ਭਾਰਤ ਦੀ ਸਭ ਤੋਂ ਵੱਡੀ ਕਾਰ ਨਿਰਮਾਤਾ ਕੰਪਨੀ ਮਾਰੂਤੀ ਸੁਜ਼ੂਕੀ ਨੇ ਭਾਰਤ ਵਿੱਚ 40 ਸਾਲ ਪੂਰੇ ਕਰ ਲਏ ਹਨ। ਇਸ ਦੇ ਨਾਲ ਹੀ ਕੰਪਨੀ ਦੇ ਪ੍ਰੀਮੀਅਮ ਡੀਲਰਸ਼ਿਪ ਨੈੱਟਵਰਕ ‘ਨੈਕਸਾ’ ਨੇ ਵੀ ਦੇਸ਼ ‘ਚ 7 ਸਾਲ ਪੂਰੇ ਕਰ ਲਏ ਹਨ। ਇਸ ਮੌਕੇ ‘ਤੇ ਕੰਪਨੀ ਨੇ ਆਪਣੀਆਂ ਪ੍ਰੀਮੀਅਮ ਕਾਰਾਂ ਦੀ ਨਵੀਂ ਬਲੈਕ ਐਡੀਸ਼ਨ ਰੇਂਜ ਲਾਂਚ ਕੀਤੀ ਹੈ। ਇਸ ਵਿੱਚ ਗ੍ਰੈਂਡ ਵਿਟਾਰਾ, ਇਗਨਿਸ, ਬਲੇਨੋ, ਸਿਆਜ਼ ਅਤੇ XL6 ਦਾ ਬਲੈਕ ਐਡੀਸ਼ਨ ਸ਼ਾਮਲ ਹੈ।
ਨਵੇਂ ਬਲੈਕ ਐਡੀਸ਼ਨ ਦੇ ਨਾਲ, ਸਾਰੀਆਂ NEXA ਕਾਰਾਂ ਨੂੰ ਇੱਕ ਆਕਰਸ਼ਕ ਨਵੇਂ ਪਰਲ ਮਿਡਨਾਈਟ ਬਲੈਕ ਕਲਰ ਸ਼ੇਡ ਨਾਲ ਅਪਡੇਟ ਕੀਤਾ ਗਿਆ ਹੈ। ਬਲੈਕ ਐਡੀਸ਼ਨ ਮਾਰੂਤੀ ਸੁਜ਼ੂਕੀ ਦੇ ਚੋਣਵੇਂ ਵੇਰੀਐਂਟ ‘ਤੇ ਉਪਲਬਧ ਹੈ। ਬਲੈਕ ਐਡੀਸ਼ਨ ਵਿੱਚ ਕਾਰਾਂ ਦੀਆਂ ਕੀਮਤਾਂ ਵਿੱਚ ਕੋਈ ਵਾਧਾ ਨਹੀਂ ਕੀਤਾ ਗਿਆ ਹੈ। ਵੇਰੀਐਂਟ ਦੇ ਮੁਤਾਬਕ ਕੀਮਤਾਂ ਸਟੈਂਡਰਡ ਰੇਂਜ ਦੇ ਮੁਤਾਬਕ ਹੀ ਰਹਿਣਗੀਆਂ।
ਬਲੈਕ ਐਡੀਸ਼ਨ ਤੋਂ ਇਲਾਵਾ, Nexa ਨੇ ਕਾਰਾਂ ਨੂੰ ਹੋਰ ਅਨੁਕੂਲਿਤ ਕਰਨ ਲਈ ਇੱਕ ਲਿਮਟਿਡ ਐਡੀਸ਼ਨ ਐਕਸੈਸਰੀ ਪੈਕੇਜ ਵੀ ਲਾਂਚ ਕੀਤਾ ਹੈ। ਇਹ ਪੈਕੇਜ Nexa ਦੀਆਂ ਸਾਰੀਆਂ ਕਾਰਾਂ ਲਈ ਵਿਸ਼ੇਸ਼ ਛੋਟਾਂ ਨਾਲ ਪੇਸ਼ ਕੀਤਾ ਜਾ ਰਿਹਾ ਹੈ। ਪੈਕੇਜ ਵਿੱਚ ਫ੍ਰੰਟ ਐਂਡ ਰੀਅਰ ਅੰਡਰਬਾਡੀ ਸਪਾਇਲਰ, ਫਰੰਟ ਫੈਂਡਰ ਗਾਰਨਿਸ਼, ਬੈਕ ਡੋਰ ਗਾਰਨਿਸ਼, ਲੋਗੋ ਲਾਈਟਾਂ, ORVM ਗਾਰਨਿਸ਼, ਗ੍ਰੇ ਅਤੇ ਬਲੈਕ ਸ਼ੇਡ ਵਿੱਚ ਹੈੱਡ ਲੈਂਪ ਗਾਰਨਿਸ਼ ਵਰਗੀਆਂ ਐਕਸੈਸਰੀਜ਼ ਸ਼ਾਮਲ ਹਨ।