ਭਾਰਤ ‘ਚ ਕੈਬ ਰਾਹੀਂ ਕੰਪਨੀ ਸ਼ੁਰੂ ਕਰਨ ਵਾਲੀ ਓਲਾ ਕੈਬਸ ਨੇ ਇਕ ਵੱਡਾ ਫੈਸਲਾ ਲਿਆ ਹੈ, ਜਿਸ ਨਾਲ ਕੈਬ ‘ਚ ਸਫਰ ਕਰਨ ਵਾਲੇ ਯਾਤਰੀ ਨਿਰਾਸ਼ ਹੋ ਸਕਦੇ ਹਨ। ਮੀਡੀਆ ਰਿਪੋਰਟਾਂ ਮੁਤਾਬਕ ਕੰਪਨੀ ਵੱਲੋਂ ਜਲਦ ਹੀ ਕੁਝ ਪ੍ਰੀਮੀਅਮ ਸੇਵਾਵਾਂ ਨੂੰ ਬੰਦ ਕੀਤਾ ਜਾ ਸਕਦਾ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ ਕੰਪਨੀ ਵੱਲੋਂ ਕੈਬ ‘ਚ ਸਫਰ ਕਰਨ ਵਾਲਿਆ ਲਈ ਦਿੱਤੀਆਂ ਗਈਆਂ ਕਈ ਸੁਵਿਧਾਵਾਂ ਨੂੰ ਬੰਦ ਕੀਤਾ ਜਾ ਸਕਦਾ ਹੈ। ਇਨ੍ਹਾਂ ਵਿੱਚ ਮੁਫਤ ਵਾਈ-ਫਾਈ, ਇਨ-ਕੈਬ ਮਨੋਰੰਜਨ, ਰੇਡੀਓ ਸ਼ੋਅ ਵਰਗੀਆਂ ਸਹੂਲਤਾਂ ਸ਼ਾਮਲ ਹਨ। ਦਰਅਸਲ, ਕੰਪਨੀ ਓਲਾ ਪਲੇ ਨੂੰ ਹਟਾ ਰਹੀ ਹੈ, ਜੋ ਇਹ ਵਿਸ਼ੇਸ਼ਤਾਵਾਂ ਪ੍ਰਦਾਨ ਕਰਦਾ ਹੈ।
ਕੰਪਨੀ 15 ਨਵੰਬਰ ਤੋਂ ਆਪਣੀਆਂ ਸਾਰੀਆਂ ਕੈਬਸ ‘ਚ ਇਹ ਸਹੂਲਤ ਬੰਦ ਕਰ ਸਕਦੀ ਹੈ। ਫਿਲਹਾਲ ਪ੍ਰਾਈਮ ਯੂਜ਼ਰਸ ਨੂੰ 15 ਨਵੰਬਰ ਤੱਕ ਹੀ ਕੰਪਨੀ ਦੀ ਕੈਬ ‘ਚ ਸਫਰ ਕਰਨ ‘ਤੇ ਇਸ ਸੁਵਿਧਾ ਦਾ ਫਾਇਦਾ ਦਿੱਤਾ ਜਾਵੇਗਾ। ਇਹ ਸਹੂਲਤ ਕੰਪਨੀ ਵੱਲੋਂ ਦੇਸ਼ ਦੇ ਸਿਰਫ਼ ਚੋਣਵੇਂ ਸ਼ਹਿਰਾਂ ਵਿੱਚ ਉਪਲਬਧ ਕਰਵਾਈ ਗਈ ਸੀ, ਜਿਸ ਵਿੱਚ ਦਿੱਲੀ, ਮੁੰਬਈ ਅਤੇ ਬੈਂਗਲੁਰੂ ਵਰਗੇ ਸ਼ਹਿਰ ਸ਼ਾਮਲ ਸਨ।