ਯੂਪੀ ਦੀ ਕੈਬਨਿਟ ਸਿੱਖਿਆ ਮੰਤਰੀ ਗੁਲਾਬ ਦੇਵੀ ਨੇ ਬੁੱਧਵਾਰ ਨੂੰ ਕਿਹਾ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਭਗਵਾਨ ਦਾ ਅਵਤਾਰ ਹਨ। ਉਨ੍ਹਾਂ ਨੂੰ ਪ੍ਰਧਾਨ ਮੰਤਰੀ ਦੇ ਅਹੁਦੇ ਤੋਂ ਹਟਾਉਣ ਵਾਲਾ ਕੋਈ ਨਹੀਂ ਹੈ। ਉਹ ਜਿੰਨਾ ਚਿਰ ਚਾਹੁਣ ਪ੍ਰਧਾਨ ਮੰਤਰੀ ਦੇ ਅਹੁਦੇ ‘ਤੇ ਰਹਿ ਸਕਦੇ ਹਨ । ਉਹ ਜਦੋਂ ਚਾਹੇ ਘੰਟੀ ਵਜਾ ਦਿੰਦੇ ਹਨ। ਜਦੋਂ ਚਾਹੇ ਉਹ ਮਜੀਰਾ ਵਜਾਉਂਦੇ ਹਨ। ਦੱਸ ਦੇਈਏ ਕਿ ਮੰਤਰੀ ਗੁਲਾਬ ਦੇਵੀ ਸਰਕਾਰ ਵਿੱਚ ਸੈਕੰਡਰੀ ਸਿੱਖਿਆ ਮੰਤਰੀ ਸੁਤੰਤਰ ਚਾਰਜ ਦੇ ਅਹੁਦੇ ‘ਤੇ ਹਨ।
ਬੁੱਧਵਾਰ ਨੂੰ ਸੰਭਲ ਜ਼ਿਲੇ ਦੇ ਚੰਦੌਸੀ ਵਿਧਾਨ ਸਭਾ ਤੋਂ ਭਾਜਪਾ ਵਿਧਾਇਕ ਅਤੇ ਯੋਗੀ ਸਰਕਾਰ ਦੀ ਸੈਕੰਡਰੀ ਸਿੱਖਿਆ ਰਾਜ ਮੰਤਰੀ ਗੁਲਾਬ ਦੇਵੀ ਮੇਲਾ ਸ਼੍ਰੀ ਗਣੇਸ਼ ਚੌਥ ਦੇ ਮੋਢੀ ਡਾਕਟਰ ਗਿਰੀਰਾਜ ਕਿਸ਼ੋਰ ਦੀ ਮੂਰਤੀ ਦਾ ਉਦਘਾਟਨ ਕਰਨ ਲਈ ਪਹੁੰਚੀ ਸੀ। ਮੰਤਰੀ ਗੁਲਾਬ ਦੇਵੀ ਨੇ ਮੀਡੀਆ ਨਾਲ ਗੱਲਬਾਤ ਕਰਦੇ ਹੋਏ ਪੀਐਮ ਮੋਦੀ ਨੂੰ ਭਗਵਾਨ ਦਾ ਪ੍ਰਤੀਨਿਧੀ ਵੀ ਦੱਸਿਆ।