ਇੰਸਟੈਂਟ ਮੈਸੇਜਿੰਗ ਐਪ ਟੈਲੀਗ੍ਰਾਮ ਦੇ ਸੰਸਥਾਪਕ ਪਾਵੇਲ ਡੁਰੋਵ ਨੇ ਵਟਸਐਪ ਯੂਜ਼ਰਸ ਨੂੰ ਇਕ ਵਾਰ ਫਿਰ ਤੋਂ ਚੇਤਾਵਨੀ ਦਿੱਤੀ ਹੈ। ਪਾਵੇਲ ਨੇ WhatsApp ਉਪਭੋਗਤਾਵਾਂ ਨੂੰ ਮੈਸੇਜਿੰਗ ਐਪ ਤੋਂ ਦੂਰ ਰਹਿਣ ਦੀ ਸਲਾਹ ਦਿੱਤੀ ਹੈ ਅਤੇ ਦਾਅਵਾ ਕੀਤਾ ਹੈ ਕਿ ਹੈਕਰ ਵਟਸਐਪ ਉਪਭੋਗਤਾਵਾਂ ਦੇ ਫੋਨਾਂ ਨੂੰ ਆਸਾਨੀ ਨਾਲ ਹੈਕ ਕਰ ਸਕਦੇ ਹਨ ਅਤੇ ਉਨ੍ਹਾਂ ਦੇ ਡੇਟਾ ਨੂੰ ਵੀ ਐਕਸੈਸ ਕਰ ਸਕਦੇ ਹਨ।
ਟੈਲੀਗ੍ਰਾਮ ਦੇ ਸੰਸਥਾਪਕ ਪਾਵੇਲ ਦੁਰੋਵ ਨੇ ਕਿਹਾ ਕਿ WhatsApp ਨੇ ਖੁਦ ਹੀ ਪਿਛਲੇ ਹਫਤੇ ਆਪਣੇ ਸੁਰੱਖਿਆ ਮੁੱਦੇ ਦਾ ਖੁਲਾਸਾ ਕੀਤਾ ਸੀ। ਦਰਅਸਲ, ਵਟਸਐਪ ਦੀ ਵੀਡੀਓ ਕਾਲ ਵਿੱਚ ਇੱਕ ਖਾਮੀ ਪਾਈ ਗਈ ਸੀ, ਜਿਸ ਕਾਰਨ ਇੱਕ ਅਲਰਟ ਜਾਰੀ ਕੀਤਾ ਗਿਆ ਸੀ ਕਿ ਹੈਕਰ ਵਟਸਐਪ ਵੀਡੀਓ ਕਾਲ ਰਾਹੀਂ ਤੁਹਾਡੇ ਸਮਾਰਟਫੋਨ ਵਿੱਚ ਰਿਮੋਟ ਕੋਡ ਨੂੰ ਸਥਿਰ ਕਰ ਸਕਦੇ ਹਨ। ਇਸ ਬਾਰੇ ਭਾਰਤ ਸਰਕਾਰ ਨੇ ਹੈਕਰਾਂ ਦੇ ਹਮਲੇ ਦੀ ਚਿਤਾਵਨੀ ਵੀ ਜਾਰੀ ਕੀਤੀ ਸੀ। ਦੱਸ ਦੇਈਏ ਕਿ ਟੈਲੀਗ੍ਰਾਮ ਆਪਣੀ ਐਪ ‘ਤੇ ਪ੍ਰਾਈਵੇਸੀ ਫਸਟ ਪਾਲਿਸੀ ਲਈ ਜਾਣਿਆ ਜਾਂਦਾ ਹੈ। ਟੈਲੀਗ੍ਰਾਮ ਦੇ ਦੁਨੀਆ ਭਰ ਵਿੱਚ 700 ਮਿਲੀਅਨ ਤੋਂ ਵੱਧ ਸਰਗਰਮ ਉਪਭੋਗਤਾ ਹਨ।