ਨਵੀਂ ਦਿੱਲੀ: ਸੁਕੇਸ਼ ਚੰਦਰਸ਼ੇਖਰ ਮਨੀ ਲਾਂਡਰਿੰਗ ਦਾ ਮਾਮਲਾ ਵੱਖਰਾ ਰੁਖ਼ ਅਖਤਿਆਰ ਕਰ ਰਿਹਾ ਹੈ। ਮੀਡੀਆ ਰਿਪੋਰਟਾਂ ‘ਚ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਸਿਰਫ ਜੈਕਲੀਨ ਫਰਨਾਂਡੀਜ਼ ਜਾਂ ਨੋਰਾ ਫਤੇਹੀ ਹੀ ਨਹੀਂ ਬਲਕਿ ਚਾਰ ਹੋਰ ਅਭਿਨੇਤਰੀਆਂ ਸੁਕੇਸ਼ ਚੰਦਰਸ਼ੇਖਰ ਨੂੰ ਮਿਲਣ ਲਈ ਜੇਲ ਗਈਆਂ ਸਨ। ਖਬਰਾਂ ਮੁਤਾਬਕ ਇਨ੍ਹਾਂ ਚਾਰਾਂ ਸੁੰਦਰੀਆਂ ‘ਚ ਬਿੱਗ ਬੌਸ ਫੇਮ ਨਿੱਕੀ ਤੰਬੋਲੀ ਦਾ ਨਾਂ ਵੀ ਸ਼ਾਮਲ ਹੈ। ਇੰਨਾ ਹੀ ਨਹੀਂ ਉਸ ਨੇ ਕਈ ਖੁਲਾਸੇ ਵੀ ਕੀਤੇ ਹਨ। ਮੀਡੀਆ ਰਿਪੋਰਟਾਂ ਮੁਤਾਬਕ ਈਡੀ ਨੇ ਦਾਅਵਾ ਕੀਤਾ ਹੈ ਕਿ ਨਾ ਸਿਰਫ਼ ਜੈਕਲੀਨ ਅਤੇ ਨੋਰਾ ਬਲਕਿ ਚਾਰ ਹੋਰ ਅਭਿਨੇਤਰੀਆਂ ਜੇਲ੍ਹ ਵਿੱਚ ਸੁਕੇਸ਼ ਚੰਦਰਸ਼ੇਖਰ ਤੱਕ ਪਹੁੰਚੀਆਂ ਸਨ।
ਉਨ੍ਹਾਂ ਚਾਰ ਅਭਿਨੇਤਰੀਆਂ ਦੇ ਨਾਂ ਹਨ ਨਿੱਕੀ ਤੰਬੋਲੀ, ਚਾਹਤ ਖੰਨਾ, ਸੋਫੀਆ ਸਿੰਘ ਅਤੇ ਆਰੂਸ਼ਾ ਪਾਟਿਲ। ਰਿਪੋਰਟ ‘ਚ ਕਿਹਾ ਗਿਆ ਹੈ ਕਿ ਪਿੰਕੀ ਇਰਾਨੀ ਨੇ ਇਨ੍ਹਾਂ ਚਾਰਾਂ ਦੀ ਮੁਲਾਕਾਤ ਠੱਗ ਸੁਕੇਸ਼ ਚੰਦਰਸ਼ੇਖਰ ਨਾਲ ਹੀ ਕਰਵਾਈ ਸੀ। ਈਡੀ ਦੀ ਚਾਰਜਸ਼ੀਟ ‘ਚ ਖੁਲਾਸਾ ਹੋਇਆ ਹੈ ਕਿ ਸੁਕੇਸ਼ ਦੀ ਸਹਿਯੋਗੀ ਪਿੰਕੀ ਈਰਾਨੀ ਨੇ ਚਾਰ ਅਭਿਨੇਤਰੀਆਂ ਨੂੰ ਸੁਕੇਸ਼ ਦੇ ਵੱਖ-ਵੱਖ ਨਾਂ ਦਿੱਤੇ ਸਨ। ਇੰਨਾ ਹੀ ਨਹੀਂ ਪਿੰਕੀ ਨੇ ਇਨ੍ਹਾਂ ਅਭਿਨੇਤਰੀਆਂ ਨੂੰ ਗੁਚੀ, ਐੱਲ.ਵੀ. ਬੈਗ, ਵਰਸੇਸ ਘੜੀ ਵਰਗੇ ਕਈ ਮਹਿੰਗੇ ਤੋਹਫੇ ਅਤੇ ਪੈਸੇ ਵੀ ਦਿੱਤੇ ਸਨ।ਤਿਹਾੜ ਜੇਲ ‘ਚ ਉਨ੍ਹਾਂ ਨਾਲ ਮੁਲਾਕਾਤ ਦੀ ਗੱਲ ਨੂੰ ਗਲਤ ਦੱਸਿਆ ਗਿਆ ਹੈ। ‘ਬਿੱਗ ਬੌਸ’ ਫੇਮ ਨਿੱਕੀ ਤੰਬੋਲੀ ਨੇ ਆਪਣੇ ਬਿਆਨ ‘ਚ ਖੁਲਾਸਾ ਕੀਤਾ ਹੈ ਕਿ ਪਿੰਕੀ ਇਰਾਨੀ ਨੇ ਉਸ ਨੂੰ ਸੁਕੇਸ਼ ਚੰਦਰਸ਼ੇਖਰ ਦਾ ਨਾਂ ‘ਸ਼ੇਖਰ’ ਕਿਹਾ ਸੀ।
ਉਸਨੇ ਇਹ ਵੀ ਦੱਸਿਆ ਕਿ ਪਿੰਕੀ ਇਰਾਨੀ ਨੇ ਸੁਕੇਸ਼ ਨੂੰ ਇੱਕ ਦੱਖਣ ਭਾਰਤੀ ਫਿਲਮ ਨਿਰਮਾਤਾ ਅਤੇ ਦੋਸਤ ਵਜੋਂ ਪੇਸ਼ ਕੀਤਾ ਸੀ। ਈਡੀ ਨੇ ਚਾਰਜਸ਼ੀਟ ਵਿੱਚ ਦੱਸਿਆ ਹੈ ਕਿ ਤੰਬੋਲੀ ਤਿਹਾੜ ਜੇਲ੍ਹ ਵਿੱਚ ਮੁਲਜ਼ਮ ਸੁਕੇਸ਼ ਚੰਦਰਸ਼ੇਖਰ ਨਾਲ ਦੋ ਵਾਰ ਮੁਲਾਕਾਤ ਕਰ ਚੁੱਕੇ ਹਨ। ਪਹਿਲੀ ਮੁਲਾਕਾਤ ਅਪ੍ਰੈਲ 2018 ਵਿੱਚ ਹੋਈ ਸੀ। ਸੁਕੇਸ਼ ਚੰਦਰਸ਼ੇਖਰ ਨੇ ਇਸ ਮੁਲਾਕਾਤ ਨੂੰ ਕਰਵਾਉਣ ਲਈ ਪਿੰਕੀ ਇਰਾਨੀ ਨੂੰ 10 ਲੱਖ ਰੁਪਏ ਦਿੱਤੇ, ਜਿਸ ਵਿੱਚੋਂ ਪਿੰਕੀ ਇਰਾਨੀ ਨੇ ਨਿੱਕੀ ਨੂੰ ਡੇਢ ਲੱਖ ਰੁਪਏ ਨਕਦ ਦਿੱਤੇ। ਇਸ ਮੁਲਾਕਾਤ ਦੇ ਦੋ-ਤਿੰਨ ਹਫ਼ਤਿਆਂ ਬਾਅਦ ਨਿੱਕੀ ਅਤੇ ਸੁਕੇਸ਼ ਫਿਰ ਮਿਲੇ। ਇਸ ਮੁਲਾਕਾਤ ਦੌਰਾਨ ਅਭਿਨੇਤਰੀ ਨੂੰ 2 ਲੱਖ ਰੁਪਏ ਨਕਦ ਅਤੇ ਗੁਚੀ ਬੈਗ ਦਿੱਤਾ ਗਿਆ।
