ਚੰਡੀਗੜ੍ਹ: ਅੱਜ ਸੈਕਟਰ 17 ਵਿਖੇ  ਆਮ ਆਦਮੀ ਪਾਰਟੀ ਦੀ ਸਰਕਾਰ ਵੱਲੋਂ ਕਲ੍ਹ ਦੀ ਕੈਬਨਿਟ ਵਿੱਚ ਜਨਵਰੀ 2004 ਤੋਂ ਭਰਤੀ ਕਰਮਚਾਰੀ ਲਈ ਐਨ.ਪੀ.ਐਸ. ਦੀ ਥਾਂ ,ਪੁਰਾਣੀ ਪੈਨਸ਼ਨ ਬਹਾਲ ਕਰਨ ਅਤੇ ਸਮੁੱਚੇ ਪੈਨਸ਼ਨਰਾਂ ਅਤੇ ਮੁਲਾਜ਼ਮਾਂ ਨੂੰ 6ਪ੍ਰਤੀਸ਼ਤ ਮਹਿੰਗਾਈ ਭੱਤਾ ਦੇਣ ਦੇ ਇਤਿਹਾਸਕ ਫੈਸਲੇ ਨੇ ਸੱਤ ਲੱਖ ਪਰਿਵਾਰਾਂ ਦੇ ਘਰਾਂ ਵਿੱਚ ਖੁਸ਼ੀ ਦੇ ਭੰਗੜੇ ਪੈਣ ਲਾ ਦਿੱਤੇ। ਮੁਲਾਜ਼ਮ ਵਰਗ ਇਸ ਨੂੰ ,ਦੀਵਾਲੀ ਦਾ ਤੋਹਫਾ, ਮੰਨਕੇ ਖੁਸ਼ੀਆਂ ਸਾਂਝੀਆਂ ਕਰ ਰਹੇ ਹਨ। ਇਸੇ ਸਬੰਧ ਵਿੱਚ ਅੱਜ ਸੀ.ਪੀ. ਐਫ ਯੂਨੀਅਨ ਦੇ ਮੁਹਾਲੀ ਜਿਲ੍ਹੇ ਦੀ ਸਮੁੱਚੀ ਕਾਰਜਕਾਰਨੀ ਨੇ  ਸੈਕਟਰ 17 ਵਿੱਚ ਇਕੱਠੇ ਹੋਕੇ ਇੱਕ ਦੂਜੇ ਨਾਲ ਖੁਸ਼ੀਆਂ ਸਾਂਝੀਆਂ ਕੀਤੀਆਂ ਅਤੇ ਆਮ ਆਦਮੀ ਪਾਰਟੀ ਦੇ ਮੁਲਾਜ਼ਮ ਵਿੰਗ ਦੇ ਸੂਬਾ ਸੀਨੀਅਰ ਮੀਤ ਪ੍ਰਧਾਨ ,ਪੈਨਸ਼ਨਰ ਆਗੂ ਦਰਸ਼ਨ ਸਿੰਘ ਪਤਲੀ ਤੇ ਹਰਪਾਲ ਸਿੰਘ ਖਾਲਸਾ ਦਾ ਮੂੰਹ ਮਿੱਠਾ ਕਰਵਾਇਆ ਅਤੇ ਨਿੱਘਾ ਸੁਆਗਤ ਕੀਤਾ।ਇਸ ਮੌਕੇ ਤੇ ਸਾਂਝੇ ਮੁਲਾਜ਼ਮ ਮੰਚ ਦੇ ਚੰਡੀਗੜ੍ਹ ਦੇ ਕਨਵੀਨਰ ਅਤੇ ਉਦਯੋਗ ਵਿਭਾਗ ਦੀ ਮੁਲਾਜ਼ਮ ਯੂਨੀਅਨ ਦੇ ਜਨਰਲ ਸਕੱਤਰ ਰਵਿੰਦਰ ਕੁਮਾਰ ਵਿਸ਼ੇਸ਼ ਤੌਰ ਤੇ ਸ਼ਿਕਰਤ ਕੀਤੀ। ਸ੍ਰੀ ਰੰਜੀਵ ਸ਼ਰਮਾ ਨੇ ਭਗਵੰਤ ਮਾਨ ਸਰਕਾਰ ਅਤੇ ਵਿੱਤ ਮੰਤਰੀ ਹਰਪਾਲ ਸਿੰਘ ਚੀਮਾ ਨੂੰ ਲੰਮੀ ਸੋਚ ਦੇ ਸਿਆਸਤ ਦਾਨ ਗਰਦਾਨਿਆ ਤੇ ਕਿਹਾ ਕਿ ਇਹੋ ਦੀ ਯੋਗ ਅਗਵਾਈ ਵਿੱਚ ਸੂਬਾ ਆਪਣੇ ਪੈਰਾਂ ਸਿਰ ਖੜ੍ਹਾ ਹੋਵੇਗਾ।
ਇਸ ਮੌਕੇ ਤੇ ਪੁਰਾਣੀ ਪੈਨਸ਼ਨ ਬਹਾਲੀ ਯੂਨੀਅਨ ਦੇ ਜਿਲਾ ਪ੍ਰਧਾਨ ਸ਼ਿਵ ਕੁਮਾਰ ਰਾਣਾ,ਜਨਰਲ ਸਕੱਤਰ ਤੇਜਿੰਦਰ ਸਿੰਘ ਸਟੇਟ ਅਵਾਰਡੀ  ਸਟੇਟ ਕਮੇਟੀ ਅਡਜੈਕਟਿਵ ,ਸ਼ਿਵ ਕੁਮਾਰ ਰਾਣਾ,ਜਨਰਲ ਸਕੱਤਰ ਅਮਿਤ ਕਟੋਚ, ਚੇਅਰਮੈਨ ਪ੍ਰਭਦੀਪ ਸਿੰਘ ਪਰਮਿੰਦਰ ਸਿੰਘ ਢਿਲੋ ਸੀਨੀਅਰ ਮੀਤ ਪ੍ਰਧਾਨ ਮੁਹਾਲੀ ਸਤਨਾਮ ਸਿੰਘ ਸੀਨੀਅਰ ਮੀਤ ਪ੍ਰਧਾਨ ਨੇ ਸਾਂਝੇ ਬਿਆਨ ਵਿੱਚ ਕਿਹਾ ਕਿ ਇਹ ਭਗਵੰਤ ਮਾਨ ਸਰਕਾਰ ਦਾ ਇਤਿਹਾਸਕ ਫੈਸਲਾ ਹੈ ,ਇਸ ਦਾ ਲੱਗਭੱਗ ਦੋ ਲੱਖ ਪਰਿਵਾਰਾਂ ਨੂੰ ਲਾਭ ਹੋਵੇਗਾ। ਮੁਲਾਜ਼ਮ ਵਰਗ ਉਮੀਦ ਕਰਦਾ ਹੈ ਜਿਸ ਤਰੀਕੇ ਨਾਲ ਮੁੱਖ ਮੰਤਰੀ ਭਗਵੰਤ ਮਾਨ ਇਨਕਲਾਬੀ ਫੈਸਲੇ ਕਰ ਰਹੇ ਹਨ ਉਸ ਤੋਂ ਜਾਪਦਾ ਕਿ ਪੰਜਾਬ ਦੀ ਕਾਇਆ ਕਲਪ ਹੋ ਜਾਵੇਗਾ, ਸਟੇਟ ਅਵਾਰਡੀ ਅਧਿਆਪਕ ਤਜਿੰਦਰ ਸਿੰਘ ਤੋਕੀ ਤੇ ਅਮਿਤ ਕਟੋਚ ਨੇ ,ਅਗਾਂਹਵਧੂ ਵਿਤ ਤੇ ਯੋਜਨਾ ਮੰਤਰੀ ਦਾ ਵਿਸ਼ੇਸ਼ ਧੰਨਵਾਦ ਕੀਤਾ ਕਿ ਜਿੰਨਾ ਨੇ, ਵਿਰਾਸਤ ਵਿੱਚ ਮਿਲੇ ਖਾਲੀ ਖਜਾਨੇ, ਦੀ ਆਨ ਤੇ ਸ਼ਾਨ ਵਧਾਅ ਦਿੱਤੀ, ਉਹਨਾਂ ਦੀ ਸ਼ੁਹਿਰਦਤਾ ਸਦਕਾ ਖਜਾਨਾ ਹੁਣ ਸੱਚੀਮੁੱਚੀ ਖਜਾਨਾ ਕਹਾਏਗਾ ਨਾ ਕਿ ਭੂਤਕਾਲ ਦੀਆਂ ਸਰਕਾਰਾਂ ਦੇ ਵਿੱਤ ਮੰਤਰੀ ਵਾਂਗ ਪੀਪਾ ਮੰਤਰੀ ਕਹਿਕੇ ਸੂਬੇ ਦੇ ਲੋੜਵੰਧ ਲੋਕ ਪਿੱਟ ਸਿਆਪਾ ਕਰਨਗੇ।