 ਦਿਨਾਂ ਲਈ ਵਰਤਿਆ ਜਾ ਸਕਦਾ ਹੈ। MIJIA ਸਮਾਰਟ ਸਿਰਹਾਣਾ ਨੂੰ ਧੋਤਾ(wash) ਵੀ ਜਾ ਸਕਦਾ ਹੈ। ਇਸ ਦੇ ਨਾਲ ਹੀ ਸਿਰਹਾਣੇ ‘ਚ ਐਂਟੀਬੈਕਟੀਰੀਅਲ ਪ੍ਰੋਟੈਕਸ਼ਨ ਵੀ ਮੌਜੂਦ ਹੁੰਦਾ ਹੈ।
