ਟੀਵੀ ਦੀ ਮਸ਼ਹੂਰ ਕਲਾਕਾਰ ਤੁਨੀਸ਼ਾ ਸ਼ਰਮਾ ਅੱਜ ਸਾਡੇ ਵਿੱਚ ਨਹੀਂ ਹੈ। ਉਨਾਂ ਨੇ 21 ਦਸੰਬਰ ਨੂੰ ਖੁਦਕੁਸ਼ੀ ਕਰ ਲਈ ਸੀ। ਉਹ ਸਿਰਫ਼ 20 ਸਾਲ ਦੀ ਉਮਰ ’ਚ ਹੀ ਦੁਨੀਆ ਨੂੰ ਅਲਵੀਦਾ ਕਹਿ ਗਈ। ਅੱਜ ਦੇ ਦਿਨ ਉਨ੍ਹਾਂ ਦਾ ਜਨਮਦਿਨ ਹੁੰਦਾ ਹੈ। ਇਸ ਮੌਕੇ ’ਤੇ ਉਨ੍ਹਾਂ ਦਾ ਪਰਿਵਾਰ ਅਤੇ ਦੋਸਤ ਉਨ੍ਹਾਂ ਨੂੰ ਬਹੁਤ ਯਾਦ ਕਰ ਰਹੇ ਹਨ।
ਅਦਾਕਾਰਾ ਆਪਣੇ ਜਨਮਦਿਨ ਨੂੰ ਲੈ ਕੇ ਕਾਫ਼ੀ ਉਤਸ਼ਾਹਿਤ ਸੀ। ਅਦਾਕਾਰਾ ਦੀ ਮਾਂ ਨੇ ਅਤੇ ਸ਼ੀਜ਼ਾਨ ਦੀਆਂ ਭੈਣਾਂ ਨੇ ਉਸ ਲਈ ਇੱਕ ਖਾਸ ਸਰਪ੍ਰਾਈਜ਼ ਪਲਾਨ ਬਣਾਇਆ ਸੀ।
ਮਰਹੂਮ ਅਭਿਨੇਤਰੀ ਦੀ ਮਾਂ ਨੇ ਕਿਹਾ ਕਿ ਉਹ ਆਪਣੀ ਧੀ ਨੂੰ ਥੀਮ ਵਾਲਾ ਕੇਕ ਲੈਣਾ ਚਾਹੁੰਦੀ ਸੀ ਅਤੇ ਆਪਣੇ ਨਜ਼ਦੀਕੀ ਦੋਸਤਾਂ ਨੂੰ ਸੱਦਾ ਦੇਣਾ ਚਾਹੁੰਦੀ ਸੀ। ਅਤੇ ਭਾਵੇਂ ਤੁਨੀਸ਼ਾ ਹੁਣ ਇੱਥੇ ਨਹੀਂ ਹੈ, ਉਹ ਉਸ ਦੀ ਯਾਦ ਵਿੱਚ ਇੱਕ ਕੇਕ ਕੱਟੇਗੀ।
ਤੁਨੀਸ਼ਾ ਸ਼ਰਮਾ ਦੀ ਮੌਤ ਤੋਂ ਕੁੱਝ ਦਿਨ ਬਾਅਦ, ਉਸਦੀ ਮਾਂ ਵਨੀਤਾ ਸ਼ਰਮਾ ਨੇ ਇੱਕ ਇੰਟਰਵਿਊ ਵਿੱਚ ਕਿਹਾ ਕਿ ਉਹ ਅਜੇ ਆਪਣੀ ਧੀ ਦੇ ਗੁਆਚਣ ਨਾਲ ਸਮਝੌਤਾ ਨਹੀਂ ਕਰ ਸਕੀ ਹੈ ਅਤੇ ਮੁੰਬਈ ਛੱਡ ਦੇਵੇਗੀ ਕਿਉਂਕਿ ਉਹ ਸਿਰਫ ਤੁਨੀਸ਼ਾ ਲਈ ਸ਼ਹਿਰ ਵਿੱਚ ਸੀ।
