ਹਾਲ ਹੀ ‘ਚ ਸੈਫ ਅਲੀ ਖਾਨ ਅਤੇ ਕਰੀਨਾ ਕਪੂਰ ਦਾ ਇਕ ਵੀਡੀਓ ਸਾਹਮਣੇ ਆਇਆ ਹੈ, ਜਿਸ ‘ਚ ਦੋਵੇਂ ਇਕ ਪਬਲਿਕ ਪਲੇਸ ‘ਤੇ ਪਿਆਰ ‘ਚ ਡੁੱਬੇ ਨਜ਼ਰ ਆ ਰਹੇ ਹਨ। ਦੋਵਾਂ ਨੂੰ ਉਨ੍ਹਾਂ ਦੀ ਬਿਲਡਿੰਗ ਦੇ ਬਾਹਰ ਦੇਖਿਆ ਗਿਆ। ਇਸ ਦੌਰਾਨ ਸੈਫ ਬੇਟੇ ਤੈਮੂਰ ਨਾਲ ਮੋਢੇ ‘ਤੇ ਬੈਠੇ ਨਜ਼ਰ ਆ ਰਹੇ ਹਨ। ਇਮਾਰਤ ਦੇ ਬਾਹਰ ਦੋਵਾਂ ਨੇ ਕੁਝ ਅਜਿਹਾ ਕੀਤਾ ਜਿਸ ਨੇ ਪਾਪਰਾਜ਼ੀ ਸਮੇਤ ਸਾਰਿਆਂ ਦਾ ਧਿਆਨ ਆਪਣੇ ਵੱਲ ਖਿੱਚ ਲਿਆ। ਗੱਲ ਕਰਦੇ ਹੋਏ ਸੈਫ ਨੇ ਬਿਲਡਿੰਗ ਦੇ ਅੰਦਰ ਜਾਂਦੇ ਹੋਏ ਕਰੀਨਾ ਨੂੰ ਕਿੱਸ ਕੀਤਾ, ਜਿਸ ਨੂੰ ਲੈ ਕੇ ਸੋਸ਼ਲ ਮੀਡੀਆ ਯੂਜ਼ਰਸ ਵਲੋਂ ਮਿਲੀ-ਜੁਲੀ ਪ੍ਰਤੀਕਿਰਿਆ ਦੇਖਣ ਨੂੰ ਮਿਲ ਰਹੀ ਹੈ। ਕੁਝ ਲੋਕ ਸੈਫ ਅਤੇ ਕਰੀਨਾ ਦੇ ਇਸ ਅੰਦਾਜ਼ ਨੂੰ ਪਸੰਦ ਕਰ ਰਹੇ ਹਨ ਤਾਂ ਕੁਝ ਲੋਕ ਸੈਫ ਅਤੇ ਕਰੀਨਾ ਦੀ ਇਸ ਵੀਡੀਓ ਨੂੰ ਦੇਖ ਕੇ ਉਨ੍ਹਾਂ ਦੀ ਆਲੋਚਨਾ ਕਰ ਰਹੇ ਹਨ।
ਇੱਕ ਨੇ ਲਿਖਿਆ ‘ਦਿਖਾਵਾ ਕਿਤਨਾ ਹੀ ਕਰਵਾ ਲੋ ਇਨ ਬਾਲੀਵੁੱਡ ਵਾਲੋਂ ਸੇ’। ਇੱਕ ਹੋਰ ਨੇ ਲਿਖਿਆ ‘ਨੌਟੰਕੀ’। ਜਦੋਂਕਿ ਇੱਕ ਹੋਰ ਯੂਜ਼ਰ ਨੇ ਲਿਖਿਆ ਕਿ ‘ਓਵਰ ਐਕਟਿੰਗ’। ਇਸ ਤੋਂ ਇਲਾਵਾ ਹੋਰ ਕਈ ਸੋਸ਼ਲ ਮੀਡੀਆ ਯੂਜ਼ਰਸ ਨੇ ਵੀ ਆਪੋ ਆਪਣੇ ਰਿਐਕਸ਼ਨ ਦਿੱਤੇ ਹਨ। ਦੱਸ ਦੇਈਏ ਕਿ ਸੈਫ ਅਲੀ ਖਾਨ ਅਤੇ ਕਰੀਨਾ ਕਪੂਰ ਨੂੰ ਬਾਲੀਵੁੱਡ ਦੀ ਪਾਵਰ ਕਪਲ ਮੰਨਿਆ ਜਾਂਦਾ ਹੈ। ਦੋਵਾਂ ਨੇ ਚਾਰ ਸਾਲ ਡੇਟ ਕਰਨ ਤੋਂ ਬਾਅਦ 16 ਅਕਤੂਬਰ 2012 ਨੂੰ ਵਿਆਹ ਕੀਤਾ। ਸੈਫ ਅਤੇ ਕਰੀਨਾ ਨੇ ਐਲਓਸੀ ਕਾਰਗਿਲ ਅਤੇ ਓਮਕਾਰਾ ਵਿੱਚ ਇਕੱਠੇ ਕੰਮ ਕੀਤਾ ਸੀ, ਪਰ 2008 ਦੀ ਫਿਲਮ ‘ਟਸ਼ਨ’ ਦੇ ਸੈੱਟ ‘ਤੇ ਪਿਆਰ ਹੋ ਗਿਆ। ਸੈਫ ਅਤੇ ਕਰੀਨਾ ਦੇ ਵੀ ਦੋ ਬੱਚੇ ਹਨ ਜਿਨ੍ਹਾਂ ਦਾ ਨਾਮ ਤੈਮੂਰ ਅਤੇ ਜੇਹ ਹੈ।
