ਯੂਕਰੇਨ ਦੇ ਰਾਸ਼ਟਰਪਤੀ ਵੋਲਦੋਮੀਰ ਜ਼ੇਲੇਂਸਕੀ ਇੱਕ ਕਾਰ ਹਾਦਸੇ ਵਿੱਚ ਜ਼ਖਮੀ ਹੋ ਗਏ ਹਨ। ਯੂਕਰੇਨ ਦੇ ਅਖਬਾਰ ਮੁਤਾਬਕ ਜ਼ੇਲੇਂਸਕੀ ਨੂੰ ਮਾਮੂਲੀ ਸੱਟਾਂ ਲੱਗੀਆਂ ਹਨ। ਹਾਲਾਂਕਿ ਰਿਪੋਰਟ ‘ਚ ਇਹ ਨਹੀਂ ਦੱਸਿਆ ਗਿਆ ਕਿ ਹਾਦਸਾ ਕਦੋਂ ਹੋਇਆ। ਜ਼ੇਲੇਂਸਕੀ ਦੇ ਬੁਲਾਰੇ ਸੇਰਹੀ ਨਕੀਫੋਰੋਵ ਨੇ ਵੀ ਹਾਦਸੇ ਦੀ ਪੁਸ਼ਟੀ ਕੀਤੀ ਹੈ।
ਉਨ੍ਹਾਂ ਮੁਤਾਬਕ ਜ਼ੇਲੇਂਸਕੀ ਕਾਫਲੇ ਸਮੇਤ ਕਿਤੇ ਜਾ ਰਹੇ ਸਨ ਤਾਂ ਇਕ ਕਾਰ ਬੇਕਾਬੂ ਹੋ ਕੇ ਕਾਫਲੇ ਦੇ ਵਾਹਨਾਂ ਨਾਲ ਟਕਰਾ ਗਈ। ਦੁਰਘਟਨਾ ਤੋਂ ਬਾਅਦ, ਇੱਕ ਡਾਕਟਰ ਨੇ ਜ਼ੇਲੇਨਸਕੀ ਦੀ ਜਾਂਚ ਕੀਤੀ ਅਤੇ ਕਿਹਾ ਕਿ ਉਹ ਗੰਭੀਰ ਰੂਪ ਵਿੱਚ ਜ਼ਖਮੀ ਨਹੀਂ ਹੈ, ਯੂਕਰੇਨੀ ਨਿਊਜ਼ ਪੋਰਟਲ ਦੀਆਂ ਰਿਪੋਰਟਾਂ ਅਨੁਸਾਰ ਡਾਕਟਰਾਂ ਨੇ ਜ਼ੇਲੇਨਸਕੀ ਦੇ ਨਾਲ-ਨਾਲ ਉਸਦੇ ਡਰਾਈਵਰ ਨੂੰ ਡਾਕਟਰੀ ਸਹਾਇਤਾ ਦਿੱਤੀ। ਬੁਲਾਰੇ ਨੇ ਕਿਹਾ ਕਿ ਕਾਨੂੰਨੀ ਏਜੰਸੀਆਂ ਇਸ ਹਾਦਸੇ ਦੀ ਬਾਰੀਕੀ ਨਾਲ ਜਾਂਚ ਕਰਨਗੀਆਂ।
