ਦੱਖਣੀ ਅਮਰੀਕੀ ਦੇਸ਼ ਪੇਰੂ ਤੋਂ ਇਕ ਹੈਰਾਨੀਜਨਕ ਘਟਨਾ ਸਾਹਮਣੇ ਆਈ ਹੈ। ਅਸਲ ਵਿੱਚ ਇੱਥੇ ਇੱਕ ਔਰਤ ਨੂੰ ਆਨਲਾਈਨ ਡੇਟਿੰਗ ਐਪ ‘ਤੇ ਪਿਆਰ ਲੱਭਣਾ ਭਾਰੀ ਪੈ ਗਿਆ। ਉਸ ਦੀ ਲਾ+ਸ਼ ਵੱਖ-ਵੱਖ ਥਾਵਾਂ ਤੋਂ ਟੁਕੜਿਆਂ ਵਿਚ ਬਰਾਮਦ ਹੋਈ ਹੈ। ਘਟਨਾ ਦਾ ਖੁਲਾਸਾ ਹੋਣ ਤੋਂ ਬਾਅਦ ਇਲਾਕੇ ‘ਚ ਦਹਿਸ਼ਤ ਦਾ ਮਾਹੌਲ ਹੈ। ਔਰਤ ਦੀ ਪਛਾਣ ਉਸ ਦੀ ਅੰਗੂਠੀ ਤੋਂ ਹੋਈ ਹੈ, ਜੋ ਉਸ ਨੇ ਆਪਣੀ ਉਂਗਲੀ ਵਿਚ ਪਾਈ ਹੋਈ ਸੀ। ਮਹਿਲਾ ਆਪਣੇ ਪ੍ਰੇਮੀ ਨੂੰ ਮਿਲਣ ਲਈ ਮੈਕਸੀਕੋ ਸਥਿਤ ਆਪਣੇ ਘਰ ਤੋਂ 5 ਹਜ਼ਾਰ ਕਿਲੋਮੀਟਰ ਦੂਰ ਦੱਖਣੀ ਅਮਰੀਕੀ ਦੇਸ਼ ਪੇਰੂ ਆਈ ਸੀ। ਪਰ ਉੱਥੇ ਉਸ ਨਾਲ ਧੋਖਾ ਹੋਇਆ ਅਤੇ ਉਸ ਨੂੰ ਆਪਣੀ ਜਾਨ ਤੋਂ ਹੱਥ ਧੋਣੇ ਪਏ।
ਇਕ ਰਿਪੋਰਟ ਮੁਤਾਬਕ ਆਪਣੇ ਪ੍ਰੇਮੀ ਦੇ ਹੱਥੋਂ ਜਾਨ ਗੁਆਉਣ ਵਾਲੀ ਔਰਤ ਦਾ ਨਾਂ ਬਲਾਂਕਾ ਅਰੇਲਾਨੋ ਸੀ। ਉਸ ਦੀ ਉਮਰ 51 ਸਾਲ ਸੀ। ਬਲਾਂਕਾ ਨੂੰ ਪੇਰੂ ਦੇ ਰਹਿਣ ਵਾਲੇ 37 ਸਾਲਾ ਜੁਆਨ ਨਾਲ ਪਿਆਰ ਹੋ ਗਿਆ ਸੀ। ਬਲਾਂਕਾ ਉਸ ਨੂੰ ਮਿਲਣ ਲਈ ਮੈਕਸੀਕੋ ਤੋਂ ਪੇਰੂ ਆਈ ਸੀ। ਪਰ ਪੇਰੂ ਵਿਚ ਉਸ ਦੇ ਬੁਆਏਫ੍ਰੈਂਡ ਨੇ ਉਸ ਦਾ ਬੁਰਾ ਹਾਲ ਕੀਤਾ। ਦੱਸ ਦੇਈਏ ਕਿ ਬਲਾਂਕਾ ਦੇ ਪੇਰੂ ਆਉਣ ਤੋਂ ਬਾਅਦ ਉਸ ਦੀ ਗੱਲਬਾਤ ਉਸ ਦੀ ਭਤੀਜੀ ਕਾਰਲਾ ਨਾਲ ਜਾਰੀ ਸੀ। ਪਰ ਫਿਰ ਫੋਨ ‘ਤੇ ਗੱਲਬਾਤ ਬੰਦ ਹੋ ਗਈ ਅਤੇ ਜਦੋਂ ਪਰਿਵਾਰਕ ਮੈਂਬਰਾਂ ਨੂੰ ਕਈ ਦਿਨਾਂ ਤੱਕ ਬਲਾਂਕਾ ਦੀ ਖਬਰ ਨਹੀਂ ਮਿਲੀ ਤਾਂ ਉਨ੍ਹਾਂ ਨੇ ਪੇਰੂ ਦੀ ਸਰਕਾਰ ਤੋਂ ਮਦਦ ਦੀ ਮੰਗ ਕੀਤੀ।
ਮੁਲਜ਼ਮ ਜੁਆਨ ਨਾਲ ਸੰਪਰਕ ਕਰਨ ’ਤੇ ਉਸ ਨੇ ਕਾਰਲਾ ਨੂੰ ਦੱਸਿਆ ਕਿ ਬਲਾਂਕਾ ਪੇਰੂ ਵਿੱਚ ਠੀਕ ਮਹਿਸੂਸ ਨਹੀਂ ਕਰ ਰਹੀ ਸੀ। ਉਹ ਇੱਥੇ ਬੋਰ ਹੋ ਗਈ ਸੀ। ਇਸ ਲਈ ਉਸਨੇ ਮੈਕਸੀਕੋ ਵਾਪਸ ਜਾਣ ਦਾ ਫੈਸਲਾ ਕੀਤਾ। ਹਾਲਾਂਕਿ, ਇਹ ਸੱਚ ਨਹੀਂ ਸੀ। ਪੁਲਿਸ ਜਾਂਚ ਤੋਂ ਪਤਾ ਲੱਗਾ ਹੈ ਕਿ ਇਹ ਜੁਆਨ ਸੀ ਜਿਸ ਨੇ ਕਥਿਤ ਤੌਰ ‘ਤੇ ਬਲਾਂਕਾ ਦੀ ਹੱਤਿਆ ਕੀਤੀ ਸੀ ਅਤੇ ਬਾਅਦ ਵਿਚ ਉਸ ਦੀ ਲਾ+ਸ਼ ਦੇ ਟੁਕੜੇ-ਟੁਕੜੇ ਕਰ ਕੇ ਵੱਖ-ਵੱਖ ਥਾਵਾਂ ‘ਤੇ ਸੁੱਟ ਦਿੱਤੇ ਸਨ। ਪੇਰੂ ਦੀ ਪੁਲਿਸ ਨੇ ਵੱਖ-ਵੱਖ ਥਾਵਾਂ ਤੋਂ ਲਾ+ਸ਼ ਦੇ ਟੁਕੜੇ ਬਰਾਮਦ ਕੀਤੇ ਅਤੇ ਬਾਅਦ ਵਿੱਚ ਇੱਕ ਕੱਟੀ ਹੋਈ ਉਂਗਲੀ ਮਿਲੀ। ਇਸ ਵਿੱਚ ਇੱਕ ਅੰਗੂਠੀ ਵੀ ਸੀ ਜੋ ਬਲਾਂਕਾ ਦੀ ਸੀ। ਇਸ ਤੋਂ ਬਾਅਦ ਬਲਾਂਕਾ ਕ+ਤ+ਲ ਕਾਂਡ ਦੀਆਂ ਕੜੀਆਂ ਜੁੜਦੀਆਂ ਰਹੀਆਂ ਅਤੇ ਫਿਰ ਪੁਲਿਸ ਨੇ ਬਲਾਂਕਾ ਦੇ ਕਤਲ ਦੇ ਦੋਸ਼ੀ ਜੁਆਨ ਨੂੰ ਗ੍ਰਿਫਤਾਰ ਕਰ ਲਿਆ।
