ਤਿਉਹਾਰਾਂ ਦਾ ਸੀਜ਼ਨ ਚੱਲ ਰਿਹਾ ਹੈ। ਨਵਰਾਤਰੀ ਅਤੇ ਦੀਵਾਲੀ ਆਉਣ ਵਾਲੇ ਹਨ। ਹਰ ਵੱਡੇ ਅਤੇ ਛੋਟੇ ਬਾਜ਼ਾਰ ਵਿੱਚ ਬੇਸ਼ੁਮਾਰ ਆਫਰ ਦਿਤੇ ਜਾ ਰਹੇ ਹਨ। ਗਾਹਕ ਚੰਗੇ ਸੌਦੇ ਲਈ ਆਨਲਾਈਨ ਸ਼ਾਪਿੰਗ ਵੀ ਕਰ ਰਹੇ ਹਨ। ਹਾਲਾਂਕਿ, ਕੁਝ ਲੋਕਾਂ ਨੂੰ ਕਈ ਵਾਰ ਧੋਖਾ ਮਿਲਦਾ ਹੈ। ਹਾਲ ਹੀ ਵਿੱਚ ਪਰਵਲਪੁਰ, ਨਾਲੰਦਾ ਵਿੱਚ, ਇੱਕ ਵਿਅਕਤੀ ਨੂੰ ਆਨਲਾਈਨ ਵੈਬਸਾਈਟ ਮੀਸ਼ੋ ਤੋਂ ਇੱਕ ਡਰੋਨ ਕੈਮਰੇ ਦੇ ਬਦਲੇ ਇੱਕ ਕਿਲੋ ਆਲੂ ਮਿਲੇ ਹਨ।
ਸੋਸ਼ਲ ਮੀਡੀਆ ਤੇ ਵਾਇਰਲ ਵੀਡੀਓ ਵਿੱਚ, ਇਕ ਗਾਹਕ ਮੀਸ਼ੋ ਡਿਲੀਵਰੀ ਐਗਜ਼ੀਕਿਊਟਿਵ ਨੂੰ ਪਾਰਸਲ ਨੂੰ ਰਿਕਾਰਡ ਕਰਦੇ ਸਮੇਂ ਅਨਬਾਕਸ ਕਰਨ ਲਈ ਕਹਿੰਦਾ ਹੈ। ਜਦੋਂ ਡਿਲੀਵਰੀ ਬੁਆਏ ਨੇ ਪਾਰਸਲ ਖੋਲ੍ਹਿਆ ਤਾਂ ਉਸ ਵਿੱਚ ਡਰੋਨ ਕੈਮਰੇ ਦੀ ਬਜਾਏ 10 ਆਲੂ ਮਿਲੇ। ਇਸ ਦੌਰਾਨ, ਡਿਲੀਵਰੀ ਐਗਜ਼ੀਕਿਊਟਿਵ ਦਾ ਦਾਅਵਾ ਹੈ ਕਿ ਉਸ ਦੀ ਇਸ ਵਿੱਚ ਕੋਈ ਭੂਮਿਕਾ ਨਹੀਂ ਸੀ।
ਵਿਅਕਤੀ ਨੇ ਦੱਸਿਆ ਕਿ ਉਸਨੇ ਡੀਜੇਆਈ ਡਰੋਨ ਕੈਮਰਾ ਮੀਸ਼ੋ ਤੋਂ ਘੱਟ ਕੀਮਤ ‘ਤੇ ਖਰੀਦਿਆ ਸੀ। ਆਰਡਰ ਕੀਤੇ ਡਰੋਨ ਕੈਮਰੇ ਦੀ ਮਾਰਕੀਟ ਕੀਮਤ 84,999 ਰੁਪਏ ਸੀ ਪਰ ਇਹ ਮੀਸ਼ੋ ‘ਤੇ 10,212 ਰੁਪਏ ਵਿੱਚ ਉਪਲਬਧ ਸੀ। ਪਰ ਜਦ ਪਾਰਸਲ ਖੋਲ੍ਹਿਆ ਗਿਆ ਤਾਂ ਉਸ ਵਿਚ ਡਰੋਨ ਕੈਮਰੇ ਦੀ ਬਜਾਏ ਆਲੂ ਸਨ। ਪਰਵਲਪੁਰ ਦੇ ਐਸ.ਐਚ.ਓ ਨੇ ਕਿਹਾ ਕਿ ਦਰਖਾਸਤ ਮਿਲਣ ਤੋਂ ਬਾਅਦ ਇਸ ਮਾਮਲੇ ਵਿੱਚ ਬਣਦੀ ਕਾਰਵਾਈ ਕੀਤੀ ਜਾਵੇਗੀ।
