ਟੋਇਟਾ ਨੇ ਆਪਣੀ ਨਵੀਂ ਇਨੋਵਾ ਕਾਰ ਪੇਸ਼ ਕੀਤੀ ਹੈ। ਇਸ ਨੂੰ ਇੰਡੋਨੇਸ਼ੀਆ ਵਿੱਚ ਇਨੋਵਾ ਜ਼ੈਨਿਕਸ ਦਾ ਨਾਮ ਦਿੱਤਾ ਗਿਆ ਹੈ,ਜਦੋਂ ਕਿ ਭਾਰਤ ਵਿੱਚ ਇਸਨੂੰ ਇਨੋਵਾ ਹਾਈਕ੍ਰਾਸ ਨਾਮ ਦਿੱਤਾ ਜਾਵੇਗਾ। ਟੋਇਟਾ ਇਨੋਵਾ ਹਾਈਕ੍ਰਾਸ ਭਾਰਤ ਵਿੱਚ ਵਿਕਣ ਵਾਲੀ ਇਨੋਵਾ ਨਾਲੋਂ ਆਕਾਰ ਵਿੱਚ ਵੱਡੀ ਅਤੇ ਬੋਲਡ ਹੈ। ਇਸ ਨੂੰ ਭਾਰਤ ‘ਚ 25 ਨਵੰਬਰ ਨੂੰ ਪੇਸ਼ ਕੀਤਾ ਜਾਵੇਗਾ। ਫਿਲਹਾਲ ਇਸ ਨੂੰ ਇੰਡੋਨੇਸ਼ੀਆ ਲਿਆਂਦਾ ਗਿਆ ਹੈ।
ਡਿਜ਼ਾਈਨ ਦੀ ਗੱਲ ਕਰੀਏ ਤਾਂ ਇਹ MPV ਦੀ ਬਜਾਏ SUV ਵਰਗੀ ਲੱਗਦੀ ਹੈ। ਇਸ ‘ਚ 2.0-ਲੀਟਰ ਪੈਟਰੋਲ ਇੰਜਣ ਦਿੱਤਾ ਗਿਆ ਹੈ, ਜਿਸ ਦੇ ਨਾਲ ਕੰਪਨੀ ਦੀ 5ਵੀਂ ਜਨਰੇਸ਼ਨ ਹਾਈਬ੍ਰਿਡ ਤਕਨੀਕ ਦੀ ਵਰਤੋਂ ਕੀਤੀ ਗਈ ਹੈ। ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਕਿ ਇਹ ਕਾਰ 20 ਤੋਂ 23Kmpl ਦੀ ਮਾਈਲੇਜ ਦੇਵੇਗੀ। ਦੋਵੇਂ ਪੈਟਰੋਲ ਅਤੇ ਹਾਈਬ੍ਰਿਡ ਇੰਜਣ ਇੱਕ CVT ਟ੍ਰਾਂਸਮਿਸ਼ਨ ਯੂਨਿਟ ਨਾਲ ਜੁੜੇ ਹੋਏ ਹਨ।
ਟੋਇਟਾ ਇਨੋਵਾ MPV ਨੂੰ ਪਹਿਲੀ ਵਾਰ ਪੈਨੋਰਾਮਿਕ ਸਨਰੂਫ ਅਤੇ ADAS ਸਿਸਟਮ ਨਾਲ ਪੇਸ਼ ਕੀਤਾ ਜਾ ਰਿਹਾ ਹੈ। ਇਸ ਵਿੱਚ ਡਿਊਲ-ਟੋਨ ਇੰਟੀਰੀਅਰ ਥੀਮ, ਅਡਜਸਟ ਹੋਣ ਵਾਲੇ ਫੁੱਟਰੈਸਟ ਦੇ ਨਾਲ ਇਲੈਕਟ੍ਰਿਕਲੀ ਐਡਜਸਟੇਬਲ ਵੱਡੀ ਸੋਫਾ ਸੀਟਾਂ, ਐਲਈਡੀ ਲਾਈਟਿੰਗ, ਡਿਊਲ-ਜ਼ੋਨ ਕਲਾਈਮੇਟ ਕੰਟਰੋਲ, ਪੈਡਲ ਸ਼ਿਫਟਰਸ, ਕੂਲਡ ਸੀਟਾਂ, ਕਨੈਕਟਡ ਕਾਰ ਟੈਕ, 10-ਇੰਚ ਸਕਰੀਨਾਂ ਵਰਗੀਆਂ ਵਿਸ਼ੇਸ਼ਤਾਵਾਂ ਮਿਲਦੀਆਂ ਹਨ।