ਪੰਜਾਬ ਅਤੇ ਹਰਿਆਣਾ ਹਾਈ ਕੋਰਟ ਦੇ ਜੱਜ, ਜਸਟਿਸ ਅਨੁਪਿੰਦਰ ਸਿੰਘ ਗਰੇਵਾਲ ਨੇ ਜਮਸ਼ੇਦਪੁਰ ਵਿੱਚ ਹੋਏ AWS ਵਿੰਟਰ ਗੋਲਫ ਟੂਰਨਾਮੈਂਟ ਵਿੱਚ ਟਰਾਫੀ ਜਿੱਤੀ। ਉਨ੍ਹਾਂ ਨੇ 75 (3 ਓਵਰਾਂ ‘ਤੇ) ਦਾ ਸ਼ਾਨਦਾਰ ਰਾਊਂਡ ਖੇਡਿਆ। ਇਹ ਟੂਰਨਾਮੈਂਟ ਜਮਸ਼ੇਦਪੁਰ ਦੇ ਗੋਲਮੂਰੀ ਗੋਲਫ ਕਲੱਬ ਵਿੱਚ ਖੇਡਿਆ ਗਿਆ।ਦੱਸ ਦੇਈਏ ਕਿ AWS ਗੋਲਫ ਟੂਰਨਾਮੈਂਟ ਇੱਕ ਸਾਲਾਨਾ ਟੂਰਨਾਮੈਂਟ ਹੈ ਅਤੇ ਕੋਰੋਨਾ ਮਹਾਂਮਾਰੀ ਦੇ ਕਾਰਨ 2 ਸਾਲ ਬਾਅਦ ਆਯੋਜਿਤ ਕੀਤਾ ਗਿਆ ਹੈ। ਇਸ ਵਿੱਚ ਦੇਸ਼ ਭਰ ਦੇ ਗੋਲਫਰ ਹਿੱਸਾ ਲੈਂਦੇ ਹਨ।
ਦੱਸ ਦਈਏ ਕਿ ਮਾਰਚ, 1964 ਵਿੱਚ ਜਨਮੇ ਜਸਟਿਸ ਗਰੇਵਾਲ ਲੁਧਿਆਣਾ ਦੇ ਇੱਕ ਕਿਸਾਨ ਪਰਿਵਾਰ ਨਾਲ ਸਬੰਧਤ ਹਨ। ਉਨ੍ਹਾਂ ਦੇ ਪਿਤਾ ਪੰਜਾਬ ਸਰਕਾਰ ਵਿੱਚ ਲੋਕ ਨਿਰਮਾਣ ਵਿਭਾਗ ਵਿੱਚ ਚੀਫ਼ ਇੰਜੀਨੀਅਰ ਦੇ ਅਹੁਦੇ ਤੋਂ ਸੇਵਾਮੁਕਤ ਹਨ। ਜਸਟਿਸ ਗਰੇਵਾਲ ਨੇ ਸੇਨਜ਼ ਜੌਨ ਸਕੂਲ, ਚੰਡੀਗੜ੍ਹ ਅਤੇ ਯਾਦਵਿੰਦਰਾ ਪਬਲਿਕ ਸਕੂਲ, ਪਟਿਆਲਾ ਤੋਂ ਪੜ੍ਹਾਈ ਕੀਤੀ। ਉਨ੍ਹਾਂ ਸੇਂਟ ਸਟੀਫਨ ਕਾਲਜ, ਦਿੱਲੀ ਤੋਂ ਐਮ.ਏ (ਇਤਿਹਾਸ) ਕੀਤੀ। 1992 ਵਿੱਚ ਦਿੱਲੀ ਯੂਨੀਵਰਸਿਟੀ ਤੋਂ ਐਲ.ਐਲ.ਬੀ. ਕੀਤੀ। ਉਹ ਅਕਤੂਬਰ 2016 ਤੋਂ ਪੰਜਾਬ ਅਤੇ ਹਰਿਆਣਾ ਹਾਈ ਕੋਰਟ ਵਿੱਚ ਜੱਜ ਹਨ।