ਨਸ਼ਾ ਤਸਕਰੀ ਦੇ ਮਾਮਲੇ ਦਿਨ ਬ ਦਿਨ ਵਧਦੇ ਜਾ ਰਹੇ ਹਨ ਅਮਰੀਕੀ ਜਲ ਸੈਨਾ ਵੱਲੋ ਪਾਣੀ ਵਿਚੋ ਮੱਛੀਆਂ ਫੜਨ ਵਾਲੇ ਬੇੜੇ ਵਿੱਚ ਲੁਕੋਏ ਗਏ ਨਸ਼ੀਲੇ ਪਦਾਰਥ ਜ਼ਬਤ ਕੀਤੇ ਗਏ ਹਨ ਜਾਣਕਾਰੀ ਮੁਤਾਬਿਕ ਲਗਭਗ 40 ਲੱਖ ਅਮਰੀਕੀ ਡਾਲਰ ਦੀ 385 ਕਿਲੋਗ੍ਰਾਮ ਹੈਰੋਇਨ ਅਰਬ ਸਾਗਰ ਤੋਂ ਜ਼ਬਤ ਕੀਤੀ ਗਈ ਹੈ
ਅੰਤਰਰਾਸ਼ਟਰੀ ਟਾਸਕ ਫੋਰਸ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਯੂਐਸ ਦੇ ਸਮੁੰਦਰੀ ਜਹਾਜ਼ਾਂ ਯੂਐਸਐਸ ਟੈਂਪਸਟ ਅਤੇ ਯੂਐਸਐਸ ਟਾਈਫੂਨ ਨੇ ਮੱਧ ਪੂਰਬ ਦੇ ਪਾਣੀ ਵਿੱਚ ਮੱਛੀਆਂ ਫੜਨ ਵਾਲੇ ਇੱਕ ਬੇੜੇ ਵਿੱਚ ਲੁਕੋਏ ਗਏ ਨਸ਼ੀਲੇ ਪਦਾਰਥ ਜ਼ਬਤ ਕੀਤੇ ਹਨ। ਇਸ ਜਹਾਜ਼ ‘ਤੇ ਕਿਸੇ ਦੇਸ਼ ਦਾ ਨਾਂ ਨਹੀਂ ਸੀ। ਅਮਰੀਕੀ ਜਲ ਸੈਨਾ ਦੇ ਬੁਲਾਰੇ ਟਿਮੋਥੀ ਹਾਕਿੰਸ ਨੇ ਕਿਹਾ ਕਿ ਜਲ ਸੈਨਾ ਨੇ ਦੱਸਿਆ ਕਿ ਮੱਛੀ ਫੜਨ ਵਾਲਾ ਜਹਾਜ਼ ਇਰਾਨ ਤੋਂ ਆ ਰਿਹਾ ਸੀ। ਉਨ੍ਹਾਂ ਨੇ ਕਿਹਾ ਕਿ ਚਾਲਕ ਦਲ ਦੇ ਸਾਰੇ ਨੌਂ ਮੈਂਬਰਾਂ ਦੀ ਪਛਾਣ ਈਰਾਨੀ ਨਾਗਰਿਕਾਂ ਵਜੋਂ ਹੋਈ ਹੈ।
