ਗਣੇਸ਼ ਚਤੁਰਥੀ ਤੋਂ 10 ਦਿਨਾਂ ਗਣੇਸ਼ ਉਤਸਵ ਸ਼ੁਰੂ ਹੋ ਗਿਆ ਹੈ। ਅੱਜ 31 ਅਗਸਤ ਦਿਨ ਬੁੱਧਵਾਰ ਨੂੰ ਗਣੇਸ਼ ਜੀ ਦੀਆਂ ਮੂਰਤੀਆਂ ਦੀ ਸਥਾਪਨਾ ਪੂਰੀ ਧੂਮ-ਧਾਮ ਨਾਲ ਕੀਤੀ ਜਾਵੇਗੀ। ਗਣਪਤੀ ਬੱਪਾ ਅਗਲੇ 10 ਦਿਨਾਂ ਤੱਕ ਆਪਣੇ ਭਗਤਾਂ ਦੇ ਨਾਲ ਰਹਿਣਗੇ। ਇਸ ਦੌਰਾਨ ਸ਼ਰਧਾਲੂ ਗਣਪਤੀ ਨੂੰ ਖੁਸ਼ ਕਰਨ ਲਈ ਉਨ੍ਹਾਂ ਦੀ ਬਹੁਤ ਸੇਵਾ ਕਰਨਗੇ। ਗਣੇਸ਼ ਜੀ ਨੂੰ ਆਪਣਾ ਮਨਪਸੰਦ ਭੋਗ ਚੜਾਇਆ ਜਾਂਦਾ ਹੈ। ਮੰਨਿਆ ਜਾਂਦਾ ਹੈ ਕਿ ਅਜਿਹਾ ਕਰਨ ਨਾਲ ਗਣਪਤੀ ਜਲਦੀ ਹੀ ਪ੍ਰਸੰਨ ਹੋ ਜਾਂਦੇ ਹਨ।
ਧਰਮ ਸ਼ਾਸਤਰਾਂ ਅਨੁਸਾਰ ਗਣੇਸ਼ ਜੀ ਦੀ ਪੂਜਾ ਕਈਆਂ ਚੀਜ਼ਾਂ ਤੋਂ ਬਿਨਾਂ ਅਧੂਰੀ ਮੰਨੀ ਜਾਂਦੀ ਹੈ। ਦੂਜੇ ਪਾਸੇ ਪੂਜਾ ਵਿੱਚ ਗਣੇਸ਼ ਜੀ ਨੂੰ ਮੋਦਕ ਅਤੇ ਦੁਰਬਾ ਚੜ੍ਹਾਉਣ ਨਾਲ ਭਗਵਾਨ ਜਲਦੀ ਪ੍ਰਸੰਨ ਹੁੰਦੇ ਹਨ ਅਤੇ ਸਾਰੀਆਂ ਮਨੋਕਾਮਨਾਵਾਂ ਪੂਰੀਆਂ ਕਰਦੇ ਹਨ। ਇਸ ਤੋਂ ਇਲਾਵਾ ਮੋਤੀਚੂਰ ਦੇ ਲੱਡੂ ਵੀ ਗਣਪਤੀ ਦੀਆ ਪਸੰਦੀਦਾ ਮਿਠਾਈਆਂ ਵਿੱਚੋ ਇਕ ਹਨ। 10 ਦਿਨਾਂ ਦੇ ਦੌਰਾਨ, ਸ਼ਰਧਾਲੂ ਸਵੇਰੇ ਅਤੇ ਸ਼ਾਮ ਨੂੰ ਗਣੇਸ਼ ਨੂੰ ਵੱਖ-ਵੱਖ ਮਿਠਾਈਆਂ ਅਤੇ ਸੁਆਦਲੀਆਂ ਚੀਜ਼ਾਂ ਦਾ ਭੋਗ ਲਵਾਉਂਦੇ ਹਨ।
ਧਾਰਮਿਕ ਮਾਨਤਾਵਾਂ ਅਨੁਸਾਰ ਭਗਵਾਨ ਗਣੇਸ਼ ਦੀ ਪੂਜਾ ਕਰਨ ਨਾਲ ਹਰ ਤਰ੍ਹਾਂ ਦੀਆਂ ਰੁਕਾਵਟਾਂ ਦੂਰ ਹੋ ਜਾਂਦੀਆਂ ਹਨ। ਜਦੋਂ ਭਗਵਾਨ ਗਣਪਤੀ ਪ੍ਰਸੰਨ ਹੁੰਦੇ ਹਨ ਤਾਂ ਮਨੁੱਖ ਨੂੰ ਪ੍ਰਾਪਤੀ, ਸਫਲਤਾ, ਪ੍ਰਸਿੱਧੀ, ਇੱਜ਼ਤ ਅਤੇ ਖੁਸ਼ਹਾਲੀ ਮਿਲਦੀ ਹੈ। ਗਣੇਸ਼ ਉਤਸਵ ਦੌਰਾਨ ਧਿਆਨ ਰੱਖੋ ਕਿ ਭਗਵਾਨ ਗਣੇਸ਼ ਨੂੰ ਸਿਰਫ ਸਾਤਵਿਕ ਚੀਜ਼ਾਂ ਹੀ ਚੜ੍ਹਾਈਆਂ ਜਾਣ। ਭਾਵ ਕਿਸੇ ਵੀ ਚੀਜ਼ ਵਿੱਚ ਲਸਣ-ਪਿਆਜ਼, ਮਸਾਲੇ ਆਦਿ ਦੀ ਵਰਤੋਂ ਨਾ ਕਰੋ। ਇਸ ਸਮੇਂ ਦੌਰਾਨ ਸਾਰਿਆਂ ਨੂੰ ਸਾਤਵਿਕ ਭੋਜਨ ਖਾਣਾ ਚਾਹੀਦਾ ਹੈ। ਭਗਵਾਨ ਨੂੰ ਭੋਗ ਹਮੇਸ਼ਾ ਇਸ਼ਨਾਨ ਕਰਨ ਤੋਂ ਬਾਅਦ ਹੀ ਲਗਵਾਓ। ਭੋਗ ਬਣਾਉਣ ਵਿਚ ਵਰਤੀ ਜਾਣ ਵਾਲੀ ਸਮੱਗਰੀ ਅਤੇ ਇਸ ਨੂੰ ਬਣਾਉਣ ਦੀ ਪ੍ਰਕਿਰਿਆ ਵਿਚ ਸ਼ੁੱਧਤਾ ਅਤੇ ਸਾਫ ਸਫਾਈ ਦਾ ਪੂਰਾ ਧਿਆਨ ਰੱਖੋ।