ਹਿਮਾਚਲ ਦੇ ਪਹਾੜਾਂ ‘ਤੇ ਪਿਛਲੇ ਹਫਤੇ ਹੋਈ ਬਰਫਬਾਰੀ ਦਾ ਅਸਰ ਹੁਣ ਮੈਦਾਨੀ ਇਲਾਕਿਆਂ ‘ਤੇ ਦਿਖਾਈ ਦੇ ਰਿਹਾ ਹੈ। ਗੁਆਂਢੀ ਸੂਬੇ ਪੰਜਾਬ, ਹਰਿਆਣਾ, ਚੰਡੀਗੜ੍ਹ ਅਤੇ ਦਿੱਲੀ ਦੇ ਜ਼ਿਆਦਾਤਰ ਸ਼ਹਿਰਾਂ ਵਿੱਚ ਘੱਟੋ-ਘੱਟ ਤਾਪਮਾਨ 10 ਡਿਗਰੀ ਸੈਲਸੀਅਸ ਤੋਂ ਹੇਠਾਂ ਚਲਾ ਗਿਆ।
ਦੂਜੇ ਪਾਸੇ ਹਿਮਾਚਲ ‘ਚ ਇਨ੍ਹੀਂ ਦਿਨੀਂ ਪਹਾੜਾਂ ਦੇ ਮੁਕਾਬਲੇ ਮੈਦਾਨੀ ਇਲਾਕਿਆਂ ‘ਚ ਜ਼ਿਆਦਾ ਠੰਡ ਪੈ ਰਹੀ ਹੈ। ਜ਼ਿਆਦਾਤਰ ਮੈਦਾਨੀ ਇਲਾਕਿਆਂ ਵਿੱਚ ਘੱਟੋ-ਘੱਟ ਤਾਪਮਾਨ ਆਮ ਨਾਲੋਂ 1 ਤੋਂ 4 ਡਿਗਰੀ ਸੈਲਸੀਅਸ ਹੇਠਾਂ ਆ ਗਿਆ ਹੈ। ਇਸ ਕਾਰਨ ਊਨਾ, ਹਮੀਰਪੁਰ, ਕਾਂਗੜਾ ਵਰਗੇ ਗਰਮ ਸ਼ਹਿਰਾਂ ‘ਚ ਸਵੇਰੇ-ਸ਼ਾਮ ਸ਼ਿਮਲਾ, ਕੁੱਲੂ ਅਤੇ ਕਿਨੌਰ ਤੋਂ ਵੀ ਜ਼ਿਆਦਾ ਠੰਡ ਹੋਣ ਲੱਗੀ ਹੈ।
ਪੰਜਾਬ ਦੇ ਗੁਆਂਢੀ ਸੂਬੇ ਅੰਮ੍ਰਿਤਸਰ ਦਾ ਘੱਟੋ-ਘੱਟ ਤਾਪਮਾਨ 8.1 ਡਿਗਰੀ, ਚੰਡੀਗੜ੍ਹ ਦਾ 9.6 ਡਿਗਰੀ, ਦਿੱਲੀ ਦਾ ਸਫ਼ਦਰਜੰਗ 8.0 ਡਿਗਰੀ, ਅੰਬਾਲਾ ਦਾ 8.3 ਡਿਗਰੀ ਦਰਜ ਕੀਤਾ ਗਿਆ ਹੈ।
ਇਸੇ ਤਰ੍ਹਾਂ ਹਿਮਾਚਲ ਦੇ ਸਭ ਤੋਂ ਗਰਮ ਸ਼ਹਿਰ ਊਨਾ ਦਾ ਘੱਟੋ-ਘੱਟ ਤਾਪਮਾਨ 5.8 ਡਿਗਰੀ ਸੈਲਸੀਅਸ ਤੱਕ ਡਿੱਗ ਗਿਆ ਹੈ। ਭੂੰਤਰ ਦਾ ਘੱਟੋ-ਘੱਟ ਤਾਪਮਾਨ 3.8 ਡਿਗਰੀ, ਸੁੰਦਰਨਗਰ 3.5 ਡਿਗਰੀ, ਸੋਲਨ 5.6 ਡਿਗਰੀ, ਮਨਾਲੀ 3.4 ਡਿਗਰੀ, ਮੰਡੀ 5.6 ਡਿਗਰੀ, ਬਿਲਾਸਪੁਰ 9 ਡਿਗਰੀ, ਹਮੀਰਪੁਰ 6 ਡਿਗਰੀ ਅਤੇ ਚੰਬਾ 6.2 ਡਿਗਰੀ ਦਰਜ ਕੀਤਾ ਗਿਆ।
ਮੌਸਮ ਵਿਗਿਆਨ ਕੇਂਦਰ ਸ਼ਿਮਲਾ ਦੇ ਡਾਇਰੈਕਟਰ ਸੁਰਿੰਦਰ ਪਾਲ ਨੇ ਦੱਸਿਆ ਕਿ ਦਸੰਬਰ ਦੇ ਪਹਿਲੇ ਹਫ਼ਤੇ ਤੱਕ ਸੂਬੇ ਵਿੱਚ ਮੌਸਮ ਸਾਫ਼ ਰਹੇਗਾ। ਉਨ੍ਹਾਂ ਦੱਸਿਆ ਕਿ ਹਿਮਾਚਲ ਦੇ ਮੈਦਾਨੀ ਇਲਾਕੇ ਖੁਸ਼ਕ ਹਵਾ ਕਾਰਨ ਪਹਾੜਾਂ ਦੇ ਮੁਕਾਬਲੇ ਠੰਡੇ ਹੋ ਰਹੇ ਹਨ।