ਗਵਾਲੀਅਰ: ਸ਼ਹਿਰ ‘ਚ ਪੜ੍ਹਾਈ ਕਰਨ ਆਏ ਨੌਜਵਾਨ ਨੂੰ ਔਨਲਾਈਨ ਪੀਜ਼ਾ ਆਰਡਰ ਕਰਨਾ ਕਾਫੀ ਮਹਿੰਗਾ ਪਿਆ। ਆਨਲਾਈਨ ਆਰਡਰ ਕਰਨ ਤੇ ਡੇਢ ਸੌ ਰੁਪਏ ਦਾ ਪੀਜ਼ਾ ਤਾਂ ਨਹੀਂ ਆਇਆ ਸਗੋਂ ਉਸਦੇ ਖਾਤੇ ਚੋ 88 ਹਜ਼ਾਰ ਰੁਪਏ ਜ਼ਰੂਰ ਉੱਡ ਗਏ। ਦਰਅਸਲ ਜਾਣਕਾਰੀ ਮੁਤਾਬਿਕ ਗਵਾਲੀਅਰ ਪੜ੍ਹਨ ਆਏ ਵੰਸ਼ੀਪੁਰਾ ਦੇ ਰਹਿਣ ਵਾਲੇ ਰਾਮਨਾਰਾਇਣ ਸਿੰਘ ਨੇ ਆਪਣੇ ਦੋਸਤ ਸਤੇਂਦਰ ਨੂੰ ਪਾਰਟੀ ਲਈ ਘਰ ਬੁਲਾਇਆ ਅਤੇ ਖਾਣ ਲਈ ਔਨਲਾਈਨ ਪੀਜ਼ਾ ਆਰਡਰ ਕੀਤਾ।
ਪੀਜ਼ਾ ਆਰਡਰ ਕਰਨ ਤੋਂ ਕਾਫੀ ਦੇਰ ਤੱਕ ਨਹੀਂ ਆਇਆ। ਜਦੋਂ ਉਸਨੇ ਮੋਬਾਈਲ ਚੈੱਕ ਕੀਤਾ ਤਾਂ ਪੀਜ਼ਾ ਆਰਡਰ ਨਹੀਂ ਹੋ ਸਕਿਆ ਸੀ ਜਦਕਿ ਖਾਤੇ ‘ਚੋਂ ਪੈਸੇ ਕੱਟ ਲਏ ਗਏ ਸਨ। ਰਾਮਨਾਰਾਇਣ ਨੇ ਆਪਣਾ ਰਿਫੰਡ ਲੈਣ ਲਈ ਗੂਗਲ ਸਰਚ ਵਿੱਚ ਕਸਟਮਰ ਕੇਅਰ ਨੰਬਰ ਲੱਭਿਆ। ਅਤੇ ਉਸ ਨੰਬਰ ‘ਤੇ ਕਾਲ ਕੀਤੀ। ਜਿਸ ਵਿੱਚ ਇੱਕ ਲੜਕੀ ਦਾ ਫੋਨ ਆਇਆ। ਲੜਕੀ ਨੇ ਭਰੋਸਾ ਦਿੱਤਾ ਕਿ ਉਸ ਦੇ ਪੈਸੇ ਕੁਝ ਹੀ ਸਮੇਂ ਵਿੱਚ ਵਾਪਸ ਕਰ ਦਿੱਤੇ ਜਾਣਗੇ। ਇਸ ਤੋਂ ਮੋਬਾਈਲ ‘ਤੇ ਇੱਕ ਲਿੰਕ ਭੇਜਿਆ ਗਿਆ ।
ਇਸ ਤੋਂ ਬਾਅਦ ਰਾਮਨਾਰਾਇਣ ਨੂੰ ਲਿੰਕ ‘ਤੇ ਕਲਿੱਕ ਕਰਨ ਲਈ ਕਿਹਾ ਗਿਆ। ਲਿੰਕ ਤੇ ਕਲਿਕ ਕਰਨ ਤੋਂ ਬਾਅਦ ਰਾਮਨਰਾਇਣ ਦੇ ਖਾਤੇ ‘ਚ ਜਮ੍ਹਾ 88 ਹਜ਼ਾਰ ਰੁਪਏ ਗਾਇਬ ਹੋ ਗਏ। ਰਾਮਨਾਰਾਇਣ ਆਪਣੇ ਖਾਤੇ ‘ਚੋਂ ਇੰਨੀ ਵੱਡੀ ਰਕਮ ਗਾਇਬ ਦੇਖ ਕੇ ਹੈਰਾਨ ਰਹਿ ਗਏ।ਉਸਨੇ ਤੁਰੰਤ ਗਵਾਲੀਅਰ ਪੁਲਿਸ ਨੂੰ ਸੂਚਿਤ ਕੀਤਾ। ਹੁਣ ਕ੍ਰਾਈਮ ਬ੍ਰਾਂਚ ਦਾ ਸਾਈਬਰ ਸੈੱਲ ਠੱਗਾਂ ਦੇ ਨੰਬਰਾਂ ਤੋਂ ਉਨ੍ਹਾਂ ਦੇ ਠਿਕਾਣਿਆਂ ਦਾ ਪਤਾ ਲਗਾਉਣ ‘ਚ ਰੁੱਝਿਆ ਹੋਇਆ ਹੈ।