ਪਾਕਿਸਤਾਨ : – ਪਾਕਿਸਤਾਨ ਸੁਪਰ ਲੀਗ ਦੇ ਇੱਕ ਮੈਚ ਵਿੱਚ ਲਾਹੌਰ ਕਲੰਦਰਜ਼ ਦੇ ਤੇਜ਼ ਗੇਂਦਬਾਜ਼ ਹੈਰਿਸ ਰਾਊਫ ਨੇ ਆਪਣੇ ਸਾਥੀ ਕਾਮਰਾਨ ਗੁਲਾਮ ਨੂੰ ਥੱਪੜ ਮਾਰ ਦਿੱਤਾ। ਗੁਲਾਮ ਨੇ ਪੇਸ਼ਾਵਰ ਜ਼ਾਲਮੀ ਦੇ ਓਪਨਰ ਹਜ਼ਰਤੁੱਲਾ ਜਜ਼ਈ ਦਾ ਕੈਚ ਛੱਡ ਦਿੱਤਾ ਸੀ। ਇਸ ‘ਤੇ ਹੈਰਿਸ ਰਾਊਫ ਗੁੱਸੇ ‘ਚ ਆ ਗਿਆ।
ਓਵਰ ਦੀ ਆਖਰੀ ਗੇਂਦ ‘ਤੇ ਰਾਊਫ ਨੇ ਮੁਹੰਮਦ ਹੈਰਿਸ ਨੂੰ ਆਊਟ ਕੀਤਾ। ਜਦੋਂ ਸਾਰੇ ਖਿਡਾਰੀ ਜਸ਼ਨ ਮਨਾਉਣ ਆਏ ਤਾਂ ਰਊਫ ਨੇ ਆਪਣਾ ਗੁੱਸਾ ਕੱਢਿਆ ਅਤੇ ਕਾਮਰਾਨ ਨੂੰ ਥੱਪੜ ਮਾਰ ਦਿੱਤਾ। ਇਸ ਤੋਂ ਬਾਅਦ ਕਾਮਰਾਨ ਨੇ ਕੋਈ ਪ੍ਰਤੀਕਿਰਿਆ ਨਹੀਂ ਦਿੱਤੀ ਅਤੇ ਮੁਸਕਰਾਉਂਦੇ ਹੋਏ ਦੇਖਿਆ ਗਿਆ। ਹੁਣ ਇਸ ਘਟਨਾ ਦੀ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਹੈ।
ਮੈਚ ਦੌਰਾਨ ਕਾਮਰਾਨ ਨੇ ਵੀ ਆਪਣੀ ਸ਼ਾਨਦਾਰ ਖੇਡ ਨਾਲ ਹੈਰੀਸ ਨੂੰ ਜਵਾਬ ਦਿੱਤਾ। ਉਸਨੇ 17ਵੇਂ ਓਵਰ ਵਿੱਚ ਪੇਸ਼ਾਵਰ ਦੇ ਕਪਤਾਨ ਵਹਾਬ ਰਿਆਜ਼ ਨੂੰ ਰਨ ਆਊਟ ਕੀਤਾ। ਜਦੋਂ ਕਾਮਰਾਨ ਵਿਕਟ ਲੈਣ ਤੋਂ ਬਾਅਦ ਜਸ਼ਨ ਮਨਾ ਰਿਹਾ ਸੀ ਤਾਂ ਰਊਫ ਨੇ ਵੀ ਉਸ ਨੂੰ ਜੱਫੀ ਪਾ ਲਈ। ਹੁਣ ਤੱਕ ਪਾਕਿਸਤਾਨ ਕ੍ਰਿਕਟ ਬੋਰਡ ਨੇ ਹੈਰੀਸ ‘ਤੇ ਕਾਰਵਾਈ ਨਹੀਂ ਕੀਤੀ ਹੈ।