ਪ੍ਰਮੁੱਖ ਯੂਨੀਫਾਈਡ ਪੇਮੈਂਟਸ ਇੰਟਰਫੇਸ (UPI) ਐਪ ਗੂਗਲ ਪੇ ਟਵਿੱਟਰ ‘ਤੇ ਭਾਰੀ ਆਲੋਚਨਾ ਦਾ ਸਾਹਮਣਾ ਕਰ ਰਹੀ ਹੈ। ਯੂਜ਼ਰਸ ਟਵਿਟਰ ‘ਤੇ #GPay ਨਾਲ ਟਵੀਟ ਕਰ ਰਹੇ ਹਨ। ਯੂਜ਼ਰਸ ਦਾ ਕਹਿਣਾ ਹੈ ਕਿ ਗੂਗਲ ਪੇਅ ਹੁਣ ਪੂਰੀ ਤਰ੍ਹਾਂ ਬੇਕਾਰ ਹੈ।
ਦਰਅਸਲ, ਗੂਗਲ ਪੇ ਆਪਣੇ ਸ਼ੁਰੂਆਤੀ ਦਿਨਾਂ ‘ਚ ਆਨਲਾਈਨ UPI ਪੇਮੈਂਟ ਲਈ ਯੂਜ਼ਰਸ ਨੂੰ ਕੈਸ਼ਬੈਕ ਦਿੰਦਾ ਸੀ, ਪਰ ਹੁਣ ਰਿਵਾਰਡ ਦੇ ਰੂਪ ‘ਚ ਵੱਖ-ਵੱਖ ਡੀਲਾਂ ‘ਤੇ ਛੋਟ ਮਿਲਦੀ ਹੈ। ਜਿਸ ਨੂੰ ਲੈ ਕੇ ਯੂਜ਼ਰਸ ਨਾਰਾਜ਼ ਹਨ। ਯੂਜ਼ਰਸ ਦਾ ਕਹਿਣਾ ਹੈ ਕਿ ਪਹਿਲਾਂ ਕੈਸ਼ਬੈਕ ਸਿਰਫ ਇਕ ਜਾਂ ਦੋ ਸਕ੍ਰੈਚ ਕਾਰਡਾਂ ‘ਚ ਹੀ ਮਿਲਦਾ ਸੀ ਪਰ ਹੁਣ 10-20 ਸਕ੍ਰੈਚ ‘ਤੇ ਵੀ ਯੂਜ਼ਰਸ ਨੂੰ ਸਿਰਫ ਡੀਲ ‘ਤੇ ਹੀ ਆਫਰ ਦਿੱਤਾ ਜਾ ਰਿਹਾ ਹੈ। ਉਪਭੋਗਤਾ ਟਵਿੱਟਰ ‘ਤੇ ਪੁਰਾਣੇ ਕੈਸ਼ਬੈਕ ਸਕ੍ਰੈਚ ਕਾਰਡਾਂ ਦੀ ਅਤੇ ਹੁਣ ਡੀਲ ਵਾਲੇ ਸਕ੍ਰੈਚ ਕਾਰਡਾਂ ਦੀ ਤੁਲਨਾ ਕਰਦੇ ਹੋਏ ਸਕ੍ਰੀਨਸ਼ਾਟ ਵੀ ਸਾਂਝਾ ਕਰ ਰਹੇ ਹਨ।