ਜੇਕਰ ਤੁਸੀਂ ਸਸਤੀ ਇਲੈਕਟ੍ਰਿਕ ਕਾਰ ਦੀ ਉਡੀਕ ਕਰ ਰਹੇ ਹੋ ਤਾਂ ਤੁਹਾਡੇ ਲਈ ਖੁਸ਼ਖਬਰੀ ਹੈ। ਮੁੰਬਈ-ਅਧਾਰਤ ਇਲੈਕਟ੍ਰਿਕ ਵਾਹਨ ਨਿਰਮਾਤਾ PMV ਇਲੈਕਟ੍ਰਿਕ ਆਪਣੀ ਪਹਿਲੀ ਇਲੈਕਟ੍ਰਿਕ ਕਾਰ EaS-E ਨੂੰ ਕੱਲ ਯਾਨੀ 16 ਨਵੰਬਰ ਨੂੰ ਲਾਂਚ ਕਰੇਗੀ। ਇਹ ਈ-ਕਾਰ ਮਾਈਕ੍ਰੋ ਸ਼੍ਰੇਣੀ ਦੀ ਹੋਵੇਗੀ। ਮੀਡੀਆ ਰਿਪੋਰਟਾਂ ਮੁਤਾਬਕ ਇਸ ਇਲੈਕਟ੍ਰਿਕ ਕਾਰ ਦੀ ਕੀਮਤ ਕਰੀਬ 4 ਲੱਖ ਰੁਪਏ ਹੋ ਸਕਦੀ ਹੈ। ਜੇਕਰ ਅਜਿਹਾ ਹੁੰਦਾ ਹੈ ਤਾਂ ਇਹ ਦੇਸ਼ ਦੀ ਸਭ ਤੋਂ ਸਸਤੀ ਇਲੈਕਟ੍ਰਿਕ ਕਾਰ ਹੋਵੇਗੀ।
ਇਸ ਕਾਰ ‘ਚ 10 Kwh ਸਮਰੱਥਾ ਦੀ ਲਿਥੀਅਮ ਫਾਸਫੇਟ ਬੈਟਰੀ ਦੀ ਵਰਤੋਂ ਕੀਤੀ ਗਈ ਹੈ, ਜੋ ਲਗਭਗ 20hp ਦੀ ਪਾਵਰ ਜਨਰੇਟ ਕਰਨ ‘ਚ ਸਮਰੱਥ ਹੈ। ਇਸ ਕਾਰ ਦੀ ਬੈਟਰੀ ਨੂੰ ਪੂਰੀ ਤਰ੍ਹਾਂ ਚਾਰਜ ਹੋਣ ‘ਚ ਕਰੀਬ 4 ਘੰਟੇ ਦਾ ਸਮਾਂ ਲੱਗੇਗਾ ਅਤੇ ਇਹ ਕਾਰ ਸਿੰਗਲ ਚਾਰਜ ‘ਚ 160 ਕਿਲੋਮੀਟਰ ਤੱਕ ਦੀ ਡਰਾਈਵਿੰਗ ਰੇਂਜ ਦੇਵੇਗੀ।
ਇਸ ਕਾਰ ‘ਚ ਰੀਜਨਰੇਟਿਵ ਬ੍ਰੇਕਿੰਗ, ਰਿਮੋਟ ਪਾਰਕਿੰਗ ਅਸਿਸਟ, OTA ਅਪਡੇਟ, ਸਮਾਰਟਫੋਨ ਕਨੈਕਟੀਵਿਟੀ ਵਰਗੇ ਫੀਚਰਸ ਮੌਜੂਦ ਹਨ। ਇਸ ਕਾਰ ਨੂੰ ਆਪਣੇ ਸਮਾਰਟਫ਼ੋਨ ਨਾਲ ਕਨੈਕਟ ਕਰਕੇ, ਤੁਸੀਂ ਰਿਮੋਟ ਰਾਹੀਂ ਕਾਰ ਦੀ ਏਅਰ ਕੰਡੀਸ਼ਨ (AC), ਹਾਰਨ, ਵਿੰਡੋਜ਼ ਅਤੇ ਲਾਈਟਾਂ ਨੂੰ ਕੰਟਰੋਲ ਕਰ ਸਕੋਗੇ।
ਇਸ ਦੇ 4 ਦਰਵਾਜ਼ੇ ਹਨ। ਹਾਲਾਂਕਿ, ਇਸਦੇ ਸਾਹਮਣੇ ਸਿਰਫ ਇੱਕ ਸੀਟ ਹੋਵੇਗੀ ਅਤੇ ਪਿੱਛੇ ਇੱਕ ਸੀਟ ਹੋਵੇਗੀ। ਯਾਨੀ ਇਸ ਕਾਰ ‘ਚ ਸਿਰਫ ਦੋ ਲੋਕ ਇਕੱਠੇ ਸਫਰ ਕਰ ਸਕਣਗੇ। ਇਸ ਕਾਰ ਦਾ ਵ੍ਹੀਲਬੇਸ 2,087 mm ਅਤੇ ਗਰਾਊਂਡ ਕਲੀਅਰੈਂਸ 170 mm ਹੋਵੇਗਾ।
ਕੰਪਨੀ ਨੇ ਅਧਿਕਾਰਤ ਤੌਰ ‘ਤੇ ਇਸ ਛੋਟੀ ਕਾਰ ਦੀ ਪ੍ਰੀ-ਬੁਕਿੰਗ ਵੀ ਸ਼ੁਰੂ ਕਰ ਦਿੱਤੀ ਹੈ, ਜਿਸ ਨੂੰ ਗਾਹਕ ਸਿਰਫ 2,000 ਰੁਪਏ ‘ਚ ਕੰਪਨੀ ਦੀ ਅਧਿਕਾਰਤ ਵੈੱਬਸਾਈਟ ਰਾਹੀਂ ਬੁੱਕ ਕਰਵਾ ਸਕਦੇ ਹਨ।