ਲਾਲ ਸਿੰਘ ਚੱਢਾ ਦੀ ਬਾਕਸ ਆਫਿਸ ਦੀ ਅਸਫਲਤਾ ਤੋਂ ਉਭਰਨ ਤੋਂ ਬਾਅਦ, ਵਾਇਕਾਮ 18 ਸਟੂਡੀਓਜ਼ ਨੇ ਆਪਣੀ ਅਗਲੀ ਫਿਲਮ ਦੀ ਰਿਲੀਜ਼ ਦੀਆਂ ਤਿਆਰੀਆਂ ਸ਼ੁਰੂ ਕਰ ਦਿੱਤੀਆਂ ਹਨ। ਇਹ ਉਹੀ ਫਿਲਮ ਹੈ ਜਿਸ ਦਾ ਐਲਾਨ ਫਿਲਮ ‘ਪਠਾਨ’ ਦੇ ਨਿਰਦੇਸ਼ਕ ਸਿਧਾਰਥ ਆਨੰਦ ਨੇ ਆਪਣੀ ਕੰਪਨੀ ਸ਼ੁਰੂ ਕਰਨ ਸਮੇਂ ਕੀਤਾ ਸੀ। ਫਿਲਮ ‘ਚ ਰਿਤਿਕ ਰੋਸ਼ਨ ਅਤੇ ਦੀਪਿਕਾ ਪਾਦੂਕੋਣ ਸ਼ਾਨਦਾਰ ਏਰੀਅਲ ਐਕਸ਼ਨ ਕਰਦੇ ਨਜ਼ਰ ਆਉਣਗੇ। ਇਹ ਪਹਿਲੀ ਵਾਰ ਹੋਵੇਗਾ ਜਦੋਂ ਰਿਤਿਕ ਰੋਸ਼ਨ ਅਤੇ ਦੀਪਿਕਾ ਪਾਦੁਕੋਣ ਪਰਦੇ ‘ਤੇ ਇਕੱਠੇ ਨਜ਼ਰ ਆਉਣਗੇ। ਫਾਈਟਰ ਫਿਲਮ ਦਾ ਐਲਾਨ ਪਿਛਲੇ ਸਾਲ 2021 ‘ਚ ਰਿਤਿਕ ਰੋਸ਼ਨ ਦੇ ਜਨਮਦਿਨ ‘ਤੇ ਕੀਤਾ ਗਿਆ ਸੀ।
ਜਿਸ ਤੋਂ ਬਾਅਦ ਇਹ ਫਿਲਮ ਪਹਿਲਾਂ 26 ਜਨਵਰੀ 2023 ਨੂੰ ਰਿਲੀਜ਼ ਹੋਣੀ ਸੀ ਪਰ ਇਸ ਤੋਂ ਬਾਅਦ ਇਸ ਦੀ ਰਿਲੀਜ਼ ਡੇਟ ਬਦਲ ਕੇ 28 ਸਤੰਬਰ 2023 ਕਰ ਦਿੱਤੀ ਗਈ। ਹੁਣ ਇਕ ਵਾਰ ਫਿਰ ਇਸ ਦੀ ਨਵੀਂ ਰਿਲੀਜ਼ ਡੇਟ ਜਾਰੀ ਕੀਤੀ ਗਈ ਹੈ, ਜਿਸ ਦੇ ਮੁਤਾਬਕ ਇਹ ਫਿਲਮ ਹੁਣ 2023 ‘ਚ ਰਿਲੀਜ਼ ਨਹੀਂ ਹੋਵੇਗੀ। ਸਿਧਾਰਥ ਆਨੰਦ ਨੇ ਆਪਣੀ ਨਵੀਂ ਕੰਪਨੀ ਮਾਰਫਲਿਕਸ ਪਿਕਚਰਜ਼ ਬਣਾਈ ਹੈ। ਕੰਪਨੀ ਦੀ ਪਹਿਲੀ ਐਕਸ਼ਨ ਫਿਲਮ ‘ਫਾਈਟਰ’ 25 ਜਨਵਰੀ, 2024, ਸ਼ੁੱਕਰਵਾਰ ਨੂੰ ਰਿਲੀਜ਼ ਹੋਣ ਵਾਲੀ ਹੈ। ਫਿਲਮ ‘ਚ ਰਿਤਿਕ ਰੋਸ਼ਨ ਅਤੇ ਦੀਪਿਕਾ ਪਾਦੁਕੋਣ ਦੋਵੇਂ ਭਾਰਤੀ ਹਵਾਈ ਫੌਜ ਦੇ ਪਾਇਲਟ ਦੇ ਰੂਪ ‘ਚ ਨਜ਼ਰ ਆਉਣਗੇ। ਫਿਲਮ ‘ਚ ਅਨਿਲ ਕਪੂਰ ਦੀ ਵੀ ਅਹਿਮ ਭੂਮਿਕਾ ਹੈ। ਫਾਈਟਰ ਨਾਲ ਨਿਰਮਾਤਾ ਬਣੇ ਨਿਰਦੇਸ਼ਕ ਸਿਧਾਰਥ ਆਨੰਦ ਦਾ ਅਕਸ ਮੈਗਾ-ਬਜਟ ਐਕਸ਼ਨ ਫਿਲਮਾਂ ਬਣਾਉਣ ਦਾ ਹੈ। ਉਨ੍ਹਾਂ ਦੀ ਪਿਛਲੀ ਫਿਲਮ ‘ਵਾਰ’ ਨੇ ਵੀ ਬਾਕਸ ਆਫਿਸ ‘ਤੇ ਸ਼ਾਨਦਾਰ ਕਮਾਈ ਕੀਤੀ ਸੀ।
