ਭਾਰਤੀ ਸਟਾਰ ਕ੍ਰਿਕਟਰ ਵਿਰਾਟ ਕੋਹਲੀ ਨੇ ਇਕ ਨਵਾਂ ਰਿਕਾਰਡ ਆਪਣੇ ਨਾਂ ਕਰ ਲਿਆ ਹੈ। ਟਵਿਟਰ ‘ਤੇ ਵਿਰਾਟ ਕੋਹਲੀ ਦੇ 5 ਕਰੋੜ ਫਾਲੋਅਰਜ਼ ਹੋ ਗਏ ਹਨ। ਇਸ ਨਾਲ ਉਹ ਸਭ ਤੋਂ ਵੱਧ ਫਾਲੋ ਕੀਤੇ ਜਾਣ ਵਾਲੇ ਕ੍ਰਿਕਟਰ ਬਣ ਗਏ ਹਨ। ਕਿਸੇ ਵੀ ਕ੍ਰਿਕਟਰ ਦੇ ਇੰਨੇ ਫਾਲੋਅਰਸ ਨਹੀਂ ਹਨ। ਕੋਹਲੀ ਨੇ ਇਸ ਮਾਮਲੇ ‘ਚ ਸਚਿਨ ਤੇਂਦੁਲਕਰ ਨੂੰ ਪਹਿਲਾਂ ਹੀ ਪਿੱਛੇ ਛੱਡ ਦਿੱਤਾ ਹੈ। ਸਚਿਨ ਦੇ ਇਸ ਪਲੇਟਫਾਰਮ ‘ਤੇ 3.7 ਕਰੋੜ (37.8 ਮਿਲੀਅਨ) ਫਾਲੋਅਰਜ਼ ਹਨ।
ਦੱਸ ਦਈਏ ਕਿ ਕੋਹਲੀ ਟਵਿੱਟਰ ‘ਤੇ ਦੁਨੀਆ ਦੇ ਚੌਥੇ ਸਭ ਤੋਂ ਵੱਧ ਫਾਲੋ ਕੀਤੇ ਜਾਣ ਵਾਲੇ ਖਿਡਾਰੀ ਹਨ। ਇਸ ਸੂਚੀ ‘ਚ ਕ੍ਰਿਸਟੀਆਨੋ ਰੋਨਾਲਡੋ ਪਹਿਲੇ ਸਥਾਨ ‘ਤੇ ਹਨ। ਉਸ ਨੂੰ 10 ਕਰੋੜ (103.4 ਮਿਲੀਅਨ) ਫਾਲੋਅਰਜ਼ ਹਨ। ਉਸ ਤੋਂ ਬਾਅਦ ਨੇਮਾਰ (5.79 ਕਰੋੜ) ਦਾ ਨੰਬਰ ਆਉਂਦਾ ਹੈ। ਤੀਜੇ ਨੰਬਰ ‘ਤੇ ਬਾਸਕਟਬਾਲ ਖਿਡਾਰੀ ਲੇਬਰੋਨ ਜੇਮਸ (5.22 ਕਰੋੜ) ਹਨ।
ਕੋਹਲੀ ਦੇ ਇੰਸਟਾਗ੍ਰਾਮ ‘ਤੇ 211 ਮਿਲੀਅਨ (21.1 ਕਰੋੜ) ਫਾਲੋਅਰਜ਼ ਹਨ। ਫੇਸਬੁੱਕ ‘ਤੇ ਕੋਹਲੀ ਨੂੰ 49 ਮਿਲੀਅਨ (4.90 ਕਰੋੜ) ਤੋਂ ਜ਼ਿਆਦਾ ਲੋਕ ਫਾਲੋ ਕਰਦੇ ਹਨ। ਇਸ ਤਰ੍ਹਾਂ ਜੇਕਰ ਕੋਹਲੀ ਦੇ ਤਿੰਨੋਂ ਸੋਸ਼ਲ ਮੀਡੀਆ ਪਲੇਟਫਾਰਮ ਟਵਿੱਟਰ, ਇੰਸਟਾਗ੍ਰਾਮ ਅਤੇ ਫੇਸਬੁੱਕ ਦੇ ਕੁੱਲ ਫਾਲੋਅਰਜ਼ ‘ਤੇ ਨਜ਼ਰ ਮਾਰੀਏ ਤਾਂ ਉਨ੍ਹਾਂ ਦੀ ਗਿਣਤੀ 310 ਮਿਲੀਅਨ (31 ਕਰੋੜ) ਬਣਦੀ ਹੈ।
