ਕੇਰਲ ‘ਚ ਦੁਨੀਆ ਦੇ ਇਕਲੌਤੇ ਸ਼ਾਕਾਹਾਰੀ ਮਗਰਮੱਛ ਦੀ ਮੌਤ ਹੋ ਗਈ। 70 ਸਾਲਾਂ ਤੋਂ ਇਹ ਮਗਰਮੱਛ ਕਾਸਰਗੋਡ ਜ਼ਿਲ੍ਹੇ ਦੇ ਸ੍ਰੀ ਅਨੰਤਪਦਮਨਾਭਸਵਾਮੀ ਮੰਦਰ ਦੀ ਝੀਲ ਵਿੱਚ ਰਹਿ ਰਿਹਾ ਸੀ। ਉਹ ਅਨੰਤਪੁਰਾ ਝੀਲ ਵਿੱਚ ਰਹਿ ਕੇ ਮੰਦਰ ਦੀ ਪਹਿਰੇਦਾਰੀ ਕਰਦਾ ਸੀ। ਪੁਜਾਰੀਆਂ ਨੇ ਹਿੰਦੂ ਰੀਤੀ ਰਿਵਾਜ਼ਾਂ ਅਨੁਸਾਰ ਮਗਰਮੱਛ ਦੀ ਅੰਤਿਮ ਯਾਤਰਾ ਕੱਢ ਕੇ ਪਰਿਸਰ ਦੇ ਨੇੜੇ ਹੀ ਦਫ਼ਨਾ ਦਿੱਤਾ।
ਦੱਸ ਦਈਏ ਕਿ ਮਗਰਮੱਛ ਨੂੰ ਪਿਆਰ ਨਾਲ ‘ਬਾਬੀਆ’ ਕਿਹਾ ਜਾਂਦਾ ਸੀ। ਉਹ ਮੰਦਰ ਵਿੱਚ ਚੜ੍ਹਾਏ ਜਾਣ ਵਾਲਾ ਚੌਲ-ਗੁੜ ਦਾ ਪ੍ਰਸ਼ਾਦ ਖਾਂਦਾ ਸੀ। ਬਾਬੀਆ ਸ਼ਨੀਵਾਰ ਤੋਂ ਲਾਪਤਾ ਸੀ। ਐਤਵਾਰ ਰਾਤ ਕਰੀਬ 11.30 ਵਜੇ ਉਸ ਦੀ ਲਾਸ਼ ਝੀਲ ‘ਚ ਤੈਰਦੀ ਮਿਲੀ। ਇਸ ਤੋਂ ਬਾਅਦ ਮੰਦਰ ਪ੍ਰਸ਼ਾਸਨ ਨੇ ਪਸ਼ੂ ਪਾਲਣ ਵਿਭਾਗ ਅਤੇ ਪੁਲਸ ਨੂੰ ਸੂਚਨਾ ਦਿੱਤੀ।
ਪੁਜਾਰੀਆਂ ਦਾ ਦਾਅਵਾ ਹੈ ਕਿ ਮਗਰਮੱਛ ਪੂਰੀ ਤਰ੍ਹਾਂ ਸ਼ਾਕਾਹਾਰੀ ਸੀ ਅਤੇ ਝੀਲ ਵਿੱਚ ਮੱਛੀ ਜਾਂ ਹੋਰ ਜੀਵ ਨਹੀਂ ਖਾਂਦਾ ਸੀ। ਬਾਬੀਆ ਇੱਕ ਗੁਫਾ ਵਿੱਚ ਰਹਿੰਦਾ ਸੀ। ਉਹ ਮੰਦਰ ਦੇ ਦਰਸ਼ਨ ਕਰਨ ਲਈ ਦਿਨ ਵਿੱਚ ਦੋ ਵਾਰ ਗੁਫਾ ਤੋਂ ਬਾਹਰ ਆਉਂਦਾ ਸੀ ਅਤੇ ਥੋੜ੍ਹੀ ਜਿਹੀ ਸੈਰ ਕਰਨ ਤੋਂ ਬਾਅਦ ਅੰਦਰ ਚਲਾ ਜਾਂਦਾ ਸੀ। ਉਨ੍ਹਾਂ ਦੱਸਿਆ ਕਿ ਮਗਰਮੱਛ ਮੰਦਰ ਵਿੱਚ ਚੜ੍ਹਾਏ ਜਾਣ ਵਾਲੇ ਪ੍ਰਸ਼ਾਦ ਨੂੰ ਹੀ ਖਾਂਦਾ ਸੀ। ਉਸਨੂੰ ਪਕਾਏ ਹੋਏ ਚੌਲ ਅਤੇ ਗੁੜ ਬਹੁਤ ਪਸੰਦ ਸਨ। ਬਹੁਤ ਸਾਰੇ ਲੋਕ ਭਗਵਾਨ ਦੇ ਦਰਸ਼ਨਾਂ ਤੋਂ ਇਲਾਵਾ ਬਾਬੀਆ ਦੇ ਦਰਸ਼ਨਾਂ ਲਈ ਵੀ ਆਉਂਦੇ ਸਨ ਅਤੇ ਆਪਣੇ ਹੱਥਾਂ ਨਾਲ ਚੌਲ ਖੁਆਉਂਦੇ ਸਨ। ਲੋਕਾਂ ਦਾ ਦਾਅਵਾ ਹੈ ਕਿ ਮਗਰਮੱਛ ਨੇ ਅੱਜ ਤੱਕ ਕਿਸੇ ਨੂੰ ਨੁਕਸਾਨ ਨਹੀਂ ਪਹੁੰਚਾਇਆ। ਦੱਸ ਦਈਏ ਕਿ ਮਗਰਮੱਛ ਦੇ ਅੰਤਿਮ ਦਰਸ਼ਨ ਲਈ ਕਈ ਰਾਜਨੇਤਾ ਅਤੇ ਸੈਂਕੜੇ ਲੋਕ ਆਏ।