ਹਾਲ ਹੀ ਵਿੱਚ ਇੱਕ ਵੱਡੀ ਕਾਰਵਾਈ ਕਰਦੇ ਹੋਏ, ਗੂਗਲ ਨੇ ਹਜ਼ਾਰਾਂ ਯੂਟਿਊਬ ਚੈਨਲਾਂ ਨੂੰ ਹਟਾ ਦਿੱਤਾ ਹੈ। ਗੂਗਲ ਨੇ ਕੋਆਰਡੀਨੇਟਿਡ ਇਨਫਲੂਏਂਸ ਆਪਰੇਸ਼ਨ ਨਾਲ ਜੁੜੀ ਜਾਂਚ ਦੌਰਾਨ ਰੂਸ, ਚੀਨ ਅਤੇ ਬ੍ਰਾਜ਼ੀਲ ਤੋਂ ਚੱਲ ਰਹੇ ਇਨ੍ਹਾਂ ਯੂਟਿਊਬ ਖਾਤਿਆਂ ਨੂੰ ਹਟਾ ਦਿੱਤਾ ਹੈ।
ਦੱਸ ਦਈਏ ਕਿ ਗੂਗਲ ਨੇ ਚੀਨ ਨਾਲ ਜੁੜੇ ਤਾਲਮੇਲ ਪ੍ਰਭਾਵ ਕਾਰਜ ਦੀ ਜਾਂਚ ਦੇ ਚਲਦਿਆ 5 ਹਜ਼ਾਰ 197 ਯੂਟਿਊਬ ਚੈਨਲ ਅਤੇ 17 ਬਲਾਗਰ ਬਲੌਗ ਹਟਾ ਦਿੱਤੇ ਹਨ। ਗੂਗਲ ਨੇ ਆਪਣੇ ਬਲਾਗ ਪੋਸਟ ਵਿੱਚ ਲਿਖਿਆ ਹੈ ਕਿ ਇਹ ਬਲੌਗ ਅਤੇ ਯੂਟਿਊਬ ਚੈਨਲ ਚੀਨੀ ਭਾਸ਼ਾ ਵਿੱਚ ਮਨੋਰੰਜਨ, ਸੰਗੀਤ ਅਤੇ ਜੀਵਨ ਸ਼ੈਲੀ ਨਾਲ ਸਬੰਧਤ ਸਪੈਮ ਸਮੱਗਰੀ ਅਪਲੋਡ ਕਰ ਰਹੇ ਸਨ। ਇੰਨਾ ਹੀ ਨਹੀਂ ਇਨ੍ਹਾਂ ਚੈਨਲਾਂ ‘ਤੇ ਚੀਨ ਅਤੇ ਅਮਰੀਕਾ ਦੇ ਵਿਦੇਸ਼ ਮਾਮਲਿਆਂ ਨੂੰ ਲੈ ਕੇ ਚੀਨੀ ਅਤੇ ਅੰਗਰੇਜ਼ੀ ‘ਚ ਇਕ ਬਹੁਤ ਹੀ ਛੋਟੀ ਸਮੱਗਰੀ ਵੀ ਅਪਲੋਡ ਕੀਤੀ ਗਈ ਸੀ।
ਸਿਰਫ ਚੀਨ ਅਤੇ ਰੂਸ ਹੀ ਨਹੀਂ, ਗੂਗਲ ਨੇ ਬ੍ਰਾਜ਼ੀਲ ਤੋਂ ਚੱਲ ਰਹੇ 76 ਯੂਟਿਊਬ ਚੈਨਲਾਂ ਨੂੰ ਵੀ ਆਪਣੇ ਪਲੇਟਫਾਰਮ ਤੋਂ ਹਟਾ ਦਿੱਤਾ ਹੈ। ਇੱਥੇ ਜੋ ਮੁਹਿੰਮ ਚੱਲ ਰਹੀ ਸੀ, ਉਹ ਬ੍ਰਾਜ਼ੀਲ ਦੇ ਪੁਰਤਗਾਲੀ ਭਾਸ਼ਾ ਵਿੱਚ ਸਮੱਗਰੀ ਸਾਂਝੀ ਕਰ ਰਹੀ ਸੀ ਅਤੇ ਇਹ ਸਮੱਗਰੀ ਬ੍ਰਾਜ਼ੀਲ ਦੇ ਰਾਸ਼ਟਰਪਤੀ ਜਾਇਰ ਬੋਲਸੋਨਾਰੋ ਦਾ ਸਮਰਥਨ ਕਰ ਰਹੀ ਸੀ। ਗੂਗਲ ਨੇ ਦੱਸਿਆ ਕਿ 8 ਯੂਟਿਊਬ ਚੈਨਲਾਂ ਨੂੰ ਹਟਾ ਦਿੱਤਾ ਗਿਆ ਹੈ ਅਤੇ 2 ਡੋਮੇਨ ਨੂੰ ਗੂਗਲ ਨਿਊਜ਼ ਅਤੇ ਡਿਸਕਵਰ ‘ਚ ਦਿਖਾਈ ਦੇਣ ਤੋਂ ਰੋਕ ਦਿੱਤਾ ਗਿਆ ਹੈ।